Kunsill Affarijiet Barranin, 09/02/2015, 9 ta' Frar 2015

Riżultati ewlenin tal-Kunsill Affarijiet Barranin

Ukraina

B'mod unanimu l-Kunsill adotta elenkar addizzjonali fir-rigward ta' separatisti fil-Lvant tal-Ukraina u s-sostenituri tagħhom fir-Russja. Dawn jikkonsistu minn iffriżar tal-assi u projbizzjoni fuq vjaġġar għal 19-il persuna u 9 entitajiet involuti f'azzjoni kontra l-integrità territorjali tal-Ukraina. 

Sabiex jingħata spazju lill-isforzi diplomatiċi attwali, il-Kunsill iffriża d-dħul fis-seħħ tal-miżuri sa nhar it-Tnejn 16 ta' Frar 2015.  
   
Il-ministri għall-affarijiet barranin appoġġaw l-isforzi mwettqa bil-ħsieb ta' laqgħa ġdida nhar l-Erbgħa biex fl-aħħar tinkiseb l-implimentazzjoni sħiħa tal-ftehimiet ta' Minsk. "Huwa dmir tagħna li nagħtu opportunità li dan it-tentattiv," qalet ir-Rappreżentant Għoli tal-Unjoni għall-Affarijiet Barranin u l-Politika ta' Sigurtà, Federica Mogherini.

Ġlieda kontra t-terroriżmu

Din għandha tibqa' prijorità, mhux biss għall-azzjoni interna u ta' sigurtà, iżda wkoll għall-politika diplomatika u estera tagħna. Federica Mogherini,  Rappreżentant Għoli tal-UE

Il-Kunsill iddeċieda li jintensifika l-azzjoni esterna fil-ġlieda kontra t-terroriżmu, b'mod partikolari fil-Mediterran, il-Lvant Nofsani, l‑Afrika ta’ Fuq, il-Golf u s-Saħel.

Ser tissaħħaħ il-kooperazzjoni ma' sħab ewlenin, ser jiġu varati proġetti ġodda biex jingħata appoġġ lit-tisħiħ tal-kapaċitajiet u ser tiġi intensifikata l-azzjoni biex jiġu miġġielda r-radikalizzazzjoni u l-estremiżmu vjolenti.