"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Vidjokonferenza informali tal-ministri għall-affarijiet Ewropej, 20 ta' April 2021
Riżultati ewlenin
Djalogu Annwali dwar l-Istat tad-Dritt
Fil-qafas tad-Djalogu annwali dwar l-Istat tad-Dritt, il-ministri kellhom diskussjoni speċifika għall-pajjiż dwar l-iżviluppi tal-istat tad-dritt f'ħames stati membri: il-Ġermanja, l-Irlanda, il-Greċja, Spanja u Franza.
Din kienet it-tieni diskussjoni speċifika għall-pajjiż li saret fil-Kunsill, wara dik ta' Novembru li għadda, li kkonċentrat fuq is-sitwazzjoni fil-Belġju, fil-Bulgarija, fiċ-Ċekja, fid-Danimarka u fl-Estonja. L-eżerċizzju huwa parti minn approċċ imsaħħaħ u aktar strutturat, bil-għan li jkompli jtejjeb l-istat tad-dritt fl-istati membri kollha, fil-qafas tal-konklużjonijiet adottati mill-Kunsill fl-2014, li stabbilixxew id-djalogu.
L-għan ġenerali ta' dan l-eżerċizzju huwa li jkompli jtejjeb l-Istat tad-Dritt fl-Unjoni Ewropea, inkluż: it-tisħiħ ta' sistemi ġudizzjarji indipendenti, il-ħolqien ta' oqfsa effettivi kontra l-korruzzjoni li jrawmu t-trasparenza u r-responsabbiltà, il-ħolqien ta' salvagwardji għall-pluraliżmu tal-mezzi tax-xandir, kwistjonijiet oħra marbuta mal-kontrolli u l-bilanċi u li jqarrbu liċ-ċittadini lejn il-proċess ta' teħid tad-deċiżjonijiet. B'dan ikun jista' jsir dibattitu miftuħ u kostruttiv dwar is-sitwazzjoni tal-Istat tad-Dritt fl-istati membri kollha.
Ana Paula Zacarias, Segretarju tal-Istat għall-Affarijiet Ewropej tal-Portugall
Il-ministri għall-affarijiet Ewropej evalwaw is-sitwazzjoni preżenti tar-relazzjonijiet bejn l-UE u r-Renju Unit, fil-kuntest tal-aktar ġrajjiet reċenti.
Fit-3 ta' Marzu 2021 il-gvern tar-Renju Unit iddikjara l-intenzjoni tiegħu li unilateralment idewwem l-applikazzjoni sħiħa tal-Protokoll dwar l-Irlanda/l-Irlanda ta' Fuq. Fil-15 ta' Marzu l-UE bagħtet lir-Renju Unit ittra ta' intimazzjoni għall-ksur tad-dispożizzjonijiet sostantivi tal-protokoll u l-obbligu tal-bona fede, kif ukoll ittra politika li tappella lill-gvern tar-Renju Unit biex jirrettifika. B'mod parallel, il-kuntatti bejn l-UE u r-Renju Unit għadhom għaddejjin fuq il-livell tekniku biex jinstabu soluzzjonijiet prammatiċi rapidi fil-qafas tal-protokoll. Fis-16 ta' April 2021, il-Viċi President tal-Kummissjoni Maroš Šefčovič kellu laqgħa informali ma' Lord David Frost bħala parti mill-isforzi ġenerali tal-UE biex jinstabu soluzzjonijiet konġunti.
F'Diċembru 2020 in-negozjaturi tal-UE u tar-Renju Unit laħqu qbil dwar ftehim ta'dwar il-kummerċ u l-kooperazzjoni u ftehim dwar is-sigurtà tal-informazzjoni, li huma applikati proviżorjament mill-1 ta' Jannar 2021 'il quddiem. Fit-23 ta' Frar 2021 il-Kunsill ta' Sħubija bejn l-UE u r-Renju Unit iddeċieda li jestendi l-applikazzjoni proviżorja sat-30 ta' April 2021 biex jippermetti biżżejjed żmien biex titlesta r-reviżjoni tal-ftehimiet mill-ġuristi lingwisti. Fis-26 ta' Frar 2021, il-Kunsill talab l-approvazzjoni tal-Parlament Ewropew għad-deċiżjoni tiegħu dwar il-konklużjoni tal-ftehimiet.
