"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza tal-ministri għat-telekomunikazzjoni, 7 ta' Diċembru 2020
Riżultati ewlenin
Att dwar il-governanza tad-data
Fil-vidjokonferenza informali tagħhom, il-ministri għat-telekomunikazzjoni kellhom dibattitu ta' orjentazzjoni dwar il-proposta għal att dwar il-governanza tad-data, ippreżentata mill-Kummissjoni fil-25 ta' Novembru bħala l-ewwel inizjattiva leġiżlattiva taħt l-Istrateġija Ewropea għad-Data tal-2020. Din il-proposta ewlenija għandha l-għan li tippromwovi d-disponibbiltà tad-data għall-użu mill-ġdid bejn is-setturi u l-fruntieri. Huwa mistenni li jkollha rwol ċentrali biex tiffaċilita u tiggwida l-ħolqien ta' spazji ta' data komuni u interoperabbli mal-UE kollha f'setturi strateġiċi bħall-enerġija, il-mobbiltà u s-saħħa.
Id-diskussjoni tal-lum uriet l-importanza dejjem tikber tad-data għas-soċjetà u l-ekonomija tagħna, kif ukoll il-ħtieġa vitali li din issir aktar disponibbli. Għal dan il-għan, neħtieġu strutturi u proċessi siguri u affidabbli, u dan huwa dak dwar x'inhi l-governanza tad-data.
Peter Altmaier, Ministru Federali tal-Ġermanja għall-Affarijiet Ekonomiċi u l-Enerġija u president tal-laqgħa tal-lum
Matul id-diskussjoni, il-ministri laqgħu b'mod ġenerali l-proposta bħala faċilitatur importanti għal ekonomija tad-data Ewropea b'saħħitha u kompetittività akbar.
Il-ministri b'mod ġenerali qiesu li huwa importanti li titħeġġeġ il-kondiviżjoni tad-data minn individwi u negozji. Għal dan il-għan, huwa essenzjali li tissaħħaħ il-fiduċja taċ-ċittadini u tan-negozji fil-kondiviżjoni tad-data. Biex jinħolqu l-kundizzjonijiet għall-fiduċja, huwa kruċjali li jkun hemm qafas leġiżlattiv ċar u trasparenti, li jissalvagwardja l-privatezza u s-sigurtà.
Ħafna ministri enfasizzaw il-ħtieġa li jkun hemm approċċ iċċentrat fuq il-bniedem, biċ-ċittadini li jikkontrollaw id-data tagħhom.
Għadd ta' delegazzjonijiet enfasizzaw l-importanza tal-interoperabbiltà għall-kondiviżjoni tad-data u l-evitar ta' effetti lock-in.
Diversi ministri semmew il-flussi internazzjonali tad-data u l-ħtieġa li jiġu rispettati l-impenji kummerċjali tal-UE f'dan ir-rigward u li jiġu żgurati kondizzjonijiet ekwivalenti ta' kompetizzjoni. Xi wħud minnhom indikaw il-kooperazzjoni ma' sħab kummerċjali tal-istess fehma f'dan il-qasam.
Id-dibattitu tal-lum ser jipprovdi gwida għad-diskussjonijiet li ġejjin dwar il-proposta fil-grupp ta' ħidma dwar it-telekomunikazzjoni. Il-ministru Portugiż semma li l-att dwar il-governanza tad-data jkun prijorità għolja għall-presidenza Portugiża li jmiss.
Taħt affarijiet oħra, il-presidenza aġġornat lill-ministri dwar dikjarazzjoni konġunta mill-istati membri dwar inizjattiva Ewropea dwar il-proċessuri u t-teknoloġiji tas-semikondutturi. Id-dikjarazzjoni għandha l-għan li ssaħħaħ il-kapaċità tal-Ewropa li tiżviluppa l-ġenerazzjoni li jmiss ta' ċipep tal-proċessuri sabiex tissodisfa r-rekwiżiti tal-ipproċessar tad-data għal konnettività sikura tal-5G u tas-6G, superkompjuters, intelliġenza artifiċjali u ħafna applikazzjonijiet oħra. Fil-ħin tal-għeluq tal-vidjokonferenza, 17-il stat membru kienu ffirmaw id-dikjarazzjoni.
Il-presidenza tat informazzjoni dwar għadd ta' proposti leġiżlattivi attwali.
Dwar ir-regolament dwar il-Privatezza elettronika, hija meħtieġa aktar ħidma.
Dwar deroga temporanja mid-direttiva dwar il-Privatezza elettronika għall-fini tal-ġlieda kontra l-abbuż sesswali tat-tfal online, il-Kumitat tar-Rappreżentanti Permanenti approva mandat għal negozjati mal-Parlament Ewropew fit-28 ta' Ottubru. Il-presidenza spjegat li kienet għadha qed timmira li tikkonkludi dan id-dossier fil-ġimgħat li ġejjin.
In-negozjati mal-Parlament Ewropew dwar il-programm Ewropa Diġitali u l-ħolqien ta' Ċentru Ewropew ta' Kompetenza fil-Qasam taċ-Ċibersigurtà u netwerk ta' ċentri ta' koordinazzjoni jinsabu fl-istadji finali tagħhom. Id-deċiżjoni dwar is-sede taċ-Ċentru ser tittieħed mir-rappreżentanti tal-gvernijiet tal-istati membri fil-marġini tal-laqgħa tal-Kumitat tar-Rappreżentanti Permanenti tad-9 ta' Diċembru.
Il-presidenza għarrfet ukoll lill-ministri dwar il-konklużjonijiet tal-Kunsill dwar iċ-ċibersigurtà ta' apparati konnessi, li ġew adottati fit-2 ta' Diċembru.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Id-diskussjoni tal-lum uriet l-importanza dejjem tikber tad-data għas-soċjetà u l-ekonomija tagħna, kif ukoll il-ħtieġa vitali li din issir aktar disponibbli. Għal dan il-għan, neħtieġu strutturi u proċessi siguri u affidabbli, u dan huwa dak dwar x'inhi l-governanza tad-data.