Kunsill Trasport, Telekomunikazzjoni u Enerġija

Vidjokonferenza tal-ministri għall-enerġija, 14 ta' Diċembru 2020

Riżultati ewlenin

Il-ministri għall-enerġija tal-UE ltaqgħu f'vidjokonferenza informali biex jiddiskutu l-integrazzjoni tas-sistema tal-enerġija fl-UE. Huma rċevew ukoll aġġornament mill-Kummissjoni dwar ir-relazzjonijiet esterni fil-qasam tal-enerġija u dwar għadd ta' kwistjonijiet oħra.

Integrazzjoni tas-sistema tal-enerġija

Biex l-Ewropa ssir newtrali għall-klima sal-2050, teħtieġ li tittrasforma b'mod fundamentali s-sistema tal-enerġija tagħha f'sistema tal-enerġija integrata b'parti kbira ta' enerġija rinnovabbli u titjib sinifikanti fl-effiċjenza fl-użu tal-enerġija. Matul il-vidjokonferenza, il-ministri skambjaw fehmiet dwar il-prijoritajiet tal-istati membri bil-ħsieb tar-reviżjoni li jmiss tal-leġiżlazzjoni Ewropea fil-qasam tal-enerġija.

Il-ministri ddiskutew liema miżuri ta' politika jqisu bħala prijoritajiet u liema sfidi jipprevedu għall-aġġornament tal-qafas regolatorju tal-UE sabiex tiġi ffaċilitata l-integrazzjoni tas-sistema tal-enerġija. Il-ministri skambjaw ukoll fehmiet dwar l-allinjament possibbli tal-miri tal-enerġija tal-UE għall-2030 b'ambizzjoni klimatika ogħla għall-2030.

Strateġija tal-UE dwar l-integrazzjoni tas-sistema tal-enerġija (Kummissjoni Ewropea)

Kwistjonijiet oħra

Il-Kummissjoni ppreżentat informazzjoni dwar żviluppi reċenti rigward ir-relazzjonijiet esterni fil-qasam tal-enerġija.

Id-delegazzjoni Litwana tat informazzjoni dwar l-ikkummissjonar tal-impjant tal-enerġija nukleari ta' Ostravets fil-Belarussja u l-koerenza tiegħu mal-implimentazzjoni tar-rakkomandazzjonijiet dwar is-sikurezza nukleari.

Il-presidenza Portugiża li jmiss ppreżentat il-programm ta' ħidma tagħha għall-ewwel semestru tal-2021.

Dokumenti tal-laqgħat

Dokumenti ta' tħejjija

Nota ta' informazzjoni - Vidjokonferenza tal-ministri għall-enerġija, 14 ta' Diċembru 2020

Dokumenti ta' eżitu

Lista ta' parteċipanti

Tagħrif għall-istampa

Kuntatti għall-istampa

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Akkreditazzjoni u avvenimenti għall-istampa

Għal informazzjoni ġenerali dwar l-akkreditazzjoni, jekk jogħġbok żur din il-paġna.

L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.