An Grúpa Euro, 22/1/2018, 22 Eanáir 2018

Na príomhthorthaí

Clár coigeartaithe na Gréige: staid na hoibre

Tháinig an Grúpa Euro ar chomhaontú polaitiúil i dtaca leis an tríú hathbhreithniú ar chlár coigeartaithe eacnamaíoch na Gréige, ar an ábhar go bhfuil gach leasú, a bheag nó a mhór, a éilíodh faoin athbhreithniú sin, curtha chun feidhme ag údaráis na Gréige.

Cuireann an comhaontú sin ar chumas Mheitheal an Ghrúpa Euro agus ar chomhlachtaí rialaithe de chuid an tsásra cobhsaíochta Eorpaigh na céimeanna cuí a ghlacadh chun an chéad tráinse eile a íoc amach ach a gcomhlíonfar a bhfuil fanta de choinníollacha an chomhaontaithe. Forálfar don chéad íocaíocht amach i mí Feabhra agus don dara ceann san earrach.

Ráiteas eisithe ag an nGrúpa Euro.

• Ráiteas ón nGrúpa Euro maidir leis an nGréig (22/1/2018)
• An Ghréig: an tríú clár coigeartaithe eacnamaíoch (faisnéis chúlra)

Uachtarán nua ceaptha ar Mheitheal an Ghrúpa Euro

Cheap an Grúpa Euro Hans Vijlbrief ina uachtarán nua ar Mheitheal an Ghrúpa Euro, go ceann téarma dhá bhliain. Tiocfaidh Hans Vijlbrief i gcomharbacht ar Thomas Wieser, a bhí ina uachtarán ar an ngrúpa ó mhí Eanáir 2012 i leith.

• Hans Vijlbrief ceaptha ina uachtarán nua ar Mheitheal an Ghrúpa Euro (preaseisiúint, 22/1/2018)
• Hans Vijlbrief

Leas-Uachtarán ar BCE le ceapadh

Chuir uachtarán an Ghrúpa Euro tús leis an nós imeachta chun Leas-Uachtarán nua a cheapadh ar an mBanc Ceannais Eorpach le glao ar iarrthóirí. Rachaidh téarma an té atá in oifig, Vítor Constâncio, in éag ar an 31 Bealtaine.

An tAontas Eacnamaíoch agus Airgeadaíochta

Tar éis an Chruinnithe Mullaigh Euro, a bhí ar siúl ar an 15 Nollaig 2017, bhí plé leantach ag na hairí maidir leis na céimeanna breise chun an t-aontas eacnamaíoch agus airgeadaíochta (AEA) a dhoimhniú.

• Cruinniú Mullaigh Euro, 15 Nollaig 2017

An Seimeastar Eorpach: Moladh maidir leis an limistéar euro do 2018

Phléigh an Grúpa Euro an dréachtmholadh ón gComhairle maidir le beartas eacnamaíoch an limistéir euro do 2018, a eisíodh i gcomhthéacs an tSeimeastair Eorpaigh, sásra an Aontais maidir le comhordú beartais.

Déanfaidh an Chomhairle Gnóthaí Eacnamaíocha agus Airgeadais an dréachtmholadh a fhormheas ar an 23 Eanáir. Glacfaidh an Chomhairle é go foirmiúil tar éis do Chomhairle Eorpach mhí an Mhárta é a fhormhuiniú.

• Moladh maidir le beartas eacnamaíoch an limistéir euro

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  BG ES CS DA DE ET EL EN FR HR IT LV LT HU MT NL PL PT RO SK SL FI SV
• An seimeastar Eorpach in 2018 (faisnéis chúlra)

Misean faireacháin iarchláir go dtí an Phortaingéil

Cuirfear an Grúpa Euro ar an eolas faoi thorthaí an tseachtú misean faireacháin iarchláir go dtí an Phortaingéil, a bhí ar siúl ón 28 Samhain go dtí an 6 Nollaig 2017.

• Ráiteas ón gCoimisiún Eorpach agus ón mBanc Ceannais Eorpach tar éis an tseachtú faireachán iarchláir

Comhairliúchán CAI faoi Airteagal IV leis an limistéar euro

Rinne an Grúpa Euro tuairimí a mhalartú faoi léiriú an chiste airgeadaíochta idirnáisiúnta ar phríomh-réamhthorthaí a mhisin eatramhaigh a bhaineann lena chomhairliúchán leis an limistéar euro faoi Airteagal IV.

• Faireachán CAI faoi Airteagal IV