An Chomhairle Gnóthaí Eachtracha, 18/05/2015, 18 Bealtaine 2015

Na príomhthorthaí

An Imirce

Ní haon ghníomhú amháin a bheidh éifeachtach ann féin. Tá gach páirt den ghníomhú sin ábhartha .i. beatha daoine a shábháil ar muir, oibriú lenár gcomhpháirtithe ar na bunchúiseanna agus líonraí coiriúla de smuigléirí daoine a bhriseadh. Federica Mogherini, Ardionadaí an Aontais Eorpaigh do Ghnóthaí Eachtracha agus don Bheartas Slándála

Bhunaigh an Chomhairle oibríocht chabhlaigh de chuid an Aontais chun samhail ghnó na smuigléirí daoine i réigiún na Meánmhara, EUNAVFOR na Meánmhara, a shuaitheadh. Is gné amháin an cinneadh sin d'fhreagairt chuimsitheach an Aontais do dhúshlán na himirce

Seolfar EUNAVFOR na Meánmhara céim ar chéim agus i gcomhréir le ceanglais an dlí idirnáisiúnta. Beartófar an oibríocht agus cuirfear céim thosaigh an fhaireachais agus an mheasúnaithe ar na líonraí smuigleála agus gáinneála daoine ar bun i Lár agus i nDeisceart na Meánmhara a luaithe is féidir. Le linn an dara céim agus an tríú céim den oibríocht, díreofar ar shócmhainní na smuigléirí a chuardach, a urghabháil agus a shuaitheadh, bunaithe ar an dlí idirnáisiúnta agus i gcomhar le húdaráis na Libia.

An Bhurúin

Cháin an Chomhairle an iarracht ar coup d’état sa Bhurúin agus d’iarr sí ar ghníomhaithe na Burúine a gcointinn a réiteach ar bhealach síochánta. D’áitigh sí freisin na gníomhaíochtaí sin a d’fhéadfadh an teannas sa tír a adhaint tuilleadh a choimeád faoi shrian.

• Torthaí chruinniú na Comhairle