"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
An Chomhairle Gnóthaí Eachtracha, 11/11/2019, 11 Samhain 2019
Príomhthorthaí
Príomh-imeachtaí na Comhairle Gnóthaí Eachtracha, an 11 Samhain 2019, sa Bhruiséil
Cúrsaí reatha
Phléigh an Chomhairle Gnóthaí Eachtracha saincheisteanna práinneacha atá ar an gclár oibre idirnáisiúnta. Rinne an tArdionadaí agus na hairí gnóthaí eachtracha obair leantach ar an bplé a bhí acu maidir le Siria ag an gcruinniú deireanach den Chomhairle Gnóthaí Eachtracha i mí Dheireadh Fómhair agus mheabhraigh siad a dtiomantas deireadh a chur le honnmhairí arm chun na Tuirce. Thug siad dá n-aire freisin gur glacadh an creat do smachtbhannaí mar fhreagairt ar ghníomhaíochtaí druileála mídhleathacha na Tuirce sa Mheánmhuir Thoir.
Thagair na hairí tagairt don staid sa Bholaiv freisin, agus d'iarr siad ar chách a bheith stuama chun teacht ar bhealach toghcháin inchreidte a chur ar bun agus chun aon fhoréigean breise a sheachaint. Phléigh an Chomhairle Eorpach go hachomair Veiniséala tar éis na comhdhála dlúthpháirtíochta idirnáisiúnta maidir le géarchéim dídeanaithe agus imirceach Veiniséala (28-29 Deireadh Fómhair). Anuas air sin, tá smachtbhannaí athnuaite ag an gComhairle i gcoinne Veiniséala ar feadh bliana mar gheall ar ghníomhaíochtaí leanúnacha a bhaineann an bonn den daonlathas, den smacht reachta agus den urraim do chearta an duine.
Phléigh an tArdionadaí agus na hairí gnóthaí go hachomair an staid sa Liobáin agus chuir siad in iúl go bhfuiltear ag súil go mbeidh rialtas nua ann go luath agus go bhfuil an tAontas lánsásta leanúint air ag tacú leis an tír.
Thagair siad freisin don staid i Hong Cong.
An tslándáil réigiúnach i réigiún na Murascaille agus san Iaráin
Tá an oiread taidhleoireachta agus is féidir ar bun againn, ní hamháin leis an Iaráin, ach le gach duine. Is príomhghné é sin de rannpháirtíocht an Aontais ar fud an domhain.
Federica Mogherini, an tArdionadaí do Ghnóthaí Eachtracha agus don Bheartas Slándála
Phléigh an tArdionadaí agus na hairí gnóthaí staid na slándála i réigiún na Murascaille. Thug siad dá n-aire cé go bhfuil teannas fós sa réigiún, nach bhfuil cúrsaí imithe in olcas. Rinne siad machnamh ar an gcaoi a bhféadfadh an tAontas tacaíocht agus spreagadh a thabhairt do thuilleadh díghéaraithe, go háirithe trí thionscnaimh lena gceadófaí úinéireacht ón réigiún féin.
Anuas air sin, phléigh an Chomhairle an Iaráin, i ndiaidh an fhógra a thug Teheran maidir le Plean Cuimsitheach Comhpháirteach Gníomhaíochta (JCPoA), socrú núicléach na hIaráine. Thug na hairí gnóthaí eachtracha dá n-aire go raibh sé ag éirí níos dúshlánaí JCPoA a chaomhnú ach d'athdhearbhaigh siad a dtiomantas agus a n-iarraidh ar an Iaráin go gcomhlíonfaidh an Iaráin an comhaontú ina iomláine an athuair, ar comhaontú tábhachtach i gcónaí é do shlándáil na hEorpa agus don tslándáil réigiúnach i gcónaí é.
An Afganastáin
Phléigh an Chomhairle an Afganastáin. Mheabhraigh an tArdionadaí agus na hairí gnóthaí gurb iad na cainteanna díreacha laistigh den Afganastáin an t-aon bhealach amháin chun réiteach inbhuanaithe a bhaint amach agus d'fhéadfaí an chéad chéim a ghlacadh, sa chomhthéacs sin, i dtreo na caibidlíochta laistigh den Afganastáin a athsheoladh trí na cainteanna idir na Stáit Aontaithe agus an Talaban a atosú. Anuas air sin, leag an Chomhairle béim ar an ngá atá ann an foréigean a laghdú go suntasach agus timpeallacht a chruthú ina bhféadfar cearta agus dul chun cinn daonlathach na tíre a chaomhnú, lena n-áirítear maidir le cearta na mban, na leanaí agus na mionlach.
D'athdhearbhaigh an tArdionadaí agus na hairí gnóthaí go bhfuil an tAontas réidh chun tacú le próiseas polaitiúil cuimsitheach. Mheabhraigh siad rannpháirtíocht shuntasach an Aontais sa tír agus an tiomantas dá cobhsaíocht agus dá rathúnas.
Bhí malartú tuairimí ag airí gnóthaí eachtracha an Aontais le Príomh-Aire na Súdáine Abdalla Hamdok. D'athdhearbhaigh siad freisin an tiomantas láidir polaitiúil atá ag an Aontas chun tacú leis an rialtas sibhialtach idirthréimhseach agus le hullmhacht an Aontais chun cúnamh airgeadais a chur ar fáil don idirthréimhse, lena n-áirítear chun tacú leis an athchóiriú eacnamaíoch. Leag siad béim ar a thábhachtaí atá sé a áirithiú go leanfaidh an t-aistriú sibhialtach de bheith ina phróiseas cuimsitheach, lena n-áirítear ról iomchuí don óige agus do mhná.
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Tá an oiread taidhleoireachta agus is féidir ar bun againn, ní hamháin leis an Iaráin, ach le gach duine. Is príomhghné é sin de rannpháirtíocht an Aontais ar fud an domhain.
