"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Affarijiet Barranin, 20/01/2020, 20 ta' Jannar 2020
Riżultati ewlenin
Ġrajjiet kurrenti
Il-Kunsill Affarijiet Barranin ġie infurmat dwar l-eżitu tal-konferenza ta' Berlin dwar il-Libja tad-19 ta' Jannar. Il-Kunsill iddiskuta kif l-UE tista' timpenja ruħhab'mod aktar b'saħħtu fil-proċess lejn soluzzjoni politika, b'mod partikolari biex tgħin jiġi implimentat il-waqfien mill-ġlied maqbul u jiġi infurzat l-embargo tan-NU fuq l-armi.
Il-Kunsill imbagħad ittratta s-sitwazzjoni fil-Bolivja. Il-ministri tennew l-appoġġ tagħhom għall-proċess li ser iwassal għal elezzjonijiet ġenerali fit-3 ta' Mejju 2020.
Il-ministri rreferew ukoll għall-Venezwela, wara eskalazzjoni ulterjuri tal-kriżi relatata ma' avvenimenti reċenti fl-Assemblea Nazzjonali. Huma tennew l-appoġġ tagħhom għal Juan Guaidó bħala President tal-Assemblea Nazzjonali.
Fl-aħħar nett ir-Rappreżentant Għoli rrapporta fil-qosor dwar iż-żjara tiegħu f'New Delhi, l-Indja, fejn ipparteċipa fid-Djalogu ta' Raisina u ddiskuta mal-awtoritajiet Indjani t-tħejjijiet għall-15-il Summit UE-Indja li jmiss, skedat għat-13 ta' Marzu.
Il-Kunsill kellu skambju ta' fehmiet dwar id-deterjorament tas-sitwazzjoni tas-sigurtà u dik umanitarja fis-Saħel u r-rwol li tista' taqdi l-UE bħala sieħeb u donatur ewlieni fir-reġjun, wara s-summit bejn Franza u l-G5 tas-Saħel li sar f'Pau fit-13 ta' Jannar.
Il-Kunsill esprima appoġġ għat-tiġdid u l-intensifikazzjoni tal-Istrateġija għas-Saħel eżistenti bil-ħsieb li jiżdied l-impatt tal-azzjoni tal-UE b'appoġġ għas-sigurtà, l-istabbiltà u l-iżvilupp. Il-ministri enfasizzaw l-importanza ta' approċċ integrat li jiżgura sinerġiji massimi bejn l-atturi differenti involuti u r-riżorsi użati, kif ukoll jiżgura s-sjieda tal-pajjiżi tal-G5 tas-Saħel.
Fl-interventi tagħhom, il-ministri ttrattaw ukoll il-laqgħa li jmiss mal-G5 tas-Saħel, li l-President tal-Kunsill Ewropew, Charles Michel, beħsiebu jorganizza fil-marġini tal-Kunsill Ewropew ta' Marzu 2020.
Illum il-Kunsill iddeċieda li nintensifikaw il-kooperazzjoni strateġika tagħna mal-pajjiżi tas-Saħel. Huwa ċar li rridu nagħmlu aktar, u f'Marzu ser nitkellmu dwar dan fil-marġini tal-Kunsill Ewropew li jmiss.
Josep Borrell, Rappreżentant Għoli għall-Affarijiet Barranin u l-Politika ta' Sigurtà
Il-Kunsill iddiskuta modi biex iżid u jsaħħaħ id-diplomazija tiegħu dwar il-klima, u adotta konklużjonijiet dwar il-kwistjoni.
Il-ministri rreferew b'mod partikolari għal azzjonijiet konkreti possibbli biex jintlaħqu b'mod effettiv il-pajjiżi terzi, tiġi ġġenerata aktar ambizzjoni klimatika fil-livell globali u tittejjeb l-implimentazzjoni minn sħab u emittenti ewlenin.
Il-proċess ta' paċi fil-Lvant Nofsani u r-reġjun usa'
Matul ikla ta' ħidma, il-ministri għall-affarijiet barranin tal-UE ddiskutew informalment il-Proċess ta' Paċi fil-Lvant Nofsani (PPLN) u l-Lvant Nofsani usa'. Dawn id-diskussjonijiet kienu bbażati fuq l-eżitu tal-Kunsill Affarijiet Barranin straordinarju tal-10 ta' Jannar 2020, li ffoka fuq is-sitwazzjoni attwali fil-Libja u fl-Iraq. F'dan il-kuntest il-ministri ttrattaw ukoll il-futur tal-PAKK, il-ftehim nukleari mal-Iran. Ir-Rappreżentant Għoli enfasizza li ser ikompli jimpenja ruħu mal-atturi rilevanti kollha fir-reġjun.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Illum il-Kunsill iddeċieda li nintensifikaw il-kooperazzjoni strateġika tagħna mal-pajjiżi tas-Saħel. Huwa ċar li rridu nagħmlu aktar, u f'Marzu ser nitkellmu dwar dan fil-marġini tal-Kunsill Ewropew li jmiss.
