Vidjokonferenza tal-mexxejja tas-Sħubija tal-Lvant, 18 ta' Ġunju 2020

Riżultati ewlenin

Fl-okkażjoni tal-laqgħa tal-mexxejja tas-Sħubija tal-Lvant li saret permezz ta’ vidjokonferenza, il-mexxejja tal-UE ddiskutew mas-sitt isħab tagħhom tal-Lvant — l-Armenja, l-Ażerbajġan, il-Belarussja, il-Georgia, ir-Repubblika tal-Moldova, u l-Ukrajna — ir-rispons għall-COVID-19, il-konsegwenzi tal-kriżi, is-sħubija strateġika u l-futur tagħha.

Il-mexxejja enfasizzaw l-importanza tas-solidarjetà fi żmien il-kriżi tal-COVID-19, inkluż l-appoġġ sostanzjali tal-UE biex jiġi indirizzat l-impatt tat-tifqigħa fir-reġjun tas-Sħubija tal-Lvant (SL).

Huma kkonfermaw mill-ġdid l-impenn tagħhom u l-importanza kbira li jagħtu lis-Sħubija tal-Lvant bħala prijorità tal-politika barranija u enfasizzaw oqsma ta’ kooperazzjoni differenti bħall-ftehim dwar il-kummerċ, il-ftehim dwar vjaġġar mingħajr viża jew il-ftehim dwar il-faċilitazzjoni tal-viża.

Il-mexxejja esprimew ir-rieda politika li jkomplu jibnu żona ta’ demokrazija, prosperità u stabbiltà komuni, imsejsa fuq il-valuri komuni tagħna, permezz ta’ ordni internazzjonali bbażat fuq ir-regoli u d-dritt internazzjonali Charles Michel, President tal-Kunsill Ewropew

• Kummenti mill-President Charles Michel wara l-vidjokonferenza tal-mexxejja tas-Sħubija tal-Lvant (18 ta’ Ġunju 2020)

Il-parteċipanti ddiskutew ukoll it-tħejjija ta’ summit fiżiku li għandu jsir fi Brussell f’Marzu 2021 li matulu ser japprovaw ħames prijoritajiet ta’ politika f’dikjarazzjoni konġunta.

Informazzjoni ġenerali

• Sħubija tal-Lvant (informazzjoni ġenerali)
• Vidjokonferenza informali tal-ministri għall-affarijiet barranin tas-Sħubija tal-Lvant, 11 ta' Ġunju 2020

Sħab tal-Lvant: fatti u ċifri

• Relazzjonijiet bejn l-UE u l-Armenja (skeda informattiva tas-SEAE)
• Relazzjonijiet bejn l-UE u l-Ażerbajġan (skeda informattiva tas-SEAE)
• Skeda informattiva dwar ir-relazzjonijiet bejn l-UE u l-Georgia (skeda informattiva tas-SEAE)
• Skeda informattiva dwar ir-relazzjonijiet bejn l-UE u l-Moldova (skeda informattiva tas-SEAE)
• Relazzjonijiet bejn l-UE u l-Ukrajna (skeda informattiva tas-SEAE)