Kunsill Affarijiet Barranin, 12/10/2015, 12 ta' Ottubru 2015

Riżultati ewlenin

id-diskussjonijiet tagħna inkludew il-migrazzjoni, il-Libja u s-Sirja - li kollha huma kwistjonijiet ewlenin marbutin ma' xulxin u li dwarhom l-UE għandha rwol sinifikanti x'taqdi. Ninsab kuntent bl-għaqda tal-UE f'dawn il-kwistjonijiet, li hija riflessa fil-konklużjonijiet tagħna. L-UE tinsab lesta tagħmel il-parti kollha tagħha, b'appoġġ għall-proċessi politiċi mmexxija min-NU dwar il-Libja kif ukoll dwar is-Sirja. Federica Mogherini, Rappreżentant Għoli għall-Affarijiet Barranin u l-Politika ta' Sigurtà

Libja

Il-Ministri ħadu l-opportunità tal-laqgħa tal-Kunsill biex jilqgħu u jesprimu l-appoġġ tagħhom għall-ftehim politiku Libjan li ppreżenta r-Rappreżentant Speċjali tas-Segretarju Ġenerali tan-NU Bernardino Leon fi Skhirat fit-8 ta' Ottubru. Il-Kunsill adotta konklużjonijiet għal dak il-għan, u b'mod partikolari appella lill-partijiet Libjani kollha biex japprovaw malajr u jappoġġaw dan il-ftehim biex il-Libja tkun tista’ tieħu t-triq tal-paċi u l-prosperità.

• Konklużjonijiet tal-Kunsill dwar il-Libja

Sirja

Il-Ministri kellhom dibattitu approfondit dwar is-Sirja u ħadu kont tal-aħħar żviluppi fil-pajjiż. Il-Kunsill adotta konklużjonijiet.

• Konklużjonijiet tal-Kunsill dwar is-Sirja, 12 ta' Ottubru 2015

Migrazzjoni

Il-Ministri ddiskutew l-aspetti esterni tal-migrazzjoni. Il-Kunsill adotta konklużjonijiet li ser jikkontribwixxu għad-diskussjonijiet tal-laqgħa li ġejja tal-Kunsill Ewropew fil-15-16 ta' Ottubru.

• Konklużjonijiet tal-Kunsill dwar il-migrazzjoni
• It-tiftix ta’ soluzzjonijiet għal pressjonijiet migratorji (informazzjoni ġenerali)

• Outcome of the Council meeting