"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-Kunsill iddiskuta s-sitwazzjoni preżenti tal-koordinazzjoni tal-UE tal-COVID-19 b'enfasi fuq il-kampanja ta' tilqim, il-ħidma li għaddejja fuq iċ-ċertifikati ħodor diġitali, u s-sitwazzjoni epidemjoloġika u r-restrizzjonijiet fuq l-ivvjaġġar.
Fit-3 ta' Mejju, il-Kunsill, il-Parlament Ewropew u l-Kummissjoni kellhom l-ewwel trilogu dwar iċ-ċertifikat aħdar diġitali, maħsub biex jiffaċilita l-moviment liberu, bil-ħsieb li jiġi konkluż f'Ġunju. It-tieni trilogu ser isir fil-11 ta' Mejju.
Il-ħidma teknika li għaddejja fuq iċ-ċertifikati diġitali interoperabbli tal-COVID-19 hija parti mit-tħejjijiet għal approċċ komuni għat-tneħħija gradwali futura tar-restrizzjonijiet. Għaddejja wkoll ħidma fuq ir-reviżjoni tar-Rakkomandazzjoni tal-Kunsill dwar l-ivvjaġġar minn pajjiżi terzi.
In-negozjati dwar iċ-Ċertifikat Aħdar Diġitali qed jimxu 'l quddiem fi spirtu kostruttiv. Nittamaw li nkunu nistgħu nilħqu qbil interistituzzjonali malajr. Dan ikun kontribut importanti biex l-Ewropa terġa' tibda timxi 'l quddiem.
Ana Paula Zacarias, Segretarju tal-Istat għall-Affarijiet Ewropej tal-Portugall
Laqgħa straordinarja tal-Kunsill Ewropew fl-24 u l-25 ta' Mejju 2021
Il-Kunsill ħejja għal-laqgħa straordinarja tal-Kunsill Ewropew fl-24 u l-25 ta' Mejju 2021.
Il-mexxejja tal-UE ser jiltaqgħu fi Brussell biex jikkoordinaw it-tweġiba tal-UE għall-COVID-19 u jiddiskutu l-aħħar żviluppi.
Il-Kapijiet ta' Stat jew ta' Gvern ser jikkonċentraw ukoll fuq it-tibdil fil-klima, b'segwitu għall-konklużjonijiet tal-Kunsill Ewropew ta' Diċembru 2020.
Il-mexxejja tal-UE ser jimxu mbagħad għar-relazzjonijiet esterni, b'dibattitu strateġiku dwar ir-Russja. Id-dikjarazzjoni tal-25 ta’ Marzu tal-membri tal-Kunsill Ewropew ipprevediet dibattitu strateġiku li għandu jsir "f'laqgħa li jmiss tal-Kunsill Ewropew''. Fl-aħħar nett, il-Kunsill Ewropew ser janalizza l-implimentazzjoni tal-Ftehim ta' Kummerċ u Kooperazzjoni bejn l-UE u r-Renju Unit.
Il-ministri għall-Affarijiet Ewropej ġew mgħarrfa mill-presidenza dwar is-sitwazzjoni preżenti u l-passi li jmiss rigward il-Konferenza dwar il-Ġejjieni tal-Ewropa, wara l-attività inawgurali formali fid-9 ta' Mejju fi Strasburgu.
Eżatt qabel din l-attività formali, il-Bord Eżekuttiv tal-Konferenza ltaqa' għar-raba' darba biex jiddiskuti u jaqbel dwar il-kapitolu li fadal tar-Regoli ta' Proċedura, marbut mal-Plenarja tal-Konferenza. B'dan, ir-Regoli ta' Proċedura ġew iffinalizzati kompletament wara l-approvazzjoni li ngħatat mill-Bord, fit-22 ta' April li għadda, liż-żewġ taqsimiet l-oħra tar-Regoli ta' Proċedura tal-Konferenza, partikolarment dik dwar il-parteċipazzjoni taċ-ċittadini u l-metodi ta' ħidma tal-Bord. F'dik l-okkażjoni, il-Bord ġie mgħarraf ukoll dwar il-modalitajiet prattiċi għall-organizzazzjoni tal-bordijiet taċ-Ċittadini Ewropej.
Fid-19 ta' April tnediet il-pjattaforma diġitali tal-Konferenza dwar il-Ġejjieni tal-Ewropa, li biha l-konverżazzjoni setgħet tibda miċ-ċittadini madwar l-Ewropa. Għadd ta' ideat u attivitajiet diġà ġew ippubblikati fuq il-pjattaforma.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
In-negozjati dwar iċ-Ċertifikat Aħdar Diġitali qed jimxu 'l quddiem fi spirtu kostruttiv. Nittamaw li nkunu nistgħu nilħqu qbil interistituzzjonali malajr. Dan ikun kontribut importanti biex l-Ewropa terġa' tibda timxi 'l quddiem.
