An Grúpa Euro, 19/02/2018, 19 Feabhra 2018

Na príomhthorthaí

Tionóladh cruinniú an Ghrúpa Euro in dhá fhormáid – gnáthchruinniú d'airí an limistéir euro a bhí sa chéad chuid agus ina dhiaidh sin bhí cruinniú na n-airí as 27 mBallstát de chuid an Aontais.

Cruinniú an Ghrúpa Euro i ngnáthfhormáid

An Ghréig: clár coigeartaithe eacnamaíoch

Cuireadh an Grúpa Euro ar an eolas faoin dul chun cinn breise atá déanta ag an nGréig maidir le cur chun feidhme na réamhghníomhaíochtaí nach ndearnadh fós faoin tríú hathbhreithniú ar an gclár. Is réamhchoinníoll é cur chun feidhme na réamhghníomhaíochtaí chun an chéad tráinse eile den chúnamh airgeadais a scaoileadh atá ar fáil faoin gclár ón Sásra Cobhsaíochta Eorpach.

• An Ghréig: an tríú clár coigeartaithe eacnamaíoch (faisnéis chúlra)

Éire: faireachas iarchláir

Cuireadh an Grúpa Euro ar an eolas faoi na príomhthorthaí a tháinig chun cinn tar éis an 8ú misean faireachais iarchláir go hÉirinn, a bhí ar siúl ón 28 Samhain go dtí an 1 Nollaig 2017.

• Tuarascáil Faireachais Iarchláir. Éire, Fómhair 2017
• Ráiteas ón gCoimisiún Eorpach agus ó fhoireann BCE ar thabhairt i gcrích an ochtú misean faireachais iarchláir go hÉirinn (preaseisiúint BCE)

Athchóiriú ar an Sásra Cobhsaíochta Eorpach

Rinne na hairí tuairimí a mhalartú i dtaca le cé mar is féidir an díospóireacht faoin athchóiriú ar an Sásra Cobhsaíochta Eorpach a thabhairt chun cinn. Cuirfear an plé san áireamh san ullmhúchán do na cinnidh a d'fhéadfadh ceannairí an Aontais a dhéanamh i gcomhthéacs an phlé níos leithne faoi dhoimhniú an Aontais Eacnamaíoch agus Airgeadaíochta.

Ceapachán Leas-Uachtarán an Bhainc Ceannais Eorpaigh

Ina theannta sin phléigh an Grúpa Euro ceapachán Leas-Uachtarán an Bhainc Ceannais Eorpaigh agus thug sé a thacaíocht pholaitiúil d'iarrthóireacht Luis de Guindos.

Is í an Chomhairle Eorpach a cheapfaidh Leas-Uachtarán BCE ar mholadh ó Chomhairle an Aontais Eorpaigh.

• Tacaíocht tugtha ag an nGrúpa Euro do Luis de Guindos (preaseisiúint, 19 Feabhra 2018)
• Nós imeachta ceapacháin bhord feidhmiúcháin BCE (grafaic faisnéise)

Cruinniú den Ghrúpa Euro i bhformáid oscailte chuimsitheach

An t-aontas baincéireachta: an bealach chun tosaigh

Phléigh airí airgeadais as 27 mBallstát de chuid an Aontais an dul chun cinn atá déanta agus treochlár mhí an Mheithimh 2016 chun an t-aontas baincéireachta a thabhairt chun críche á chur chun feidhme, agus d'fhéach siad ar an treochlár a fhorbairt tuilleadh.

• Conclúidí ón gComhairle maidir le treochlár chun an t-aontas baincéireachta a thabhairt chun críche (preaseisiúint, 17 Meitheamh 2016)
• An t-aontas baincéireachta (faisnéis chúlra)