"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza tal-ministri għall-affarijiet barranin (żvilupp), 8 ta' Ġunju 2020
Riżultati ewlenin
L-Unjoni Ewropea turi r-rwol mexxej tagħha fit-tiftix ta' soluzzjonijiet globali għall-kriżi tal-coronavirus. Qegħdin hemm għas-sħab tagħna. Issa huwa l-waqt biex il-pakkett Tim Ewropa jitwettaq b'mod rapidu.
Josep Borrell, Rappreżentant Għoli tal-UE għall-Affarijiet Barranin u l-Politika ta' Sigurtà
Il-ministri għall-iżvilupp tal-UE kellhom laqgħa informali permezz ta' vidjokonferenza biex jiddiskutu l-progress li sar fl-implimentazzjoni tal-pakkett Tim Ewropa, li tnieda fit-8 ta' April 2020 biex jappoġġa lill-pajjiżi sħab fil-ġlieda kontra l-pandemija tal-COVID-19 u l-konsegwenzi soċjoekonomiċi tagħha.
Il-Ministri laqgħu l-aħbar li l-ammont mobilizzat mill-pakkett Tim Ewropa issa jilħaq kważi 36 biljun euro, li jinkludi kontribuzzjonijiet mill-Kummissjoni Ewropea, l-istati membri tal-UE, il-Bank Ewropew tal-Investiment u l-Bank Ewropew għar-Rikostruzzjoni u l-Iżvilupp.
Dawn ir-riżorsi ser jintużaw biex jingħata appoġġ lill-pajjiżi sħab tal-UE biex jindirizzaw il-pandemija, b'attenzjoni speċifika fuq: it-tisħiħ tas-sistemi tas-saħħa, l-iffaċilitar tal-irkupru soċjoekonomiku, l-iżgurar tal-fluss tal-merkanzija, u l-investiment fir-riċerka dwar it-trattamenti u t-tilqim.
Id-diskussjoni kkonfermat ukoll l-adozzjoni mill-Kunsill ta' konklużjonijiet dwar ir-Rispons Globali ta' Tim Ewropa għall-COVID-19.
Qabel id-diskussjoni, id-Direttur Ġenerali tal-Organizzazzjoni Dinjija tas-Saħħa, Dr Tedros Adhanom Ghebreyesus infoma lill-ministri dwar ir-rwol li qdiet id-WHO waqt il-pandemija tal-COVID-19 fl-iżgurar tal-koordinazzjoni u l-assistenza globali għall-pajjiżi l-aktar vulnerabbli.
Taħt ġrajjiet kurrenti, il-ministri ġew aġġornati dwar is-sitwazzjoni attwali tan-negozjati għal sħubija ġdida UE-AKP wara l-2020.
Huma ġew infurmati wkoll dwar l-arkitettura finanzjarja futura għall-iżvilupp sostenibbli u l-viċinat, li ġiet proposta mill-Kummissjoni Ewropea fil-kuntest tal-qafas finanzjarju pluriennali li jmiss.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
L-Unjoni Ewropea turi r-rwol mexxej tagħha fit-tiftix ta' soluzzjonijiet globali għall-kriżi tal-coronavirus. Qegħdin hemm għas-sħab tagħna. Issa huwa l-waqt biex il-pakkett Tim Ewropa jitwettaq b'mod rapidu.
