An Chomhairle um Ghnóthaí Ginearálta, 13/10/2015, 13 Deireadh Fómhair 2015

Na príomhthorthaí

Is dúshlán againn é ceist na himirce agus níl aon réiteach éasca amháin ar an scéal. Táimid go léir ar aon intinn gur trí phacáiste cothrom, cuimsitheach amháin a bheidh an Eoraip in ann freagairt a thabhairt, freagairt a bheidh éifeachtach ach ceann lena n-urramófar ár mbunluachanna freisin... Jean ASSELBORN, Aire Gnóthaí Eachtracha agus Eorpacha Lucsamburg agus Uachtarán na Comhairle

Comhairle Eorpach mhí Dheireadh Fómhair

Chuir an Chomhairle bailchríoch ar na hullmhúcháin do Chruinniú na Comhairle Eorpaí a bheidh ar siúl an 15 agus an 16 Deireadh Fómhair 2015 agus phléigh sí dréacht-Chonclúidí a bheidh le comhaontú ag ceannairí an Aontais. Sa Chomhairle Eorpach, díreofar ar an imirce agus pléifear roinnt gnéithe éagsúla den cheist sin. Scrúdófar an dul chun cinn atá déanta maidir le cur chun feidhme na dtreoirlínte a comhaontaíodh ag an gcruinniú a bhí ag na Ceannairí Stáit nó Rialtais i mí Mheán Fómhair, agus cuirfear treoir ar fáil maidir le gníomhaíocht chun leanúint den obair i ndáil leis an gclár oibre Eorpach don imirce. Chomh maith leis sin, tabharfar aird ar an gcomhdháil maidir le bealach Oirthear na Meánmhara - na mBalcán Thiar agus ullmhófar Cruinniú Mullaigh Vaileite.

"Is dúshlán mór againn é ceist na himirce agus níl aon réiteach éasca amháin ar an scéal. Táimid go léir ar aon intinn gur trí phacáiste cothrom, cuimsitheach amháin a bheidh an Eoraip in ann freagairt a thabhairt, freagairt a bheidh éifeachtach, ach ceann lena n-urramófar ár mbunluachanna freisin. I bplé an lae inniu, rinneadh an réamhobair chun go ndéanfar na cinntí cearta ag an gComhairle Eorpach níos déanaí an tseachtain seo", a dúirt Jean Asselborn, Aire Gnóthaí Eachtracha agus Eorpacha Lucsamburg agus Uachtarán na Comhairle.

• An Chomhairle Eorpach, an 15 Deireadh Fómhair 2015

Tosaíochtaí an Choimisiúin don Chlár Oibre atá aige do 2016

Thug an Chomhairle dá haire na tuairimí a cuireadh in iúl ina cuid comhlachtaí ullmhúcháin i ndáil leis na tosaíochtaí atá ag an gCoimisiún dá chlár oibre do 2016. Táthar ag súil go nglacfaidh an Coimisiún an Clár Oibre an 27 Deireadh Fómhair.

• Litir Intinne maidir le tosaíochtaí an Choimisiúin

Rialáil níos fearr

Chuir an Uachtaránacht na hAirí ar an eolas faoin staid mar atá san idirbheartaíocht maidir le comhaontú idir an Coimisiún, Parlaimint na hEorpa agus an Chomhairle i ndáil le rialáil níos fearr. Is é an aidhm atá leis an togra ón gCoimisiún go dtabharfaidh na trí institiúidí gealltanas comhpháirteach maidir le feabhas a chur ar an mbealach a ritheann an tAontas reachtaíocht.

• Comhaontú maidir le reachtóireacht níos fearr

• Toradh chruinniú na Comhairle