Ionstraim éigeandála le haghaidh an mhargaidh aonair
An 1 Feabhra 2024, tháinig an Chomhairle agus an Pharlaimint ar chomhaontú sealadach maidir leis an ionstraim éigeandála le haghaidh an mhargaidh aonair (SMEI), a athainmneofar, tar éis an chomhaontaithe, mar ghníomh éigeandála agus athléimneachta an mhargaidh inmheánaigh (IMERA).
Ag tógáil ar na ceachtanna a foghlaimíodh ó éigeandálaí a bhí ann le déanaí, mar shampla COVID-19, cogadh na Rúise ar an Úcráin agus géarchéim an tsoláthair fuinnimh, is é is aidhm don sásra nua seo tionchar na ngéarchéimeanna a bheidh ann amach anseo a réamh-mheas, ullmhú dó agus freagairt air.
Ionstraim éigeandála an Aontais le haghaidh an mhargaidh aonair: an margadh inmheánach a threisiú i ngéarchéimeanna
Géarchéimeanna
Cineálacha géarchéime:
- tubaistí nádúrtha
- géarchéimeanna sláinte poiblí
- turraingí eacnamaíocha
- imní maidir le slándáil
Tionchair:
- bacainní ar shaorghluaiseacht earraí, seirbhísí agus daoine
- bíonn deacrachtaí ag cuideachtaí earraí agus seirbhísí a fhoinsiú, a sholáthar nó a dhíol
- is féidir cur isteach go tapa ar shlabhraí soláthair
- is féidir go gcuirtear isteach ar rochtain tomhaltóirí ar phríomhtháirgí agus ar phríomhsheirbhísí
Leis an ionstraim éigeandála le haghaidh an mhargaidh aonair
- cruthaítear struchtúr rialachais géarchéime le haghaidh an mhargaidh aonair (le sásra faireacháin chun bagairtí a shainaithint)
- tugtar isteach bord um chásanna éigeandála agus athléimneacht an mhargaidh inmheánaigh chun measúnú a dhéanamh ar na bearta freagartha atá molta.
- cinntítear solúbthacht chun bearta tapa éifeachtacha a dhéanamh
CUR CHUIGE
Réamh-mheas:
Díriú ar chóras luathrabhaidh:
- bord um chásanna éigeandála agus athléimneacht an mhargaidh inmheánaigh: neartaithe le linn modhanna forairdill nó éigeandála
- traenáil agus tástálacha struis
Ullmhú:
- faireachán ar shlabhraí soláthair
- níos mó trédhearcachta/comhair idir na Ballstáit
- d’fhéadfaí ‘modh forairdill’ a ghníomhachtú tar éis bagairt a bheith sainaitheanta
Freagairt:
- modh forairdill a ghníomhachtú/a shíneadh/a dhíghníomhachtú
- gníomhachtú an mhódha éigeandála
- liosta earraí agus seirbhísí atá ábhartha i gcás géarchéime a ghlacadh
- soláthairtí a chomhordú
- gluaiseacht oibrithe riachtanacha agus earraí criticiúla a éascú