"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
It-Turkija hija pajjiż importanti għall-UE li miegħu nixtiequ naraw ir-relazzjonijiet tagħna jissaħħu u jiġu żviluppati. Dan għandu jsir fir-rispett tal-valuri, il-prinċipji u l-interessi tal-UE.
Fl-istess ħin hemm żviluppi inkwetanti, b'mod partikolari fil-Lvant tal-Mediterran u fir-rigward tal-Libja, li jaffettwaw l-interessi tal-UE.
Josep Borrell, Rappreżentant Għoli għall-Affarijiet Barranin u l-Politika ta' Sigurtà
Kien hemm kunsens fost l-istati membri li r-relazzjonijiet bejn l-UE u t-Turkija attwalment kienu taħt pressjoni minħabba żviluppi inkwetanti li jaffettwaw l-interessi tal-UE, b'mod partikolari fil-Lvant tal-Mediterran u fil-Libja. Il-ministri qablu li kellhom jiġu indirizzati diversi kwistjonijiet serji mit-Turkija sabiex tinbidel id-dinamika konfrontazzjonali attwali, u jinħoloq ambjent ta' fiduċja.
F'konformità mal-Konklużjonijiet tal-Kunsill dwar l-attivitajiet ta' tħaffir illegali tat-Turkija fiż-Żona Ekonomika Esklussiva ta' Ċipru tal-15 ta' Lulju 2019 u d-dikjarazzjoni dwar il-Lvant tal-Mediterran tal-15 ta' Mejju 2020, ġie enfasizzat li l-azzjonijiet unilaterali tat-Turkija, b'mod partikolari fil-Lvant tal-Mediterran, li jmorru kontra l-interessi tal-UE, id-drittijiet sovrani tal-istati membri tal-UE u d-dritt internazzjonali, għandhom jintemmu.
Il-ministri appellaw ukoll lit-Turkija biex tikkontribwixxi b'mod attiv għal soluzzjoni politika fil-Libja u biex tirrispetta l-impenji li kienet ħadet fil-qafas tal-proċess ta' Berlin, inkluż l-embargo fuq l-armi tan-NU. L-istati membri ssottolinjaw l-importanza tal-Operazzjoni IRINI biex jiġi żgurat ir-rispett tal-embargo fuq l-armi mill-atturi kollha u impenjaw ruħhom li jikkunsidraw modi biex tiġi aċċertata l-effettività sħiħa tagħha, bil-għan li tiġi evitata l-eskalazzjoni fuq il-post.
Il-ministri kkundannaw ukoll id-deċiżjoni Torka li Hagia Sophia tiġi kkonvertita lura għal moskea billi din id-deċiżjoni inevitabbilment ser tagħti lok għal nuqqas ta' fiduċja, tippromwovi diviżjonijiet mġedda bejn il-komunitajiet reliġjużi u timmina l-isforzi għad-djalogu u l-kooperazzjoni. Kien hemm appoġġ wiesa' biex l-awtoritajiet Torok jerġgħu jikkunsidraw b'mod urġenti u jreġġgħu lura d-deċiżjoni tagħhom.
Fl-aħħar nett, kien hemm appoġġ wiesa' biex ir-Rappreżentant Għoli jkun jista' jesplora modi ulterjuri li jistgħu jikkontribwixxu biex jonqsu t-tensjonijiet u jintlaħaq qbil dwar kwistjonijiet li qed ixekklu dejjem aktar ir-relazzjoni bejn l-UE u t-Turkija.
Il-Kunsill iddiskuta r-relazzjonijiet bejn l-UE u l-Amerka Latina u l-Karibew, fid-dawl tal-konsegwenzi tal-pandemija tal-COVID-19.
Il-ministri ddiskutew b'mod partikolari kif l-UE tista' tappoġġa r-reġjun bil-ħsieb li l-impenn politiku tal-UE mar-reġjun jerġa' jingħata l-ħajja f'dan il-mument kritiku.
Ġrajjiet kurrenti
Il-ministri ddiskutew id-dħul fis-seħħ tal-leġiżlazzjoni dwar s-sigurtà nazzjonali f'Hong Kong. F'dan il-kuntest il-ministri ddikjaraw mill-ġdid l-appoġġ tal-UE għall-awtonomija u l-libertajiet fundamentali tal-poplu ta' Hong Kong, u ssottolinjaw li tali deċiżjoni jista' jkollha impatt fuq ir-relazzjonijiet tal-UE maċ-Ċina.
Il-Kunsill Affarijiet Barranin imbagħad ġie infurmat dwar il-Libja, fejn is-sitwazzjoni fil-post għadha ħażina, u l-ksur sfaċċat tal-embargo fuq l-armi għadu rreġistrat.
Il-ministri ġew infurmati wkoll dwar l-iżviluppi fid-Djalogu bejn Belgrad u Pristina, li reġa' inbeda mill-ġdid dan l-aħħar, u l-laqgħa li jmiss tiegħu ppjanata għall-Ħamis 16 ta' Lulju fi Brussell.
Fl-aħħar nett, ir-Rappreżentant Għoli tkellem ukoll dwar il-Venezwela, li dwarha kien ippropona li jsejjaħ laqgħa ministerjali tal-Grupp ta' Kuntatt Internazzjonali, segwita minn laqgħat mal-Grupp ta' Lima u atturi ewlenin oħra.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
It-Turkija hija pajjiż importanti għall-UE li miegħu nixtiequ naraw ir-relazzjonijiet tagħna jissaħħu u jiġu żviluppati. Dan għandu jsir fir-rispett tal-valuri, il-prinċipji u l-interessi tal-UE. Fl-istess ħin hemm żviluppi inkwetanti, b'mod partikolari fil-Lvant tal-Mediterran u fir-rigward tal-Libja, li jaffettwaw l-interessi tal-UE.
