"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Kunsill Ġustizzja u Affarijiet Interni, 04/03/2020, 4 ta' Marzu 2020
Riżultati ewlenin
Il-fruntieri tal-Greċja u ta' stati membri oħra affettwati huma l-fruntiera esterna komuni tagħna. Illum il-ministri kollha esprimew is-solidarjetà tagħhom ma’ dawn il-pajjiżi u qalu li huma lesti jappoġġawhom fl-isforzi tagħhom biex jipproteġu l-fruntiera tal-UE.
Davor Božinović, Viċi Prim Ministru u Ministru għall-Intern tal-Kroazja
Il-Kunsill adotta dikjarazzjoni dwar is-sitwazzjoni fuq il-fruntieri esterni tal-UE.
F’din id-dikjarazzjoni, il-Kunsill jesprimi s-solidarjetà tiegħu mal-Greċja, il-Bulgarija, Ċipru u stati membri oħra li jistgħu jiġu affettwati b’mod simili, inkluż fl-isforzi biex jiġġestixxu l-fruntieri esterni tal-UE.
Filwaqt li l-Kunsill jirrikonoxxi ż-żieda fil-piż migratorju u r-riskji li t-Turkija qed tiffaċċa fuq it-territorju tagħha u l-isforzi sostanzjali li għamlet biex tospita 3,7 miljun migrant u refuġjat, jiċħad bil-qawwa l-użu tal-pressjoni migratorja għal skopijiet politiċi mit-Turkija. Is-sitwazzjoni fuq il-fruntieri esterni tal-UE mhijiex aċċettabbli. Il-Kunsill jistenna li t-Turkija timplimenta bis-sħiħ id-dispożizzjonijiet tad-dikjarazzjoni konġunta tal-2016 fir-rigward tal-istati membri kollha.
L-UE u l-istati membri tagħha jibqgħu determinati li jipproteġu b'mod effettiv il-fruntieri esterni tal-UE. F'dan ir-rigward, l-UE u l-istati membri tagħha ser jieħdu l-miżuri meħtieġa kollha, f'konformità mad-dritt tal-UE u dak internazzjonali.
L-istati membri kollha, il-Kummissjoni u l-aġenziji tal-UE jinsabu lesti biex isaħħu l-appoġġ tagħhom għaż-żoni taħt pressjoni, inkluż bl-iskjerament ta' intervent rapidu fil-fruntieri u assistenza teknika addizzjonali minn Frontex.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Il-fruntieri tal-Greċja u ta' stati membri oħra affettwati huma l-fruntiera esterna komuni tagħna. Illum il-ministri kollha esprimew is-solidarjetà tagħhom ma’ dawn il-pajjiżi u qalu li huma lesti jappoġġawhom fl-isforzi tagħhom biex jipproteġu l-fruntiera tal-UE.
