Konferenza fi Brussell dwar l-Afganistan, 04-05/10/2016, 4 u 5 ta' Ottubru 2016

Riżultati ewlenin

Fil-5 ta’ Ottubru, l-Unjoni Ewropea u l-gvern tal-Afganistan ospitaw b’mod konġunt il-Konferenza ta’ Brussell dwar l-Afganistan. Din il-konferenza laqqgħet 75 pajjiż u 26 organizzazzjoni u aġenzija internazzjonali.

Il-parteċipanti approvaw l-aġenda ta’ riforma ambizzjuża ppreżentata mill-Gvern Afgan. Huma impenjaw ruħhom li jiżguraw li jitkompla l-appoġġ politiku u finanzjarju internazzjonali għall-Afganistan matul l-erba’ snin li ġejjin. Is-somma totali imwegħda mill-komunità internazzjonali hija US$15.2 biljun (+/- €13.6 biljun). L-UE u l-istati membri tagħha wegħdu US$5.6 biljun (+/- €5 biljun). Dan huwa livell eċċezzjonali ta’ finanzjament li jiżgura li l-Afganistan ser jibqa’ sod fit-triq lejn stabbiltà politika u ekonomika, il-bini tal-istat u l-iżvilupp. Il-partijiet reġjonali kkonċernati u l-komunità internazzjonali affermaw mill-ġdid ukoll l-impenn tagħhom għal proċess politiku li jwassal għal paċi dejjiema u rikonċiljazzjoni.

• Il-Konferenza ta' Brussell dwar l-Afganistan, sħubija għall-prosperità u l-paċi: stqarrija tal-parteċipanti

“Il-Konferenza ta’ Brussell dwar l-Afganistan esprimiet impenn internazzjonali impressjonanti. B’dan l-appoġġ, ninsab ċert li l-gvern Afgan ser ikun wieħed ta’ suċċess. L-investiment fil-poplu Afgan huwa eżempju ta’ investiment fl-istabbiltà internazzjonali u fil-preżent u l-ġejjieni tagħna stess. Il-konferenza kienet ta’ suċċess kbir, kemm finanzjarjament kif ukoll politikament, u dan ser jagħti spinta ġdida ta’ enerġija meħtieġa għall-ġejjieni tal-Afganistan.” Federica Mogherini, Rappreżentant Għoli għall-Affarijiet Barranin u l-Politika ta' Sigurtà.

"Saret wegħda. It-twettiq tal-wegħda ma jiddependix fuq il-komunità internazzjonali iżda fuq il-poplu Afgan. Din ser tissarraf f’baġit u distribuzzjoni, u aktar tard fi programmi u proġetti. Din hija wegħda lill-fqar, liż-żgħażagħ, lin-nisa, u lill-esklużi li huma ser ikunu ċittadini ta’ Stat li ser jieħdu pjaċir jgħixu u jirnexxu fih” Ashraf Ghani, President tal-Afganistan fil-konferenza stampa finali

Is-sessjoni tal-ftuħ tal-konferenza kienet tinkludi diskorsi mill-President tal-Kunsill Ewropew Donald Tusk, il-President tal-Afganistan Ashraf Ghani, is-Segretarju Ġenerali tan-NU Ban Ki-moon u s-Segretarju tal-Istat tal-Istati Uniti John Kerry.

Il-Gvern Afgan imbagħad ippreżenta l-programm ta’ riforma tiegħu b’appoġġ qawwi għall-bini ta’ stat u istituzzjonijiet immexxija mill-Afgani matul l-erba’ snin li ġejjin.

• Afghanistan national peace and development framework (ANPDF), 2017 to 2021
• Self-reliance through mutual accountability framework

Id-dikjarazzjonijiet tal-parteċipanti ġew ippreżentati lill-Konferenza. Is-sessjoni tal-filgħodu kienet ippreseduta mir- Rappreżentant Għoli tal-UE Federica Mogherini u l-Ministru għall-Affarijiet Barranin Afgan Salahuddin Rabbani. Is-sessjoni ta’ wara nofsinhar kien ippreseduta mill-Ministru għall-Finanzi Afgan Eklil Hakimi u mill-Kummissarju Ewropew għall-Kooperazzjoni għall-Iżvilupp Neven Mimica.

Żewġ rappreżentanti tas-soċjetà ċivili Afgana indirizzaw il-konferenza wkoll, u fakkru li r-responsabbiltà aħħarija hija tal-poplu Afgan.

Il-Konferenza ġiet konkluża b’kummenti tal-għeluq mill-Kap Eżekuttiv Abdullah Abdullah, mir-Rappreżentant Għoli Federica Mogherini u mill-Kummissarju Ewropew għall-Kooperazzjoni Internazzjonali u l-Iżvilupp Neven Mimica.

Avvenimenti paralleli

Nhar it-Tlieta 4 ta’ Ottubru, saru avvenimenti ta’ livell għoli dwar l-emanċipazzjoni tan-nisa fl-Afganistan u dwar kooperazzjoni ekonomika reġjonali.

Aqra l-istqarrija għall-istampa dwar iż-żewġ avvenimenti ta’ livell għoli:

• Inwettqu l-potenzjal ekonomiku tal-Afganistan u nsaħħu r-rwol tan-nisa
• Brussels conference on Afghanistan (Afghan Ministry of Finance)

Avvenimenti paralleli

• Inwettqu l-potenzjal ekonomiku tal-Afganistan u nsaħħu r-rwol tan-nisa
• L-Unjoni Ewropea tħabbar assistenza finanzjarja biex tappoġġa r-riformi fl-Afganistan

Wasla tad-delegazzjonijiet

Sessjoni ta' bidu

• Diskors tal-ftuħ mir-Rappreżentant Għoli Federica Mogherini fil-Konferenza ta' Brussell dwar l-Afganistan
• Remarks by President Donald Tusk at the Brussels Conference on Afghanistan
• H.E. President Mohammad Ashraf Ghani’s Remarks, Brussels Conference on Afghanistan
• Kummenti mis-Segretarju Ġenerali tan-Nazzjonijiet Uniti għall-Konferenza ta' Brussell dwar l-Afganistan
• Speech by US Secretary of State John Kerry at the Brussels Conference on Afghanistan

Ritratt tal-grupp

Preżentazzjonijiet

Preżentazzjoni mill-gvern Afgan tal-Qafas Nazzjonali ta' Paċi u Żvilupp u l-Qafas rivedut ta' Responsabbiltà Reċiproka għall-Awtodipendenza.

Preżentazzjoni tal-prospetti ekonomiċi mill-Bank Dinji.

• Afghanistan national peace and development framework (ANPDF), 2017 to 2021
• Self-reliance through mutual accountability framework
• Kummenti minn Annette Dixon, Viċi President tal-Bank Dinji għan-Nofsinhar tal-Asja
• Preżentazzjoni mill-Bank Dinji

Dikjarazzjonijiet bilaterali

Dikjarazzjonijiet minn rappreżentanti ta' gvernijiet u organizzazzjonijiet sħab.

Ippreseduta mir-Rappreżentant Għoli tal-UE għall-Affarijiet Barranin u l-Politika ta' Sigurtà Federica Mogherini u l-Ministru għall-Affarijiet Barranin tal-Afganistan Salahuddin Rabbani.

Ikla ta' nofsinhar

Dikjarazzjoni konġunta tas-soċjetà ċivili Afgana

Dikjarazzjonijiet bilaterali

Dikjarazzjonijiet minn rappreżentanti ta' gvernijiet u organizzazzjonijiet sħab.

Ippreseduta mill-Ministru tal-Finanzi tal-Afganistan Eklil Hakimi u l-Kummissarju Ewropew għall-Kooperazzjoni u l-Iżvilupp Internazzjonali Neven Mimica.

Sessjoni ta' għeluq

• Closing Speech by H.E. Dr. Abdullah Abdullah Chief Executive of the I.R. of Afghanistan
• Kummenti tal-għeluq mir-Rappreżentant Għoli Federica Mogherini fil-Konferenza ta' Brussell dwar l-Afganistan

Konferenza stampa

• Kummenti mir-Rappreżentant Għoli Federica Mogherini fil-konferenza stampa konġunta