An Chomhairle um Ghnóthaí Ginearálta, 14/09/2015, 14 Meán Fómhair 2015

• Clár Táscach - Cruinniú den Chomhairle Gnóthaí Ginearálta, an 14/09/2015
• Background brief

Na príomhthorthaí

Comhairle Eorpach mhí Dheireadh Fómhair

Chuir an Chomhairle tús leis na hullmhúcháin do Chomhairle Eorpach mhí Dheireadh Fómhair ar bhonn an phlé a rinneadh ar an dréachtchlár oibre anótáilte. Díreofar go príomha le linn an chruinnithe i mí Dheireadh Fómhair (an 15-16 Deireadh Fómhair) ar cheist na himirce.

Tá dualgas morálta agus dlíthiúil ar an Eoraip cabhrú le teifigh a theith ó chogadh, ón sceimhlitheoireacht agus ón deachtóireacht. Déanfaidh an Uachtaránacht Lucsamburgach an méid is féidir lena chinntiú go ngníomhóidh an tAontas de réir a luachanna Jean Asselborn, Aire Gnóthaí Eachtracha agus Eorpacha Lucsamburg

Meastar go dtabharfaidh na ceannairí dá n-aire ag an gcruinniú, an méid a rinneadh mar fhreagairt ó tionóladh Comhairle Eorpach mhí an Mheithimh i leith, agus meastar go ndéanfaidh siad ullmhúchán don chruinniú mullaigh a bheidh ar siúl i Vaileite (an 11-12 Samhain), áit dtiocfaidh ceannairí an Aontais agus na hAfraice le chéile chun féachaint ar an gcaoi ina bhféadfar comhar a neartú chun freastal ar dhúshláin na himirce, agus chun aghaidh a thabhairt ar bhunchúiseanna na himirce neamhdhleathaí. Meastar freisin go bpléifidh na hAirí an méid a eascróidh as comhdháil ardleibhéil bhealach na mBalcán Thiar, a thionólfar ag tús mhí Dheireadh Fómhair.

• Dréachtchlár oibre anótáilte — an Chomhairle Eorpach, an 15-16 Meitheamh 2015

Clár oibre an Choimisiún do 2016

Thug na hAirí litir ón gCoimisiún dá n-aire, ina leagtar amach a bhfuil beartaithe aige dá chlár oibre 2016. Déantar sin mar chuid den phróiseas ullmhúcháin sula nglacfaidh an Coimisiún a chlár oibre don bhliain atá le teacht.

EUNAVFOR Med

Ghlac an Chomhairle an measúnú gur comhlíonadh dálaí EUNAVFOR Med chun dul ar aghaidh go dtí an chéad chuid de chéim a dó ar an mórmhuir, agus go bhfuil na cuspóirí míleata uile a bhaineann le céim 1, lena ndírítear ar eolas agus ar fhaisnéis a bhailiú agus a anailísiú, comhlíonta ag an oibríocht chabhlaigh.

• Fórsa Cabhlaigh faoi Cheannas an Aontais Eorpaigh sa Mheánmhuir (NAVFOR AE ): Glacann an Chomhairle measúnú dearfach faoi na dálaí chun dul ar aghaidh go dtí an chéad chuid de chéim 2 ar mórmhuir

An Úcráin

Chuir an Chomhairle fad sé mhí leis na smachtbhannaí atá ann mar thoradh ar ghníomhaíochtaí i gcoinne sláine críche, cheannasacht agus neamhspleáchas na hÚcráine. Cuireadh síneadh le calcadh sócmhainní agus toirmeasc taistil i gcoinne 149 duine agus 37 eintiteas go dtí 15 Márta 2016.

• Cuireann an tAontas síneadh le bailíocht na smachtbhannaí ar ghníomhaíochtaí i gcoinne shláine críche na hÚcráine

• Toradh chruinniú na Comhairle