Il-ministri għall-Affarijiet Ewropej evalwaw il-pandemija tal-COVID-19 u r-rispons tal-UE, u koprew is-sitwazzjoni preżenti tat-tilqim, il-ħidma li għaddejja fuq iċ-ċertifikati ekoloġiċi diġitali, u s-sitwazzjoni epidemjoloġika u r-restrizzjonijiet fuq l-ivvjaġġar.
Fl-14 ta' April l-ambaxxaturi għall-UE approvaw il-mandat tal-Kunsill biex jinnegozja ċ-ċertifikat ekoloġiku diġitali mal-Parlament, li huwa maħsub biex jiffaċilita l-moviment liberu sikur tal-persuni fi ħdan l-UE matul il-pandemija tal-COVID-19. In-negozjati fil-qafas tal-proċedura leġiżlattiva ordinarja huma skedati li jsiru f'Mejju, bil-ħsieb li jiġu konklużi f'Ġunju. Il-ħidma teknika li għaddejja fuq iċ-ċertifikati diġitali interoperabbli tal-COVID-19 hija parti mit-tħejjijiet għal approċċ komuni għat-tneħħija gradwali futura tar-restrizzjonijiet. Madankollu, minħabba s-sitwazzjoni epidemjoloġika serja, il-miżuri li hemm bħalissa, fost l-oħrajn dwar l-ivvjaġġar mhux essenzjali, ser jinżammu fis-seħħ għalissa.
Tkabbir u Proċess ta' Stabilizzazzjoni u ta' Assoċjazzjoni
Il-Presidenza tkellmet dwar is-sitwazzjoni preżenti tat-Tkabbir u l-proċess ta' Stabbilizzazzjoni u Assoċjazzjoni u l-intenzjonijiet tagħha għax-xhur li ġejjin.
Uħud mill-kwistjonijiet importanti f'dan il-qasam huma l-istat tan-negozjati dwar ir-Regolament IPA III, id-diskussjonijiet li għaddejjin dwar l-applikazzjoni tal-metodoloġija tat-tkabbir riveduta għall-Montenegro u s-Serbja, u l-organizzazzjoni ta' Konferenzi Intergovernattivi mal-pajjiżi kandidati tal-Balkani tal-Punent.
Il-Ministri għall-Affarijiet Ewropej ġew infurmati mill-Presidenza dwar is-sitwazzjoni preżenti tal-Konferenza dwar il-Ġejjieni tal-Ewropa, wara l-ewwel żewġ laqgħat tal-Bord Eżekuttiv tal-Konferenza.
Il-Konferenza dwar il-Ġejjieni tal-Ewropa għandha l-għan li tinvolvi liċ-ċittadini f'dibattitu wiesa' dwar il-ġejjieni tal-Ewropa fl-għaxar snin li ġejjin u lil hinn, inkluż fid-dawl tal-pandemija tal-COVID-19.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
L-għan ġenerali ta' dan l-eżerċizzju huwa li jkompli jtejjeb l-Istat tad-Dritt fl-Unjoni Ewropea, inkluż: it-tisħiħ ta' sistemi ġudizzjarji indipendenti, il-ħolqien ta' oqfsa effettivi kontra l-korruzzjoni li jrawmu t-trasparenza u r-responsabbiltà, il-ħolqien ta' salvagwardji għall-pluraliżmu tal-mezzi tax-xandir, kwistjonijiet oħra marbuta mal-kontrolli u l-bilanċi u li jqarrbu liċ-ċittadini lejn il-proċess ta' teħid tad-deċiżjonijiet. B'dan ikun jista' jsir dibattitu miftuħ u kostruttiv dwar is-sitwazzjoni tal-Istat tad-Dritt fl-istati membri kollha.
