"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Ġustizzja u Affarijiet Interni, 31 ta' Awwissu 2021
Riżultati ewlenin
Il-ministri għall-affarijiet interni ltaqgħu biex jiddiskutu l-iżviluppi fl-Afganistan, b'mod aktar speċifiku fir-rigward tal-implikazzjonijiet potenzjali fl-oqsma tal-protezzjoni internazzjonali, il-migrazzjoni u s-sigurtà. Il-Kunsill Ewropew adotta dikjarazzjoni dwar dan.
Ninsab kuntent ħafna li llum urejna unità u qbilna dwar dikjarazzjoni konġunta dwar ir-rispons komuni tal-UE għas-sitwazzjoni fl-Afganistan. L-UE tibqa' impenjata li tappoġġa lill-Afgani vulnerabbli, u b'mod partikolari n-nisa u t-tfal, kemm fl-Afganistan kif ukoll fir-reġjun. Fl-istess ħin, aħna determinati li nipprevjenu l-faċilitaturi ta' dħul klandestin u t-traffikanti tal-bnedmin milli jisfruttaw din is-sitwazzjoni mwiegħra billi nikkoordinaw ir-rispons tagħna għal kwalunkwe moviment ta' migrazzjoni illegali u nipproteġu l-fruntieri esterni tal-UE.
Aleš Hojs, Ministru għall-Intern tas-Slovenja
Fid-dikjarazzjoni l-ministri enfasizzaw li l-evakwazzjoni taċ-ċittadini tal-UE u, sa fejn ikun possibbli, ta' nazzjonali Afgani li kkooperaw mal-UE u l-istati membri tagħha u l-familji tagħhom, twettqet bħala kwistjoni ta' prijorità u ser titkompla.
Bħala prijorità immedjata, l-UE ser tkompli tikkoordina mas-sħab internazzjonali, b'mod partikolari n-NU u l-aġenziji tagħha, fir-rigward tal-istabbilizzazzjoni tar-reġjun u biex tiżgura li l-għajnuna umanitarja tilħaq lill-popolazzjonijiet vulnerabbli. L-UE ser timpenja wkoll ruħha u ssaħħaħ l-appoġġ tagħha għal pajjiżi terzi, b'mod partikolari dawk ġirien u ta' tranżitu, li jospitaw għadd kbir ta' migranti u refuġjati.
L-UE ser tikkoopera wkoll ma' dawk il-pajjiżi biex tipprevjeni l-migrazzjoni illegali mir-reġjun. L-UE u l-istati membri tagħha huma wkoll determinati li jaġixxu b'mod konġunt biex jipprevjenu r-rikorrenza ta' movimenti ta' migrazzjoni illegali fuq skala kbira mhux ikkontrollati ffaċċjati fil-passat, billi jħejju rispons ikkoordinat u ordnat. Bl-appoġġ tal-Frontex, jibqgħu determinati li jipproteġu b'mod effettiv il-fruntieri esterni tal-UE u jipprevjenu d-dħul mhux awtorizzat, kif ukoll li jassistu lill-istati membri l-aktar affettwati.
L-UE u l-istati membri tagħha ser jagħmlu l-almu tagħhom biex jiżguraw li s-sitwazzjoni fl-Afganistan ma twassalx għal theddid ġdid għas-sigurtà taċ-ċittadini tal-UE. Iridu jsiru l-isforzi kollha biex jiġi żgurat li r-reġim Taliban iwaqqaf ir-rabtiet u l-prattiki kollha mat-terroriżmu internazzjonali u li l-Afganistan ma jerġax isir santwarju għat-terroristi u l-gruppi tal-kriminalità organizzata.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Ninsab kuntent ħafna li llum urejna unità u qbilna dwar dikjarazzjoni konġunta dwar ir-rispons komuni tal-UE għas-sitwazzjoni fl-Afganistan. L-UE tibqa' impenjata li tappoġġa lill-Afgani vulnerabbli, u b'mod partikolari n-nisa u t-tfal, kemm fl-Afganistan kif ukoll fir-reġjun. Fl-istess ħin, aħna determinati li nipprevjenu l-faċilitaturi ta' dħul klandestin u t-traffikanti tal-bnedmin milli jisfruttaw din is-sitwazzjoni mwiegħra billi nikkoordinaw ir-rispons tagħna għal kwalunkwe moviment ta' migrazzjoni illegali u nipproteġu l-fruntieri esterni tal-UE.
