"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza informali tal-ministri għall-affarijiet Ewropej, 23 ta' Marzu 2021
Riżultati ewlenin
Vidjokonferenza tal-membri tal-Kunsill Ewropew
Il-ministri eżaminaw dikjarazzjoni għall-vidjokonferenza tal-membri tal-Kunsill Ewropew tal-25 u s-26 ta' Marzu. Il-mexxejja tal-UE ser jiddiskutu r-rispons għall-pandemija tal-COVID-19, is-suq uniku, il-politika industrijali, it-trasformazzjoni diġitali u l-ekonomija, is-sitwazzjoni fil-Lvant tal-Mediterran, u r-relazzjonijiet mar-Russja.
COVID-19: Il-mexxejja ser jevalwaw l-organizzazzjoni tad-distribuzzjoni tal-vaċċini u s-sitwazzjoni epidemjoloġika u jkomplu r-rispons koordinat għall-kriżi tal-pandemija.
Is-suq uniku, il-politika industrijali, it-trasformazzjoni diġitali u l-ekonomija: Huma ser jiddiskutu l-prijoritajiet ewlenin għas-suq uniku, il-politika industrijali u t-trasformazzjoni diġitali. Il-mexxejja ser jagħtu ħarsa lejn il-Kumpass Diġitali, inkluż il-miri stabbiliti għall-2030, u jevalwaw il-ħidma fuq it-tassazzjoni diġitali. Huma ser jindirizzaw il-prijoritajiet għas-Semestru Ewropew 2021 u l-mexxejja ser jiġu mistiedna japprovaw ir-rakkomandazzjoni dwar il-politika ekonomika taż-żona tal-euro fil-laqgħa formali li jmiss tagħhom.
Il-Lvant tal-Mediterran: Il-mexxejja tal-UE ser jiddiskutu s-sitwazzjoni fil-Lvant tal-Mediterran. Qabel il-laqgħa, ir-Rappreżentant Għoli u l-Kummissjoni mistennija jippreżentaw rapport dwar ir-relazzjonijiet bejn l-UE u t-Turkija qabel il-laqgħa, b'segwitu għall-konklużjonijiet tal-Kunsill Ewropew f'Diċembru 2020.
Ir-Russja: Il-mexxejja tal-UE ser jiddiskutu r-relazzjonijiet mar-Russja.
Il-qofol tal-azzjoni kollettiva tagħna biex tiġi indirizzata l-pandemija huwa li nħaffu l-produzzjoni, it-twassil u l-użu tal-vaċċini. Ser isir kull sforz.
Ana Paula Zacarias, Segretarju tal-Istat għall-Affarijiet Ewropej tal-Portugall
Il-Kunsill eżamina rapport ta' sinteżi tal-presidenza dwar il-kontributi ta' diversi vidjokonferenzi informali tal-ministri responsabbli mill-affarijiet ekonomiċi u finanzjarji, l-impjiegi u l-affarijiet soċjali, is-suq intern u l-industrija, l-ambjent u r-riċerka, rigward is-Semestru Ewropew 2021 u l-pjanijiet għall-irkupru u r-reżiljenza.
Ir-rapport jinnota li, skont l-aħħar tbassir tax-xitwa tal-Kummissjoni, il-perspettiva ekonomika tiddependi b'mod kruċjali fuq l-evoluzzjoni tal-pandemija u fuq ir-restrizzjonijiet fuq l-attività ekonomika biex tiġi kkontrollata u li l-appoġġ politiku fil-livell nazzjonali u dak tal-UE ser ikun kruċjali għall-irkupru.
Fil-kuntest tal-implimentazzjoni tal-Faċilità għall-Irkupru u r-Reżiljenza, ir-rapport jenfasizza li l-pjanijiet nazzjonali għall-irkupru u r-reżiljenza għandhom isiru d-dokument ta' referenza ewlieni dwar l-inizjattivi ta' politika li jħarsu 'l quddiem tal-Istati Membri. Il-pjanijiet għandhom jinkludu l-aġenda nazzjonali tar-riformi u l-investimenti, ikunu konsistenti mal-isfidi u l-prijoritajiet rilevanti speċifiċi għall-pajjiż identifikati fil-kuntest tas-Semestru Ewropew, ikunu konformi mal-objettivi ta' politika tal-UE u jiffukaw fuq it-tranżizzjonijiet ekoloġiċi u diġitali.
Il-Kunsill qabel ukoll li jibgħat abbozz ta' rakkomandazzjoni dwar il-politika ekonomika taż-żona tal-euro lill-Kunsill Ewropew.
Il-presidenza ppreżentat pjan direzzjonali aġġornat dwar is-Semestru Ewropew 2021. Dan il-pjan direzzjonali ġie ppreparat bil-ħsieb tal-kuntest partikolari li jirriżulta mill-pandemija tal-COVID-19 u l-ħtieġa ta' aktar aġġustament biex il-Faċilità għall-Irkupru u r-Reżiljenza tiġi integrata fis-Semestru Ewropew.
Il-presidenza infurmat lill-ministri dwar is-sitwazzjoni attwali tal-Konferenza dwar il-Ġejjieni tal-Ewropa, immirata lejn l-involviment taċ-ċittadini f'dibattitu wiesa' dwar il-ġejjieni tal-Ewropa fl-għaxar snin li ġejjin u lil hinn, inkluż fid-dawl tal-pandemija tal-COVID-19.
Fl-10 ta' Marzu, il-Kunsill, il-Parlament Ewropew u l-Kummissjoni ffirmaw dikjarazzjoni konġunta li tistabbilixxi l-objettivi, l-istruttura, l-ambitu u ż-żmien meta ser issir il-Konferenza.
Il-laqgħa kostituttiva tal-Bord Eżekuttiv tal-Konferenza ser issir fl-24 ta' Marzu 2021 biex jiġu diskussi firxa ta' kwistjonijiet, inkluż arranġamenti interni u t-tnedija tal-pjattaforma online, kif ukoll l-ippjanar għal avvenimenti futuri tal-Konferenza.
Il-Kunsill ser ikun rappreżentat fil-Bord mill-presidenza u ż-żewġ presidenzi sussegwenti, bl-erba' presidenzi ta' wara bl-istatus ta' osservatur.
L-attivitajiet tal-Konferenza huma mistennija li jibdew dalwaqt. Il-presidenza konġunta tal-Konferenza ser tistieden lill-Konferenza biex tilħaq konklużjonijiet sar-rebbiegħa 2022.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Il-qofol tal-azzjoni kollettiva tagħna biex tiġi indirizzata l-pandemija huwa li nħaffu l-produzzjoni, it-twassil u l-użu tal-vaċċini. Ser isir kull sforz.
