"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza informali tal-ministri għall-affarijiet Ewropej, 23 ta' Frar 2021
Riżultati ewlenin
Vidjokonferenza tal-Membri tal-Kunsill Ewropew
Il-ministri għall-affarijiet Ewropej ħejjew il-vidjokonferenza informali tal-Membri tal-Kunsill Ewropew fil-25 u s-26 ta' Frar 2021. Il-mexxejja tal-UE ser jiddiskutu s-sitwazzjoni attwali tal-pandemija tal-COVID-19, it-tħejjija għat-theddid għas-saħħa, is-sigurtà u d-difiża, u r-relazzjonijiet mal-Viċinat tan-Nofsinhar.
COVID-19 u Saħħa
Il-mexxejja tal-UE ser jevalwaw is-sitwazzjoni epidemjoloġika. Huma ser ikomplu jaħdmu biex jikkoordinaw ir-rispons għall-pandemija tal-COVID-19, inkluż fuq l-awtorizzazzjoni, il-produzzjoni u l-organizzazzjoni tad-distribuzzjoni tal-vaċċini u l-moviment tal-persuni.
Il-mexxejja ser ikollhom skambju ta' fehmiet dwar it-tisħiħ tar-reżiljenza tal-UE għat-theddid għas-saħħa.
Il-mexxejja ser jiddiskutu wkoll modi biex tissaħħaħ il-kooperazzjoni internazzjonali fil-qasam tas-saħħa.
Sigurtà u difiża
Il-mexxejja ser ikollhom dibattitu strateġiku dwar il-politika Ewropea ta' sigurtà u ta' difiża.
Il-mexxejja tal-UE ser jirrieżaminaw l-inizjattivi li għaddejjin bħalissa dwar l-investiment fid-difiża, l-iżvilupp tal-kapaċitajiet u t-tħejjija operazzjonali. Huma ser jiddiskutu wkoll il-ħidma biex tiżdied ir-reżiljenza tal-UE, b'mod partikolari kontra ċ-ċiberattakki u t-theddid ibridu.
Viċinat tan-Nofsinhar
Il-mexxejja ser ikollhom diskussjoni strateġika dwar ir-relazzjonijiet tal-UE mal-Viċinat tan-Nofsinhar. F'Diċembru 2020, il-Kunsill Ewropew adotta konklużjonijiet dwar din is-sħubija. Dakinhar, il-mexxejja enfasizzaw li Viċinat tan-Nofsinhar demokratiku, aktar stabbli, aktar ekoloġiku u aktar prosperu huwa prijorità strateġika għall-UE.
Il-ministri evalwaw id-diskussjonijiet interistituzzjonali dwar il-Konferenza dwar il-Ġejjieni tal-Ewropa.
Neħtieġu li l-Konferenza dwar il-Ġejjieni tal-Ewropa tkun dibattitu inklużiv bejn l-istati membri u ċ-ċittadini Ewropej dwar x'inhu meħtieġ biex nibnu l-Unjoni tagħna flimkien. Neħtiġuha li tkun iffukata fuq ix-xewqat u l-ansjetajiet taċ-ċittadini aktar milli fuq l-istituzzjonijiet tal-UE. Bħala Presidenza tal-Kunsill, ser inkomplu nagħmlu dak kollu li nistgħu biex inniedu l-Konferenza malajr kemm jista' jkun.
Ana Paula Zacarias, Segretarju tal-Istat għall-Affarijiet Ewropej tal-Portugall
Il-Presidenza infurmat lill-ministri dwar l-aħħar taħditiet mal-istituzzjonijiet l-oħra tal-UE, wara li ntlaħaq qbil dwar pożizzjoni riveduta tal-Kunsill fit-3 ta' Frar.
Din il-pożizzjoni riveduta tinkludi proposta għal presidenza kolleġġjali tat-tliet istituzzjonijiet, rappreżentata fl-ogħla livell mill-presidenza tal-Kunsill, il-President tal-Kummissjoni u l-President tal-Parlament, li jaġixxu bħala presidenza konġunta.
Skont il-proposta, ikun hemm ukoll bord eżekuttiv magħmul minn rappreżentanti mill-Parlament Ewropew, il-Kunsill u l-Kummissjoni Ewropea, fuq bażi ugwali.
Il-Konferenza mistennija li ssir operattiva din is-sena u li tikkonkludi u tagħti r-riżultati fir-rebbiegħa tal-2022.
Il-ministri kellhom skambju ta' fehmiet dwar il-pjan ta' azzjoni għad-demokrazija Ewropea, wara preżentazzjoni inizjali mill-Kummissjoni Ewropea fit-8 ta' Diċembru 2020.
Il-Kummissjoni adottat din l-inizjattiva fit-3 ta' Diċembru 2020 bil-għan li tiżgura li ċ-ċittadini jkunu jistgħu jipparteċipaw fis-sistema demokratika permezz ta' teħid ta' deċiżjonijiet infurmat ħieles minn interferenza u manipulazzjoni illegali.
Il-ministri għall-affarijiet Ewropej ivvalutaw is-sitwazzjoni attwali tar-relazzjonijiet bejn l-UE u r-Renju Unit għall-ewwel darba mill-iffirmar tal-Ftehim dwar il-Kummerċ u l-Kooperazzjoni f'Diċembru 2020.
Fl-24 ta' Diċembru 2020, l-UE u r-Renju Unit qablu li japplikaw b'mod proviżorju l-Ftehim dwar il-Kummerċ u l-Kooperazzjoni u l-Ftehim dwar is-Sigurtà tal-Informazzjoni mill-1 ta' Jannar 2021, sakemm jintemm il-proċess ta' ratifika tal-UE u d-dħul fis-seħħ uffiċjali.
Il-ġimgħa l-oħra l-UE ddeċidiet li titlob estensjoni sat-30 ta' April 2021 biex ikun hemm biżżejjed żmien biex titlesta r-reviżjoni mill-ġuristi lingwisti tal-ftehim fl-24 lingwa, qabel l-iskrutinju tiegħu mill-Kunsill u l-Parlament Ewropew. Sabiex tinbidel id-data tat-tmiem tal-applikazzjoni proviżorja, jeħtieġ li tittieħed deċiżjoni b'mod konġunt fil-Kunsill ta' Sħubija bejn l-UE u r-Renju Unit. Ladarba jintlaħaq qbil dwar id-data l-ġdida, il-Kunsill ser jitlob lill-Parlament Ewropew għall-approvazzjoni tiegħu. Meta din tingħata, il-Kunsill imbagħad ikun jista' jipproċedi għall-pass finali, bl-adozzjoni tad-deċiżjoni dwar il-konklużjoni tal-Ftehim dwar il-Kummerċ u l-Kooperazzjoni.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Neħtieġu li l-Konferenza dwar il-Ġejjieni tal-Ewropa tkun dibattitu inklużiv bejn l-istati membri u ċ-ċittadini Ewropej dwar x'inhu meħtieġ biex nibnu l-Unjoni tagħna flimkien. Neħtiġuha li tkun iffukata fuq ix-xewqat u l-ansjetajiet taċ-ċittadini aktar milli fuq l-istituzzjonijiet tal-UE. Bħala Presidenza tal-Kunsill, ser inkomplu nagħmlu dak kollu li nistgħu biex inniedu l-Konferenza malajr kemm jista' jkun.
