"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Kunsill Affarijiet Ekonomiċi u Finanzjarji, 9 ta' Novembru 2023
Riżultati ewlenin
Rieżami tal-governanza ekonomika
Il-Kunsill iddiskuta r-riforma proposta tal-qafas tal-governanza ekonomika.
Illum qed naraw qbil dwar l-elementi u l-mekkaniżmi ewlenin tar-regoli fiskali l-ġodda, dwar il-ħtieġa li jkun hemm dixxiplina fiskali, kredibbiltà, fiduċja iżda wkoll biex tiġi żgurata l-kontroċikliċità u l-inċentivi t-tajba għall-investimenti u r-riformi li jsaħħu t-tkabbir li jirrispondu għall-prijoritajiet komuni Ewropej tagħna. Hemm impenn qawwi mill-istati membri kollha biex jikkontribwixxu, jaħdmu flimkien u jilħqu ftehim bilanċjat qabel tmiem is-sena.
Nadia Calviño, l-ewwel viċi president aġent u ministru għall-ekonomija u d-diġitalizzazzjoni ta' Spanja
Il-qafas tal-governanza ekonomika tal-UE huwa sett ta' regoli komuni għall-politiki fiskali u ekonomiċi nazzjonali li japplikaw għall-istati membri kollha. Iservu biex jiżguraw is-sostenibbiltà tal-finanzi pubbliċi u jippromwovu l-konverġenza filwaqt li jindirizzaw l-iżbilanċi makroekonomiċi.
Ir-riforma tikkonsisti fi tliet proposti:
regolament dwar il-koordinazzjoni effettiva tal-politiki ekonomiċi u s-sorveljanza baġitarja multilaterali
regolament dwar li titħaffef u li tiġi ċċarata l-implimentazzjoni tal-proċedura ta' defiċit eċċessiv
direttiva dwar ir-rekwiżiti għall-oqfsa baġitarji tal-istati membri
Il-Kunsill kellu skambju ta' fehmiet dwar is-sitwazzjoni attwali tal-impatt ekonomiku u finanzjarju tal-aggressjoni tar-Russja kontra l-Ukrajna. Il-ministri rċevew aġġornament mill-Kummissjoni dwar is-sitwazzjoni ekonomika u baġitarja fl-Ukrajna u l-implimentazzjoni tal-miżuri restrittivi tal-UE.
Il-ministri kellhom skambju ta' fehmiet dwar is-sitwazzjoni attwali tal-implimentazzjoni tal-Faċilità għall-Irkupru u r-Reżiljenza (RRF).
Il-Kunsill adotta deċiżjonijiet ta' implimentazzjoni li japprovaw il-pjanijiet modifikati għall-irkupru u r-reżiljenza ppreżentati mid-Danimarka, il-Litwanja, l-Awstrija u l-Iżvezja. Fost emendi oħra, il-pajjiżi żiedu kapitoli ġodda tar-REPowerEU mal-pjanijiet aġġornati tagħhom.
Matul l-2023, huwa mistenni li gradwalment kull wieħed mis-27 stat membru jippreżenta emendi għall-pjanijiet nazzjonali għall-irkupru u r-reżiljenza tiegħu mill-inqas darba, biex jaċċessa l-għotjiet il-ġodda tar-REPowerEU, biex jitlob self disponibbli, jew biex jieħu inkunsiderazzjoni l-allokazzjoni aġġornata tal-pjan għall-irkupru u r-reżiljenza.
Il-Kunsill kellu skambju ta' fehmiet dwar it-tagħlimiet meħuda u dwar il-proċess tas-Semestru Ewropew. Dan huwa eżerċizzju regolari ta' rendikont, immirat lejn it-titjib tal-mod kif jitwettaq dan il-proċess.
Il-ministri kellhom skambju ta' fehmiet dwar l-implimentazzjoni tal-eżerċizzju tas-Semestru 2023 u taw gwida politika rigward l-eżerċizzju tas-sena d-dieħla.
Il-Kunsill approva konklużjonijiet dwar l-istatistika tal-UE.
Minħabba l-importanza ta' statistika ta' kwalità għolja, komparabbli u affidabbli għat-tfassil tal-politika ekonomika tal-UE, u speċjalment għall-koordinazzjoni tal-politika ekonomika, kull sena fil-ħarifa l-Kunsill japprova konklużjonijiet dwar l-istatistika tal-UE.
Fil-konklużjonijiet tiegħu, il-Kunsill irrieżamina l-progress li sar dwar il-prijoritajiet statistiċi stabbiliti fil-Kunsill ECOFIN fis-sena preċedenti u pprovda gwida għal aktar ħidma.
Il-konklużjonijiet laqgħu l-progress milħuq dwar ir-rekwiżiti ta' informazzjoni fl-Unjoni Ekonomika u Monetarja u dwar il-kwalità tal-istatistika għall-Proċedura ta' Żbilanċ Makroekonomiku u l-Patt ta' Stabbiltà u Tkabbir.
Il-ministri kellhom skambju ta' fehmiet dwar ir-rapport annwali għall-2023 tal-Bord Fiskali Ewropew fil-preżenza tal-president tal-bord, Niels Thygesen.
Il-president tal-Qorti Ewropea tal-Awdituri ppreżenta lill-ministri r-rapport annwali dwar l-implimentazzjoni tal-baġit għas-sena finanzjarja 2022, ippubblikat fil-5 ta' Ottubru 2023.
Il-Presidenza ppreżentat is-sitwazzjoni attwali tal-proposti leġiżlattivi attwali fil-qasam tas-servizzi finanzjarji. Dan huwa punt rikorrenti fuq l-aġenda tal-Kunsill.
Sar djalogu ministerjali bejn l-UE u l-pajjiżi tal-EFTA (Assoċjazzjoni Ewropea tal-Kummerċ Ħieles) fil-marġini tal-laqgħa tad-9 ta' Novembru, dwar is-suġġett ta' approċċi ġodda ta' politika industrijali. Il-ministri kellhom skambju ta' fehmiet dwar kif tiġi evitata tellieqa dannuża għas-sussidji.
Djalogu Ministerjali ECOFIN-EFTA: Ritratt tal-grupp
Tassazzjoni
Il-Kunsill ħareġ dikjarazzjoni dwar is-soluzzjoni b'żewġ pilastri biex jiġu indirizzati l-isfidi tat-taxxa li jirriżultaw mid-diġitalizzazzjoni tal-ekonomija. Il-Kummissjoni għamlet ukoll dikjarazzjoni dwar din il-kwistjoni.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Illum qed naraw qbil dwar l-elementi u l-mekkaniżmi ewlenin tar-regoli fiskali l-ġodda, dwar il-ħtieġa li jkun hemm dixxiplina fiskali, kredibbiltà, fiduċja iżda wkoll biex tiġi żgurata l-kontroċikliċità u l-inċentivi t-tajba għall-investimenti u r-riformi li jsaħħu t-tkabbir li jirrispondu għall-prijoritajiet komuni Ewropej tagħna. Hemm impenn qawwi mill-istati membri kollha biex jikkontribwixxu, jaħdmu flimkien u jilħqu ftehim bilanċjat qabel tmiem is-sena.
