"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
Cruinniú urghnách den Chomhairle Gnóthaí Eachtracha, 4 Márta 2022
Na príomhthorthaí
Bhí cruinniú urghnách den Chomhairle ag na hairí chun an scéala is déanaí a phlé maidir lena bhfuil ag tarlú san Úcráin.
Ní mór don Rúis deireadh a chur láithreach bonn lena cuid oibríochtaí míleata, agus tarraingt siar gan choinníoll ó chríoch na hÚcráine ina hiomláine. Bhí sé beartaithe ag an Uachtarán Putin deighilt a chothú eadrainn, ach is a mhalairt ar fad a tharla: tá muid níos aontaithe agus níos tiomanta ná riamh agus tá an Rúis iomlán scoite amach.
Josep Borrell, an tArdionadaí do Ghnóthaí Eachtracha agus don Bheartas Slándála
D’iarr na hairí go mbeadh conair dhaonnúil ann agus leag siad béim ar a riachtanaí atá sé tuilleadh tacaíochta a thabhairt do Bhallstáit túslíne an Aontais ina bhfuil formhór díobh siúd atá ar a dteitheadh ón gcogadh á slógadh. Ina theannta sin, d’aontaigh siad dlús a chur leis an obair ó thaobh cúrsaí daonnúla de.
Chomhaontaigh na hairí go ndéanfaí spleáchas fuinnimh an Aontais ar an Rúis a laghdú a thuilleadh. Maidir leis na bearta sriantacha láidre a glacadh le déanaí, táthar ag díriú faoi láthair ar chur chun feidhme iomlán na mbeart sin a chinntiú agus ar aon lúb ar lár a d’fhéadfadh a bheith ann a dhúnadh.
Bhí malartú neamhfhoirmiúil idir airí gnóthaí eachtracha an Aontais agus Aire Gnóthaí Eachtracha na hÚcráine, Dmytro Kuleba, a tháinig le chéile trí fhíschomhdháil agus a chuir forléargas ar fáil faoin scéala is déanaí ar an talamh, ar riachtanais phráinneacha na hÚcráine agus ar na hainghníomhartha atá déanta ag fórsaí na Rúise.
Ghlac Státrúnaí na Stát Aontaithe, Antony Blinken, Ardrúnaí ECAT, Jens Stoltenberg, Rúnaí Gnóthaí Eachtracha na Ríochta Aontaithe, Liz Truss agus Aire Gnóthaí Eachtracha Cheanada, Mélanie Joly páirt sa chruinniú sa Bhruiséil freisin.
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Ní mór don Rúis deireadh a chur láithreach bonn lena cuid oibríochtaí míleata, agus tarraingt siar gan choinníoll ó chríoch na hÚcráine ina hiomláine. Bhí sé beartaithe ag an Uachtarán Putin deighilt a chothú eadrainn, ach is a mhalairt ar fad a tharla: tá muid níos aontaithe agus níos tiomanta ná riamh agus tá an Rúis iomlán scoite amach.
