Trasport aktar sikur
L-Unjoni Ewropea hija fost l-aktar reġjuni sikuri fid-dinja f'dak li għandu x'jaqsam mat-trasport. L-UE taħdem biex tiżgura s-sikurezza tat-trasport permezz ta' taħlita ta' leġiżlazzjoni, finanzjament, koordinazzjoni, u għarfien espert tekniku.
Min jieħu ħsieb is-sikurezza tat-trasport fl-UE?
Is-sikurezza tat-trasport hija kompetenza kondiviża: filwaqt li l-UE tistabbilixxi l-qafas u l-istandards, l-awtoritajiet nazzjonali jimplimentaw u jinfurzaw ir-regoli. L-UE tippromwovi wkoll il-kooperazzjoni u l-kondiviżjoni tal-informazzjoni bejn il-pajjiżi.
L-istandards tas-sikurezza stabbiliti fil-livell tal-UE jiżguraw approċċ konsistenti madwar l-UE. L-istati membri jirrapportaw regolarment dwar l-indikaturi tal-prestazzjoni tas-sikurezza, li jippermettu li jiġu traċċati x-xejriet, li jiġu identifikati problemi potenzjali u li l-politiki jiġu aġġustati kif xieraq.
Aġenziji speċjalizzati jipprovdu għarfien espert tekniku, jiġbru data u jappoġġaw l-implimentazzjoni tar-regoli tal-UE għal kull mod ta' trasport. Dawn jinkludu:
- l-Aġenzija tas-Sikurezza tal-Avjazzjoni tal-Unjoni Ewropea (EASA)
- l-Aġenzija Ewropea għas-Sigurtà Marittima (EMSA)
- l-Aġenzija tal-Unjoni Ewropea għall-Ferroviji (ERA)
- il-Karta Ewropea dwar is-Sikurezza fit-Toroq
L-UE tipprovdi wkoll appoġġ finanzjarju għal proġetti relatati mas-sikurezza permezz ta' strumenti bħall-Faċilità Nikkollegaw l-Ewropa u Orizzont Ewropa b'mod partikolari, kif ukoll permezz tal-Fond ta' Koeżjoni.
Il-politika tat-trasport skont il-mod
Tgħallem aktar dwar x'tagħmel l-UE dwar it-trasport bl-ajru, bil-ferrovija, bit-triq u dak marittimu.
L-aħħar reviżjoni: 9 ta' April 2026