"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza tal-ministri għall-affarijiet barranin, 29 ta' Mejju 2020
Riżultati ewlenin
Illum il-ministri tal-UE għall-affarijiet barranin kellhom vidjokonferenza, immexxija mir-Rappreżentant Għoli tal-UE għall-Affarijiet Barranin u l-Politika ta' Sigurtà, Josep Borrell.
Iċ-Ċina hija waħda mill-atturi globali ewlenin u l-UE għandha tkompli bl-impenn tagħha maċ-Ċina abbażi tal-interessi u l-objettivi tagħha. Jekk ikollu suċċess dan l-involviment ser jgħin biex tissawwar dinja aktar stabbli u prospera, iżda wkoll dinja li tirrispetta d-drittijiet u l-libertajiet fundamentali.
Josep Borrell, Rappreżentant Għoli tal-UE għall-Affarijiet Barranin u l-Politika ta' Sigurtà
Il-ministri l-ewwel kellhom diskussjoni qasira dwar l-Afganistan. Huma affermaw mill-ġdid l-appoġġ tagħhom għal proċess ta’ paċi tal-Afgani u mmexxi mill-Afgani. Huma tennew il-ħtieġa għal waqfien sħiħ u permanenti mill-ġlied fil-pajjiż kollu. Id-diskussjoni kkonfermat l-adozzjoni mill-Kunsill ta’ konklużjonijiet dwar il-proċess ta’ paċi fl-Afganistan u l-appoġġ futur tal-UE għall-paċi u l-iżvilupp fil-pajjiż.
Il-ministri għall-affarijiet barranin imbagħad iffukaw fuq il-punt ewlieni fuq l-aġenda, ir-relazzjonijiet tal-UE maċ-Ċina. Id-diskussjoni enfasizzat in-natura kumplessa u multidimensjonali tar-relazzjoni, li tinkludi dimensjonijiet kemm politiċi kif ukoll ekonomiċi.
Il-ministri ddiskutew l-iżviluppi mill-Komunikazzjoni Konġunta ta’ Marzu 2019 dwar ir-relazzjonijiet bejn l-UE u ċ-Ċina s’issa. Kellhom skambju ta’ fehmiet dwar kif għandha tiġi żviluppata relazzjoniunifikata u bbilanċjata maċ-Ċina dwar l-aspetti kollha tar-relazzjoni wiesgħa, mill-kummerċ u l-investiment, fejn hemm bżonn ta’ kundizzjonijiet aktar ekwi, għall-isfidi globali bħat-tibdil fil-klima, il-paċi u s-sigurtà internazzjonali fir-reġjuni kollha tad-dinja, kif ukoll kwistjonijiet kruċjali ta' drittijiet tal-bniedem.
Il-ministri ttrattaw ukoll l-iżviluppi l-aktar reċenti f’Hong Kong, li dwarhom ġiet maqbula wkoll dikjarazzjoni tal-UE.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Iċ-Ċina hija waħda mill-atturi globali ewlenin u l-UE għandha tkompli bl-impenn tagħha maċ-Ċina abbażi tal-interessi u l-objettivi tagħha. Jekk ikollu suċċess dan l-involviment ser jgħin biex tissawwar dinja aktar stabbli u prospera, iżda wkoll dinja li tirrispetta d-drittijiet u l-libertajiet fundamentali.
