"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza informali tal-ministri għall-affarijiet barranin, 10 ta' Ottubru 2023, 10 ta' Ottubru 2023
Riżultati ewlenin
Il-ministri għall-Affarijiet Barranin tal-UE kelllhom vidjokonferenza informali li fiha ddiskutew is-sitwazzjoni f'Iżrael u fir-reġjun wara l-aħħar attakki mill-Ħamas.
F’konformità mad-dikjarazzjoni tal-kopresidenti ppubblikata aktar kmieni wara s-27 Kunsill Konġunt GCC-UE, il-ministri tal-UE fil-laqgħa interna tagħhom ikkundannaw l-attakki reċenti, appellaw għall-protezzjoni taċ-ċittadini u t-trażżin, il-ħelsien tal-ostaġġi, l-għoti ta' aċċess għall-ikel, l-ilma u l-mediċini għal Gaża skont il-liġi umanitarja internazzjonali, u l-ftuħ ta' kurituri umanitarji.
Il-ministri enfasizzaw ukoll l-importanza tat-tħejjija tal-konsegwenzi tal-attakki, it-tisħiħ tal-kooperazzjoni mal-atturi reġjonali u internazzjonali bil-ħsieb li tingħata ħajja ġdida lill-Proċess ta' Paċi fil-Lvant Nofsani.
Il-komunità internazzjonali trid tuża dan il-mument kritiku - dan jista' jkun mument ta' qawmien - sabiex terġa' tinvolvi ruħha mal-problema tal-Palestina u Iżrael.
Josep Borrell, Rappreżentant Għoli tal-Unjoni Ewropea għall-Affarijiet Barranin u l-Politika ta' Sigurtà
Il-ministri tennew id-dritt ta' Iżrael li jiddefendi ruħu, b'rispett sħiħ għal-liġi umanitarja internazzjonali.
Il-ministri mbagħad iddiskutew kif tista' titkompla l-kooperazzjoni mal-Awtorità Palestinjana u jingħata appoġġ lill-poplu Palestinjan.
Għamilna distinzjoni ċara bejn il-Ħamas, il-poplu Palestinjan u l-Awtorità Palestinjana. Inqisu lill-Ħamas bħala organizzazzjoni terroristika [...] iżda l-awtorità Palestinjana hija ħaġa oħra, l-awtorità Palestinjana hija s-sieħeb tagħna. Ma nittrattawx mal-Ħamas iżda, iva, nappoġġaw, nittrattaw u naħdmu flimkien mal-awtorità Palestinjana.
U mhux il-poplu Palestinjan kollu huwa terrorist. Għalhekk kastig kollettiv kontra l-Palestinjani kollha jkun inġust u mhux produttiv. Imur kontra l-interessi tagħna u l-interess tal-paċi.
Josep Borrell, Rappreżentant Għoli tal-Unjoni Ewropea għall-Affarijiet Barranin u l-Politika ta' Sigurtà
Maġġoranza kbira ta' ministri ddikjaraw li l-kooperazzjoni mal-Awtorità Palestinjana għandha tkompli u l-fondi tal-UE m'għandhomx jitwaqqfu.
Il-ministri qablu li l-UE ser tkompli bl-impenn tagħha mal-partijiet kollha u żżomm l-appoġġ finanzjarju u politiku tagħha għar-reġjun. Ser tiżgura wkoll li l-impenn dejjiemi tagħha lejn soluzzjoni politika bbażata fuq żewġ stati jegħleb dawn il-ġrajjiet traġiċi.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Il-komunità internazzjonali trid tuża dan il-mument kritiku - dan jista' jkun mument ta' qawmien - sabiex terġa' tinvolvi ruħha mal-problema tal-Palestina u Iżrael.