"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Vidjokonferenza informali tal-ministri għall-enerġija, 31 ta' Marzu 2026
Riżultati ewlenin
Il-ministri għall-enerġija tal-UE ltaqgħu għal vidjokonferenza informali fid-dawl tal-iżviluppi fil-Lvant Nofsani. Hekk kif beda t-tieni xahar tal-kunflitt, il-ministri kellhom skambju ta' fehmiet dwar il-koordinazzjoni tal-approċċ tal-UE dwar l-enerġija.
Il-provvista tal-enerġija tagħna hija sigura u l-Unjoni Ewropea diġà għandha għodod u regoli lesti biex tiżgura l-istabbiltà tagħha. Madankollu, huwa meħtieġ rispons b'saħħtu u kkoordinat kemm fil-livell tal-UE kif ukoll f'dak nazzjonali biex iċ-ċittadini u l-industriji tagħna jiġu protetti miż-żidiet qawwija attwali fil-prezzijiet tal-enerġija. Irridu nagħmlu dan filwaqt li nissalvagwardjaw l-indipendenza enerġetika tagħna fit-triq lejn settur tal-enerġija newtrali f'termini ta' emissjonijiet tal-karbonju.
Michael Damianos, Ministru għall-Enerġija, il-Kummerċ u l-Industrija tar-Repubblika ta' Ċipru
Il-kunflitt fil-Lvant Nofsani u l-instabbiltà ġeopolitika li tirriżulta minnu qed jaffettwaw dejjem aktar is-swieq globali taż-żejt u tal-gass, u dan qed iwassal għal żieda fil-prezzijiet tal-enerġija madwar id-dinja. Mill-bidu tal-kunflitt, il-prezzijiet fl-UE għolew b'madwar 70% għall-gass u b'50% għaż-żejt.
F'dan il-kuntest, il-ministri qasmu l-valutazzjoni tagħhom dwar is-sitwazzjoni fis-swieq tal-enerġija. Huma rrikonoxxew b'mod ġenerali li s-sigurtà tal-provvista tal-Unjoni għadha protetta f'dan l-istadju. Fl-istess ħin qablu wkoll dwar il-ħtieġa għal azzjoni koordinata fil-livell tal-UE u dak nazzjonali, sabiex jittaffa l-impatt tal-prezzijiet għoljin tal-enerġija, b'mod partikolari għall-familji u n-negozji vulnerabbli.
Fl-interventi tagħhom, il-ministri għall-enerġija tal-UE ffukaw fuq modi konkreti biex tiġi indirizzata l-volatilità fis-swieq taż-żejt u tal-gass b'mod koordinat fl-UE u lil hinn minnha, filwaqt li jiġu evitati risponsi nazzjonali frammentati u kontromiżuri.
Il-ministri qablu wkoll li tħejjija f'waqtha u bla xkiel għall-istaġun tax-xitwa li jmiss, b'injezzjonijiet bikrija tal-ħżin tal-gass, hija essenzjali sabiex jittaffew il-prezzijiet għoljin u jiġu evitati tensjonijiet fis-suq.
Enfasizzaw ukoll l-importanza li jitnaqqas l-ammont ta' enerġija li qed tiġi kkunsmata.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
