"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Ġustizzja u Affarijiet Interni, 13 ta' Marzu 2020
Riżultati ewlenin
Fil-laqgħa tagħna llum indirizzajna żewġ sfidi ewlenin li l-Ewropa qed tħabbat wiċċha magħhom: it-tifqigħa tal-coronavirus u s-sitwazzjoni fuq il-fruntiera esterna tagħna. Dwar dawn iż-żewġ kwistjonijiet l-Ewropej jixtiequ jkunu ċerti li qed nagħmlu minn kollox biex nittrattaw is-sitwazzjoni. Il-laqgħa tal-lum kienet pass ieħor 'il quddiem biex intejbu l-koordinazzjoni ġenerali tagħna u l-appoġġ lil xulxin fiż-żewġ kwistjonijiet.
Davor Božinović, Viċi Prim Ministru u Ministru għall-Intern tal-Kroazja
Is-sitwazzjoni fil-fruntieri esterni tal-UE
Il-ministri għall-affarijiet interni ġew mgħarrfa mill-aktar stati membri milquta direttament, il-Kummissjoni u l-aġenziji rilevanti tal-UE, dwar l-aħħar żviluppi fuq il-fruntieri esterni tal-UE mat-Turkija. Minkejja pressjoni akbar mit-28 ta' Frar 'l hawn, is-sitwazzjoni li hemm bħalissa għadha stabbli kemm fuq il-fruntieri tal-art kif ukoll dawk tal-baħar.
Il-ministri vvalutaw ukoll kif qed jiġu implimentati l-miżuri msemmija fid-dikjarazzjoni tal-ministri għall-affarijiet interni tal-4 ta' Marzu:
l-istati membri pprovdew il-persunal u l-assi mitluba mill-Frontex għal żewġ operazzjonijiet ta' intervent rapidu fuq il-fruntiera
l-istazzjonament ta' 160 espert tal-asil ser jiġi aċċellerat
l-istati membri u l-istati parteċipanti wieġbu b'aktar minn 70000 oġġett għas-sejħa li saret permezz tal-mekkaniżmu tal-UE għall-protezzjoni ċivili
qed jingħata wkoll appoġġ koordinat mill-Frontex għar-ritorn, kif ukoll assistenza finanzjarja sa €700 miljun
Waqt l-ikla ta' nofsinhar, il-ministri responsabbli minn kwistjonijiet ta' protezzjoni ċivili ddiskutew it-tifqigħa tal-coronavirus, billi ħadmu għall-prijoritajiet identifikati mill-mexxejja tal-UE fl-10 ta' Marzu. Huma kkonċentraw b'mod partikolari fuq:
it-tagħlimiet meħuda s'issa fl-indirizzar tat-tifqigħa ta' COVID-19
miżuri addizzjonali possibbli ta' tħejjija u rispons għall-Mekkaniżmu tal-UE għall-Protezzjoni Ċivili
kif tinqasam aħjar l-informazzjoni, bl-użu sħiħ tal-ġabra ta' għodod għal rispons politiku integrat f'sitwazzjonijiet ta' kriżi (IPCR)
appoġġ addizzjonali mill-istati membri
linji gwida tal-UE għall-eżami tas-saħħa fuq il-fruntieri
Id-deċiżjonijiet li jittieħdu fuq il-fruntieri tal-istati membri huma deċiżjonijiet nazzjonali u jaqgħu fil-kompetenza tal-istat membru rispettiv. Minkejja dan, il-Kummissjoni pproponiet li tħejji linji gwida li jistgħu jissuġġerixxu mod aktar uniformi ta' eżami tas-saħħa li jsir fuq il-fruntieri.
Metodi ta' ħidma tal-Kunsill matul il-kriżi
Fuq talba mid-delegazzjoni Taljana, il-ministri kellhom skambju qasir ta' fehmiet mas-Segretarju Ġenerali tal-Kunsill dwar il-metodi ta' ħidma tal-Kunsill waqt il-kriżi tal-coronavirus.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Fil-laqgħa tagħna llum indirizzajna żewġ sfidi ewlenin li l-Ewropa qed tħabbat wiċċha magħhom: it-tifqigħa tal-coronavirus u s-sitwazzjoni fuq il-fruntiera esterna tagħna. Dwar dawn iż-żewġ kwistjonijiet l-Ewropej jixtiequ jkunu ċerti li qed nagħmlu minn kollox biex nittrattaw is-sitwazzjoni. Il-laqgħa tal-lum kienet pass ieħor 'il quddiem biex intejbu l-koordinazzjoni ġenerali tagħna u l-appoġġ lil xulxin fiż-żewġ kwistjonijiet.
