"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Skambju ta' fehmiet bejn il-ministri dwar it-tagħlimiet meħuda
Il-Kunsill kellu skambju ta' fehmiet dwar it-tagħlimiet meħuda rigward il-proċess tas-Semestru Ewropew. Dan huwa eżerċizzju regolari ta' rendikont immirat lejn it-titjib tal-mod li bih jitwettaq il-proċess. Il-ministri ddiskutew l-implimentazzjoni tal-eżerċizzju tal-2023 u taw gwida politika għall-eżerċizzju tas-sena d-dieħla.
Il-Kunsill jadotta konklużjonijiet skont il-proċedura ta' żbilanċ makroekonomiku
Il-Kunsill adotta konklużjonijiet dwar l-analiżi fil-fond tal-2023 skont il-proċedura ta' żbilanċ makroekonomiku.
F'dawn il-konklużjonijiet, il-Kunsill ifakkar li l-ekonomija tal-UE qed tkompli turi reżiljenza minkejja ambjent diffiċli u jagħraf l-irkupru robust ta' wara l-pandemija. Jenfasizza l-importanza ta' implimentazzjoni sħiħa, f'waqtha u effettiva tal-Faċilità għall-Irkupru u r-Reżiljenza permezz tar-riformi u l-investimenti skedati fil-pjanijiet nazzjonali għall-irkupru u r-reżiljenza. Il-Kunsill jenfasizza wkoll l-importanza tat-tkomplija tal-koordinazzjoni mill-qrib tal-politika ekonomika tal-UE, u tad-detezzjoni, il-prevenzjoni u l-korrezzjoni tal-iżbilanċi makroekonomiċi.
Fil-laqgħa tagħhom f'Ġunju, il-mexxejja tal-UE kellhom diskussjoni dwar ir-rakkomandazzjonijiet speċifiċi għall-pajjiżi kif diskussi mill-Kunsill, u b'hekk is-Semestru Ewropew 2023 seta' jiġi konkluż.
Il-ministri tal-UE fil-Kunsill Affarijiet Ġenerali approvaw rakkomandazzjonijiet integrati speċifiċi għall-pajjiżi, li jipprovdu lill-istati membri tal-UE gwida annwali dwar ir-riformi nazzjonali.
Dawn ir-rakkomandazzjonijiet issa ntbagħtu lill-mexxejja tal-UE għall-approvazzjoni fil-laqgħa tal-Kunsill Ewropew tad-29 u t-30 ta' Ġunju. Ir-rakkomandazzjonijiet mistennija jiġu adottati formalment mill-Kunsill f'Lulju, biex b'hekk jintemm is-Semestru Ewropew 2023.
Il-Kunsill jaqbel dwar ir-rakkomandazzjonijiet speċifiċi għall-pajjiżi
Il-Kunsill qabel dwar ir-rakkomandazzjonijiet speċifiċi għall-pajjiżi tiegħu dwar il-programmi nazzjonali ta' riforma tal-istati membri għall-2023 u l-opinjonijiet tiegħu dwar il-programmi aġġornati ta' stabbiltà jew konverġenza tagħhom.
Il-Kunsill Ewropew mistenni japprova r-rakkomandazzjonijiet speċifiċi għall-pajjiżi fil-laqgħa tiegħu tad-29 u t-30 ta' Ġunju 2023.
Wara dan, il-Kunsill ikun jista' jipproċedi bl-adozzjonijiet formali, li ser jikkonkludu l-istadju finali tal-proċess tas-Semestru Ewropew 2023.
Ninsab kuntenta ħafna li llum ilħaqna qbil dwar ir-rakkomandazzjonijiet speċifiċi għall-pajjiżi. Dan ser ikompli javvanza l-objettiv ġenerali tagħna li nżidu t-tkabbir u nsaħħu r-reżiljenza tagħna. Minħabba l-gwerra tar-Russja fl-Ukrajna u s-sitwazzjoni ekonomika diffiċli, huwa essenzjali li niżguraw ir-reżiljenza tal-ekonomiji tagħna u li nwettqu politiki fiskali responsabbli.
Elisabeth Svantesson, Ministru għall-Finanzi tal-Iżvezja u President tal-Kunsill
Il-Kunsill jadotta rakkomandazzjoni dwar il-politika ekonomika taż-żona tal-euro
Il-Kunsill jadotta r-rakkomandazzjoni tiegħu dwar il-politika ekonomika taż-żona tal-euro. Il-Kunsill kien diġà approva t-test fis-17 ta' Jannar 2023, soġġett għar-reviżjoni mill-ġuristi lingwisti, u l-Kunsill Ewropew kien approvah fil-laqgħa tiegħu tat-23 u l-24 ta' Marzu 2023.
Il-mexxejja tal-UE japprovaw ir-rakkomandazzjoni dwar il-politika ekonomika taż-żona tal-euro
Fil-laqgħa tal-Kunsill Ewropew, il-mexxejja tal-UE approvaw l-abbozz ta' rakkomandazzjoni tal-Kunsill dwar il-politika ekonomika taż-żona tal-euro.
Approvaw wkoll il-prijoritajiet tal-politika tal-istħarriġ annwali dwar it-tkabbir sostenibbli u stieden lill-istati membri jirriflettuhom fil-programmi nazzjonali ta' riforma u fil-programmi ta' stabbiltà jew konverġenza tagħhom.
Il-Kunsill jadotta konklużjonijiet dwar ir-rapport dwar il-mekkaniżmu ta' twissija u l-istħarriġ annwali dwar it-tkabbir sostenibbli
Il-Kunsill beda l-proċess annwali tas-Semestru Ewropew għall-monitoraġġ tal-politiki ekonomiċi, tal-impjieg u fiskali tal-istati membri.
Il-ministri għall-affarijiet ekonomiċi u finanzjarji adottaw konklużjonijiet dwar ir-rapport dwar il-mekkaniżmu ta' twissija tal-2023, kif ukoll konklużjonijiet dwar l-istħarriġ annwali dwar it-tkabbir sostenibbli tal-2023. Huma approvaw ukoll ir-rakkomandazzjoni tal-2023 dwar il-politika ekonomika taż-żona tal-euro. Din ir-rakkomandazzjoni ser tiġi ppreżentata lill-Kunsill Ewropew għall-approvazzjoni f'Marzu 2023.
Semestru Ewropew (Infografika)
Ninsab kuntenta ħafna li llum ilħaqna qbil dwar ir-rakkomandazzjonijiet speċifiċi għall-pajjiżi. Dan ser ikompli javvanza l-objettiv ġenerali tagħna li nżidu t-tkabbir u nsaħħu r-reżiljenza tagħna. Minħabba l-gwerra tar-Russja fl-Ukrajna u s-sitwazzjoni ekonomika diffiċli, huwa essenzjali li niżguraw ir-reżiljenza tal-ekonomiji tagħna u li nwettqu politiki fiskali responsabbli.