Grupp tal-Euro, 22/01/2018, 22 ta' Jannar 2018

Riżultati ewlenin

Il-programm tal-Greċja: sitwazzjoni attwali

Il-Grupp tal-Euro laħaq qbil politiku dwar it-tielet rieżami tal-programm ta' aġġustament ekonomiku tal-Greċja, peress li l-awtoritajiet Griegi implimentaw kważi r-riformi kollha meħtieġa skont dan ir-rieżami.

Il-qbil jippermetti li l-Grupp ta' Ħidma tal-Grupp tal-Euro u l-korpi governattivi tal-Mekkaniżmu Ewropew ta' Stabbiltà jieħdu l-passi neċessarji għall-iżborż tal-ħlas parzjali li jmiss, ladarba jkunu ġew ikkompletati b'mod sħiħ il-ftit kondizzjonijiet li fadal. L-ewwel żborż huwa previst għal Frar, u t-tieni wieħed għar-rebbiegħa.

Il-Grupp tal-Euro ħareġ dikjarazzjoni.

• Dikjarazzjoni tal-Grupp tal-Euro dwar il-Greċja (22/1/2018)
• Greċja: it-tielet programm ta’ aġġustament ekonomiku (informazzjoni ġenerali)

Ħatra tal-President il-ġdid tal-Grupp ta' Ħidma tal-Grupp tal-Euro

Il-Grupp tal-Euro ħatar lil Hans Vijlbrief bħala l-President il-ġdid tal-Grupp ta’ Ħidma tal-Grupp tal-Euro, għal mandat ta’ sentejn. Hans Vijlbrief ser jieħu post Thomas Wieser, li ilu jippresiedi l-grupp minn Jannar 2012.

• Hans Vijlbrief maħtur President tal-grupp ta’ ħidma tal-Grupp tal-Euro (stqarrija għall-istampa, 22/1/2018)
• Hans Vijlbrief

Ħatra tal-Viċi President tal-BĊE

Il-President tal-Grupp tal-Euro beda l-proċedura għall-ħatra ta’ Viċi President ġdid tal-Bank Ċentrali Ewropew b’sejħa għal kandidaturi. Il-mandat tal-persuna fil-kariga, Vítor Constâncio, jintemm fil-31 ta’ Mejju.

Unjoni Ekonomika u Monetarja

Wara s-Summit tal-Euro li sar fil-15 ta' Diċembru 2017, il-ministri kellhom diskussjoni ta' segwitu dwar passi ulterjuri lejn l-approfondiment tal-UEM.

• Summit tal-Euro, 15 ta' Diċembru 2017

Semestru Ewropew: Rakkomandazzjoni għall-2018 għaż-żona tal-euro

Il-Grupp tal-Euro ddiskuta l-abbozz ta' rakkomandazzjoni tal-Kunsill dwar il-politika ekonomika taż-żona tal-euro għall-2018, maħruġa fil-kuntest tas-Semestru Ewropew, il-mekkaniżmu għall-koordinazzjoni tal-politika tal-UE.

L-abbozz ta' rakkomandazzjoni ser jiġi approvat mill-Kunsill Affarijiet Ekonomiċi u Finanzjarji fit-23 ta' Jannar. Dan ser jiġi adottat formalment mill-Kunsill wara l-approvazzjoni fil-Kunsill Ewropew ta' Marzu.

• Rakkomandazzjoni dwar il-politika ekonomika taż-żona tal-euro
• Is-Semestru Ewropew fl-2018 (informazzjoni ġenerali)

Missjoni ta’ sorveljanza ta’ wara l-programm fil-Portugall

Il-Grupp tal-Euro kien infurmat dwar ir-riżultati tas-seba' missjoni ta’ sorveljanza ta’ wara l-programm (PPS) fil-Portugall, li saret bejn it-28 ta’ Novembru u s-6 ta’ Diċembru 2017.

• Dikjarazzjoni mill-Kummissjoni Ewropea u l-Bank Ċentrali Ewropew wara s-seba' missjoni ta' sorveljanza ta’ wara l-programm

Konsultazzjoni skont l-Artikolu IV tal-FMI maż-żona tal-euro

Il-Grupp tal-Euro kellu skambju ta’ fehmiet dwar il-preżentazzjoni mill-Fond Monetarju Internazzjonali dwar is-sejbiet preliminari ewlenin tal-missjoni interim tiegħu marbuta mal-konsultazzjoni skont l-Artikolu IV maż-żona tal-euro.

• Sorveljanza tal-Artikolu IV tal-FMI