"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
Físchomhdháil neamhfhoirmiúil na n-airí gnóthaí eachtracha, 27 Feabhra 2022
Na príomhthorthaí
Tháinig Airí Gnóthaí Eachtracha an Aontais le chéile go neamhfhoirmiúil trí fhíschomhdháil, agus phléigh siad bearta breise atá le glacadh mar fhreagairt ar fhogha míleata na Rúise faoin Úcráin.
Ócáid stairiúil é seo toisc gurb é seo an chéad uair ó tháinig deireadh leis an dara cogadh domhanda go bhfuil ionradh á dhéanamh ag cumhacht mhíleata ar stát ceannasach eile de shárú ar an dlí idirnáisiúnta. Ar an dara dul síos, tá Eorpaigh tar éis freagairt ar bhealach a chuir iontas ar a lán daoine, na Rúisigh iad féin go háirithe.
Josep Borrell, Ardionadaí an Aontais do Ghnóthaí Eachtracha agus don Bheartas Slándála
Thug na hairí cead polaitiúil do shraith nua beart, ar bearta iad a bhfuiltear ag súil leo go gcumhdófar réimsí éagsúla gníomhaíochta:
tacaíocht ón Aontas d’fhórsaí armtha na hÚcráine tríd an tSaoráid Eorpach Síochána
smachtbhannaí breise aonair agus eacnamaíocha, lena gcumhdaítear, i measc nithe eile, aerspás an Aontais a dhúnadh d’aerárthaí Rúiseacha, córas teachtaireachtaí airgeadais SWIFT, agus acmhainní Bhanc Ceannais na Rúise
rannpháirtíocht taidhleoireachta chun oibriú i dtreo cáineadh idirnáisiúnta agus leithlisiú na Rúise
bearta chun tacú leis an Úcráin agus leis an réigiún
tionscnaimh chun an bhréagaisnéis a chomhrac, lena n-áirítear an toirmeasc ar na meáin faoi úinéireacht stáit Russia Today agus Sputnik ag craoladh san Aontas.
Ní mór anois na cinntí sin a thabhairt chun críche trí ghníomhartha dlíthiúla ábhartha.
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Ócáid stairiúil é seo toisc gurb é seo an chéad uair ó tháinig deireadh leis an dara cogadh domhanda go bhfuil ionradh á dhéanamh ag cumhacht mhíleata ar stát ceannasach eile de shárú ar an dlí idirnáisiúnta. Ar an dara dul síos, tá Eorpaigh tar éis freagairt ar bhealach a chuir iontas ar a lán daoine, na Rúisigh iad féin go háirithe.
