"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
An Chomhairle Gnóthaí Eacnamaíocha agus Airgeadais
An Chomhairle Gnóthaí Eacnamaíocha agus Airgeadais, 18 Meitheamh 2021
Na príomhthorthaí
Rinne airí eacnamaíocha agus airgeadais an Aontais a marana ar an téarnamh eacnamaíoch san Eoraip, bhí malartú tuairimí acu faoi chomhaid CBL atá á bhforbairt go fóill agus faoi staid na himeartha i dtaca leis an aontas baincéireachta. Phléigh siad inbhuaine fhioscach freisin i gcreat Sheimeastar Eorpach 2021.
An téarnamh eacnamaíoch
Bhí malartú tuairimí ag na hairí maidir le cur chun feidhme na Saoráide Téarnaimh agus Athléimneachta. Tá an tsaoráid sin i gcroílár phlean téarnaimh an Aontais Next Generation EU. Cuirfear €672.5 billiún de dheontais agus d’iasachtaí ar fáil don infheistíocht phoiblí agus d’athchóirithe sna Ballstáit chun cabhrú leo aghaidh a thabhairt ar thionchar phaindéim COVID-19, chun an t-aistriú glas agus an t-aistriú digiteach a chothú agus chun sochaithe athléimneacha agus cuimsitheacha a fhorbairt.
Táimid ag tabhairt droim láimhe don ghéarchéim seo. Tá téarnamh gheilleagar na hEorpa faoi lán seoil. Táimid bródúil as freagairt chomhchoiteann níos fearr ná riamh a thabhairt ar an ngéarchéim. Dhaingnigh na 27 mBallstát an cinneadh maidir le hacmhainní dílse i bhfad níos luaithe ná mar a rabhthas ag súil leis. D’fhormheas an Coimisiún na chéad phleananna náisiúnta an tseachtain seo. Ar deireadh, chuaigh an Eoraip i muinín na margaí chun an pacáiste téarnaimh lena ráthófar téarnamh tapa láidir a mhaoiniú.
João Leão, Aire Airgeadais na Portaingéile
Ghlac na hairí moladh faoin nós imeachta um easnamh iomarcach don Rómáin. Leagtar amach leis spriocdháta nua don Rómáin chun a staid fhioscach a fheabhsú do 2024. Ghlac an Chomhairle na moltaí freisin maidir le cláir nuashonraithe um chobhsaíocht nó um chóineasú na mBallstát i gcreat Sheimeastar Eorpach 2021.
Ghlac an Chomhairle conclúidí maidir leis na dúshláin i leith na hinbhuaine fioscaí a eascraíonn as aosú an daonra.
Bhí díospóireacht bheartais thábhachtach ag na hairí maidir le conas tabhairt faoi phríomheilimintí an togra maidir le rátaí CBL. Phléigh siad freisin an togra ‘ceannaigh agus deonaigh’ darb aidhm cur ar chumas an Choimisiúin agus comhlachtaí eile de chuid an Aontais earraí agus seirbhísí, atá riachtanach chun dul i ngleic le héigeandálaí áirithe amhail paindéim COVID-19, a cheannach le díolúine ó CBL agus iad a dháileadh saor in aisce ar na Ballstáit. Thíolaic an Coimisiún an togra seo i mí Aibreáin 2021.
An t-aontas baincéireachta
Thug an Chomhairle dá haire an tuarascáil ar dhul chun cinn maidir leis an aontas baincéireachta a neartú.
Chuir an Uachtaránacht na hairí ar an eolas faoi staid na himeartha i dtaca le tograí reachtacha maidir le seirbhísí airgeadais.
Cruinnithe idirnáisiúnta
D’fhormheas na hairí téarmaí tagartha freisin le haghaidh chruinniú airí airgeadais G20 agus ghobharnóirí an bhainc ceannais a thionólfar ón 7 go dtí an 10 Iúil 2021.
Comhaid na gcruinnithe
Doiciméid ullmhúcháin
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Táimid ag tabhairt droim láimhe don ghéarchéim seo. Tá téarnamh gheilleagar na hEorpa faoi lán seoil. Táimid bródúil as freagairt chomhchoiteann níos fearr ná riamh a thabhairt ar an ngéarchéim. Dhaingnigh na 27 mBallstát an cinneadh maidir le hacmhainní dílse i bhfad níos luaithe ná mar a rabhthas ag súil leis. D’fhormheas an Coimisiún na chéad phleananna náisiúnta an tseachtain seo. Ar deireadh, chuaigh an Eoraip i muinín na margaí chun an pacáiste téarnaimh lena ráthófar téarnamh tapa láidir a mhaoiniú.
