Summit UE-Ġappun, Tokyo, 29/05/2015, 29 ta' Mejju 2015

Donald Tusk, President tal-Kunsill Ewropew, u Jean-Claude Juncker, President tal-Kummissjoni Ewropea rrappreżentaw l-UE fit-23 summit bilaterali. Il-Ġappun kien rappreżentat mill-Prim Ministru Shinzo Abe.

Is-summit fakkar ukoll is-70 sena minn tmiem it-Tieni Gwerra Dinjija fl-Ewropa u fl-Asja. Kienet l-opportunità biex nirriflettu dwar l-importanza tar-rikonċiljazzjoni u l-kooperazzjoni reġjonali u nirrikonoxxu l-kontributi li għamlu kemm il-Ġappun kif ukoll l-UE għall-paċi, l-istabbiltà u l-prosperità.

• Stqarrija konġunta għall-istampa wara t-23 Summit bejn il-Ġappun u l-UE, Tokyo, 29 ta' Mejju 2015

"We cherish the friendship and common values we have with Japan and we are resolved to take this partnership forward." President Tusk at the 23rd EU-Japan summit

Il-kummerċ bejn l-UE u l-Ġappun

Bejniethom, l-ekonomiji tal-UE u l-Ġappun jipproduċu aktar minn terz tal-PDG fid-dinja. Il-Ġappun huwa t-tieni l-akbar sieħeb kummerċjali tal-UE fl-Asja. Filwaqt li l-Ġappun huwa investitur ewlieni fl-UE, l-investimenti diretti barranin tal-UE fil-Ġappun għadhom baxxi.

F'Marzu 2013, l-UE u l-Ġappun iddeċidew li jibdew negozjati biex jistabbilixxu Ftehim ta' Kummerċ Ħieles ("FTA") profond u komprensiv.

Ladarba jkun fis-seħħ, dan il-ftehim kummerċjali jista' (“studju ta’ valutazzjoni tal-impatt għal FTA bejn l-UE u l-Ġappun, 2012”):

• ikabbar l-ekonomija tal-UE b'0.6% sa 0.8% tal-PDG tagħha
• iżid l-esportazzjoni tal-UE lejn il-Ġappun b’aktar minn 30%
• joħloq 420,000 impjieg fl-UE waħedha

• Relazzjonijiet kummerċjali tal-UE mal-Ġappun (Kummissjoni Ewropea - Kummerċ)

Ir-relazzjonijiet politiċi u ekonomiċi bejn l-UE u l-Ġappun 

Il-mexxejja qablu li jaċċelleraw in-negozjati għal ftehim ta’ sħubija strateġika u ftehim ta’ kummerċ ħieles bejn l-UE u l-Ġappun.

L-UE u l-Ġappun mhux biss qed jaħdmu flimkien fuq il-kummerċ, iżda wkoll fuq il-front tat-teknoloġija, ir-riċerka u l-innovazzjoni, bi ftehim ġdid dwar il-5G imħabbar qabel is-summit:

• L-UE u l-Ġappun jintensifikaw il-kooperazzjoni dwar it-teknoloġija mobbli 5G u jsaħħu l-kollaborazzjoni fir-riċerka u l-innovazzjoni (Kummissjoni Ewropea - stqarrija għall-istampa)

Kwistjonijiet ta' politika reġjonali u barranija

L-UE u l-Ġappun iddeċidew li jsaħħu s-sħubija ta’ sigurtà tagħhom, inkluża parteċipazzjoni possibbli tal-Ġappun f'missjonijiet ta' maniġġar ta' kriżijiet. 

Kwistjonijiet reġjonali, bħall-iżviluppi reċenti fil-viċinati rispettivi tal-UE u tal-Ġappun, fl-Ukrajna u fix-Xlokk tal-Asja, u kwistjonijiet globali bħat-taħditiet mal-Iran dwar il-kwistjoni nukleari, il-qagħda fil-peniżola Koreana, is-Sirja u l-Iraq kienu wkoll fuq l-aġenda.  

Il-mexxejja qablu wkoll li jżidu l-kooperazzjoni bejn l-UE u l-Ġappun fir-rigward tal-ġlieda kontra t-terroriżmu.

Sfidi globali

Ġew diskussi negozjati internazzjonali dwar it-tibdil fil-klima u l-Ġappun afferma l-intenzjoni tiegħu li jippreżenta mira ambizzjuża għall-kontribut tiegħu biex jiġi limitat it-tibdil fil-klima.

Huma tennew ukoll l-impenn tagħhom li jaqblu dwar aġenda ambizzjuża għall-iżvilupp għal wara l-2015. 

Sfond

• Informazzjoni ta' sfond

Summit preċedenti UE-Ġappun

• It-22 summit bejn l-UE u l-Ġappun, Brussell, 7 ta' Mejju 2014

Ara wkoll

• Relazzjonijiet tal-UE mal-Ġappun (SEAE)