"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.

Żur il-paġna tal-politika tal-cookies tagħna għal aktar informazzjoni u biex tibdel is-settings tiegħek.

български español čeština dansk Deutsch eesti Ελληνικά English français Gaeilge hrvatski italiano latviešu lietuvių magyar Malti Nederlands polski português română slovenčina slovenščina suomi svenska
Skip to content

Kunsill Trasport, Telekomunikazzjoni u Enerġija

Kunsill Trasport, Telekomunikazzjoni u Enerġija (Telekomunikazzjoni), 4 ta' Ġunju 2021

Riżultati ewlenin

Att dwar il-Governanza tad-Data

Il-Kunsill ivvaluta l-progress dwar abbozz ta' regolament dwar il-governanza Ewropea tad-data, magħruf bħala l-Att dwar il-Governanza tad-Data. Il-proposta għandha l-għan li tippromwovi d-disponibbiltà tad-data għall-użu mill-ġdid billi żżid il-fiduċja fl-intermedjarji tad-data u billi ssaħħaħ diversi mekkaniżmi tal-kondiviżjoni tad-data madwar l-UE. Dawn il-miżuri huma mfassla biex jagħtu lill-UE vantaġġ kompetittiv billi jippermettulha tikkapitalizza fuq il-kwantitajiet vasti ta' data ġġenerata kuljum.

Livell għoli komuni ta' ċibersigurtà madwar l-UE

Il-ministri evalwaw ukoll il-progress dwar direttiva proposta dwar miżuri għal livell għoli komuni ta' ċibersigurtà madwar l-UE (direttiva NIS riveduta jew NIS2). L-għan tal-proposta għal NIS2 huwa li tkompli ttejjeb ir-reżiljenza u l-kapaċitajiet ta' rispons għall-inċidenti tal-entitajiet pubbliċi u privati, l-awtoritajiet kompetenti u l-UE kollha kemm hi.

Kumpass Diġitali 2030

Il-Kunsill organizza dibattitu ta' orjentazzjoni dwar is-suġġett "Kumpass Diġitali 2030: Kif għandha titwitta t-triq lejn il-futur diġitali tal-UE" abbażi tal-komunikazzjoni tal-Kummissjoni dwar il-Kumpass Diġitali.

Matul id-diskussjoni, il-ministri appoġġaw l-istabbiliment ta' kumpass diġitali b'miri ta' trasformazzjoni diġitali ambizzjużi għall-2030 u esprimew l-impenn qawwi tagħhom li jiddefendu d-drittijiet fundamentali, l-etika u l-valuri Ewropej fil-proċess ta' trasformazzjoni diġitali. Is-suq uniku diġitali għandu jkun trasparenti, sostenibbli u sigur, u għandhom jinħolqu opportunitajiet indaqs għal kulħadd biex jipparteċipaw fis-soċjetà diġitali. Id-dibattitu tal-lum ipprovda gwida għall-passi li jmiss fil-proċess tal-kumpass diġitali.

Pedro Nuno Santos, Ministru għall-Infrastruttura u d-Djar tal-Portugall, president tal-laqgħa tal-lum
Il-Kumpass Diġitali stabbilixxa parametri refenrenzjarji ġodda għall-futur diġitali tal-Ewropa u, parzjalment bħala konsegwenza tal-kriżi tal-COVID-19, it-teknoloġiji diġitali issa qed jidħlu fl-aspetti kollha ta' ħajjitna. Għaldaqstant hija r-responsabbiltà komuni tagħna li ngħinu lin-nies u lin-negozji biex iħaddnu futur diġitali ffukat fuq il-bniedem, sostenibbli u għani, ibbażat fuq it-tmexxija teknoloġika.
Pedro Nuno Santos, Ministru għall-Infrastruttura u d-Djar tal-Portugall, president tal-laqgħa tal-lum
Pedro Nuno Santos, Ministru għall-Infrastruttura u d-Djar tal-Portugall, president tal-laqgħa tal-lum

Affarijiet oħra

Il-presidenza infurmat lill-ministri dwar is-sitwazzjoni attwali tad-diskussjonijiet dwar ir-regoli tal-privatezza aġġornati għall-komunikazzjoni elettronika (privatezza elettronika). L-ewwel laqgħa tat-trilogu politiku mal-Parlament Ewropew saret f'Mejju, u l-ħidma ser tkompli fil-livell tekniku qabel il-presidenza tgħaddi dan il-fajl lill-presidenza Slovena li jmiss, li diġà hija involuta fil-ħidma.

Il-presidenza aġġornat ukoll lill-ministri dwar ir-reviżjoni tar-regolament dwar ir-roaming. Fil-grupp ta' ħidma tal-Kunsill, l-istati membri esprimew l-appoġġ tagħhom għall-estensjoni tal-iskema "roaming daqslikieku f’pajjiżek", u għaddejja ħidma biex jiġi żgurat li r-regolament jiġi adottat fi żmien debitu.

Il-presidenza infurmat ukoll lill-ministri dwar l-Assemblea Diġitali 2021, li saret fl-1 u t-2 ta' Ġunju.

Il-Kummissjoni pprovdiet informazzjoni dwar l-Att dwar l-Intelliġenza Artifiċjali, il-proposta dwar l-identità diġitali Ewropea u s-sett ta' għodod komuni tal-UE għall-konnettività.

Id-delegazzjoni Litwana ppreżentat il-kandidat Litwan għall-elezzjonijiet li ġejjin għall-kariga ta' Deputat Segretarju Ġenerali tal-Unjoni Internazzjonali tat-Telekomunikazzjoni (ITU).

Bħala l-aħħar punt, il-presidenza Slovena li jmiss ippreżentat il-programm ta' ħidma tagħha għat-tieni nofs tal-2021.

Dokumenti tal-laqgħat

Tagħrif għall-istampa

Kuntatti għall-istampa

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Akkreditazzjoni u avvenimenti għall-istampa

Għal informazzjoni ġenerali dwar l-akkreditazzjoni, jekk jogħġbok żur din il-paġna.

L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.

Kompli segwina

Laqgħat oħra: Kunsill Trasport, Telekomunikazzjoni u Enerġija

Ara laqgħat oħrajn

L-aħħar reviżjoni: 16 ta' Jannar 2025