Laqgħa tal-Komunità Politika Ewropea, 1 ta' Ġunju 2023

Riżultati ewlenin

It-tieni laqgħa tal-Komunità Politika Ewropea laqqgħet flimkien mexxejja mill-kontinent kollu fil-Kastell Mimi f'Bulboaca, il-Moldova.

Aħna 45 pajjiż irrappreżentati hawnhekk f'Chișinău – dan huwa simbolu qawwi. Il-President tal-Kunsill Ewropew Charles Michel

• Kummenti mill-President Charles Michel qabel it-tieni laqgħa tal-Komunità Politika Ewropea (stqarrija għall-istampa, l-1 ta' Ġunju 2023)

Parteċipanti

45 kap ta' stat jew ta' gvern ħadu sehem f'din it-tieni laqgħa tal-Komunità Politika Ewropea, minn:

• l-istati membri tal-UE27
• l-Albanija
• Andorra
• l-Armenja
• l-Ażerbajġan
• il-Bożnija-Ħerzegovina
• il-Georgia
• l-Iżlanda
• il-Kosovo*
• il-Liechtenstein
• il-Moldova
• Monaco
• il-Montenegro
• il-Maċedonja ta' Fuq
• in-Norveġja
• is-Serbja
• l-Iżvizzera
• l-Ukrajna
• ir-Renju Unit

Il-President tal-Kunsill Ewropew, il-President tal-Kummissjoni Ewropea u l-President tal-Parlament Ewropew ukoll attendew il-laqgħa.

• Lista finali tal-parteċipanti

Huma ddiskutew:

• sforzi konġunti għall-paċi u s-sigurtà
• ir-reżiljenza enerġetika u l-konnettività u l-mobbiltà fl-Ewropa

Il-Komunità Politika Ewropea

Il-Komunità Politika Ewropea għandha l-għan li

• trawwem djalogu politiku u kooperazzjoni biex jiġu indirizzati kwistjonijiet ta' interess komuni
• issaħħaħ is-sigurtà, l-istabbiltà u l-prosperità tal-kontinent Ewropew

Din il-pjattaforma għall-koordinazzjoni politika ma tieħu post ebda organizzazzjoni, struttura jew proċess eżistenti u ma għandhiex l-għan li toħloq oħrajn ġodda f'dan l-istadju.

Fl-ewwel laqgħa tal-Komunità Politika Ewropea f'Ottubru 2022, il-mexxejja ddiskutew prinċipalment kwistjonijiet ta' paċi u sigurtà, speċjalment il-gwerra tar-Russja fl-Ukrajna, u l-kriżi enerġetika.

• Laqgħa tal-Komunità Politika Ewropea, 6 ta' Ottubru 2022

Il-laqgħat li jmiss tal-Komunità Politika Ewropea ser isiru fi Spanja u r-Renju Unit.

Laqgħa mal-President tal-Ażerbajġan u l-Prim Ministru tal-Armenja

Fil-marġini tal-laqgħa, il-President tal-Kunsill Ewropew Charles Michel, il-Kanċillier tal-Ġermanja Olaf Scholz u l-President tar-Repubblika Franċiża Emmanuel Macron iltaqgħu mal-President tal-Ażerbajġan Ilham Aliyev u l-Prim Ministru tal-Armenja Nikol Pashinyan.

Ser nagħmlu dak kollu li nistgħu min-naħa tal-UE sabiex ngħinu, biex nagħtu assistenza u biex isir aktar progress fid-direzzjoni tan-normalizzazzjoni tar-relazzjonijiet. Il-President tal-Kunsill Ewropew Charles Michel

Huma indirizzaw għadd ta' suġġetti – il-konnettività, is-sigurtà u d-drittijiet, id-delimitazzjoni tal-fruntieri, it-trattat ta' paċi – u ser jerġgħu jiltaqgħu fi Brussell fil-21 ta' Lulju.

• Kummenti mill-President Charles Michel wara l-laqgħa tiegħu mal-mexxejja tal-Armenja, l-Ażerbajġan, Franza u l-Ġermanja (stqarrija għall-istampa, l-1 ta' Ġunju 2023)

^{* Dan l-isem huwa mingħajr preġudizzju għall-pożizzjonijiet dwar l-istatus, u huwa konformi mal-UNSCR 1244/1999 u l-Opinjoni tal-QIĠ dwar id-dikjarazzjoni tal-indipendenza tal-Kosovo.}