"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Kunsill Edukazzjoni, Żgħażagħ, Kultura u Sport (Edukazzjoni u żgħażagħ), 27 ta' Novembru 2025
Riżultati ewlenin
Edukazzjoni
Il-kompetittività Ewropea u r-rwol tal-edukazzjoni u t-taħriġ vokazzjonali
Il-Kunsill kellu skambju ta' fehmiet dwar ir-rwol tal-edukazzjoni u t-taħriġ vokazzjonali (VET) fil-kompetittività u r-reżiljenza Ewropea, bil-ħsieb li jiġu indirizzati n-nuqqas ta' ħaddiema u t-tqabbil aħjar tal-ħiliet mal-ħtiġijiet tas-suq tax-xogħol.
Id-diskussjoni tal-lum uriet impenn komuni b'saħħtu għat-tisħiħ tal-edukazzjoni u t-taħriġ vokazzjonali bħala pedament għall-kompetittività tal-Ewropa. L-indirizzar tan-nuqqas ta' ħiliet u l-allinjament tal-edukazzjoni mal-ħtiġijiet tas-suq tax-xogħol huma prijorità jekk l-Ewropa trid tibqa' reżiljenti fit-tranżizzjonijiet ekoloġiċi u diġitali.
Mattias Tesfaye, Ministru għat-Tfal u l-Edukazzjoni tad-Danimarka
Il-ministri rriflettew dwar kif il-programmi tal-VET jistgħu jiġu allinjati aħjar mal-ħtiġijiet tas-suq tax-xogħol filwaqt li jiġu żgurati wkoll edukazzjoni u taħriġ ta' kwalità għolja u inklużivi għall-istudenti kollha tal-VET.
Huma ddiskutew ukoll modi kif tiżdied l-attraenza tal-programmi tal-VET u jittejjeb il-bilanċ bejn il-ġeneri, partikolarment fir-rigward tal-programmi STEM.
Il-Kunsill ħa nota tas-sitwazzjoni attwali tal-abbozz ta' riżoluzzjoni dwar it-tieni ċiklu tal-qafas strateġiku għall-kooperazzjoni Ewropea fl-edukazzjoni u t-taħriġ lejn iż-Żona Ewropea tal-Edukazzjoni (2026-2030).
Ir-riżoluzzjoni tistabbilixxi l-programm ta' ħidma għall-kooperazzjoni fil-livell tal-UE fl-oqsma tal-edukazzjoni u t-taħriġ matul il-ħames snin li ġejjin.
Il-ministri ħadu nota ta' rapport ta' progress ippreżentat mill-presidenza Daniża dwar ir-regolament Erasmus+ għall-perjodu 2028-2034.
Il-proposta għal regolament ġiet ippubblikata fis-16 ta' Lulju 2025 fil-kuntest tal-qafas finanzjarju pluriennali. Din tipprevedi baġit ta' €40.8 biljun u tgħaqqad l-Erasmus+ mal-Korp Ewropew ta' Solidarjetà.
Sar dibattitu informali waqt l-ikla ta' nofsinhar dwar "Il-mobbiltà fl-edukazzjoni u t-taħriġ vokazzjonali inizjali u għolja (VET)".
Affarijiet oħra
Punti oħra fuq l-aġenda tal-Kunsill inkludew ir-Rapport ta' progress annwali tal-2025 tal-Kummissjoni dwar is-Simplifikazzjoni, l-Implimentazzjoni u l-Infurzar.
Żgħażagħ
It-tisħiħ tar-reżiljenza permezz tal-Erasmus+
Sar skambju ta' fehmiet bit-titolu "It-tisħiħ tar-reżiljenza fost iż-żgħażagħ permezz tal-Erasmus+ 2028-2034".
Id-diskussjoni ffukat fuq kif il-programm Erasmus+ 2028-2034 jista' jikkontribwixxi għat-tisħiħ tar-reżiljenza fost iż-żgħażagħ fl-Ewropa, b'enfasi partikolari fuq x'jista' jsir fil-livell tal-UE biex il-pajjiżi jingħataw l-għajnuna biex iżidu l-involviment ċiviku u demokratiku taż-żgħażagħ.
Fil-bidu tad-diskussjoni, rappreżentant tal-Kunsill Daniż taż-Żgħażagħ ippreżenta l-eżiti tal-Konferenza tal-UE dwar iż-Żgħażagħ, li saret f'Copenhagen f'Settembru bħala parti mid-Djalogu tal-UE maż-Żgħażagħ.
Sar dibattitu informali waqt il-kolazzjon dwar "Il-promozzjoni tar-reżiljenza u l-involviment fost iż-żgħażagħ Ewropej". Id-dibattitu sar fil-qafas tad-Djalogu tal-UE maż-Żgħażagħ.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
