An Chomhairle Comhshaoil, 25 Meitheamh 2026

Príomhphointí an chláir oibre

Caighdeáin astaíochtaí CO₂ do ghluaisteáin agus veaineanna

Déanfaidh an Chomhairle a marana ar an dul chun chinn atá déanta i ndáil leis an leasú ar an rialachán maidir le caighdeáin astaíochtaí CO₂ do ghluaisteáin agus veaineanna. Mar chuid de phacáiste na mótarfheithiclí, mhol an Coimisiún an 16 Nollaig 2025, an leasú chun tacú le haistriú na hearnála chuig an tsoghluaisteacht ghlan.

Sa togra, moltar sprioc laghdaithe astaíochtaí 2035 a ísliú ó 100% go 90%, agus an 10% eile d’astaíochtaí a chúiteamh trí úsáid a bhaint as breoslaí in-athnuaite inbhuanaithe agus as cruach íseal-astaíochta a tháirgtear san Aontas. Áirítear ann freisin dreasachtaí do mhonaróirí a dhíolfaidh feithiclí leictreacha beaga atá déanta san Aontas.

• Rialachán leasaitheach maidir le caighdeáin astaíochtaí CO₂ do ghluaisteáin agus veaineanna – togra ón gCoimisiún
• Pacáiste na mótarfheithiclí (an Coimisiún Eorpach)
• Amlíne (EU Law Tracker)
• Conclúidí ón gComhairle Eorpach maidir le hiomaíochas agus an t-aistriú dúbailte (an 23 Deireadh Fómhair 2025)

An dúlra, an gnó agus an t-iomaíochas

Pléifidh na hairí réitigh dhúlrabhunaithe don iomaíochas agus cé mar is féidir an baol a bhaineann le cailliúint na bithéagsúlachta a bhainistiú chun aistriú chuig geilleagar dúlrabhunaithe.

• An dúlra agus an bhithéagsúlacht (eolas cúlra)

An Straitéis maidir le hAthléimneacht i Réimse an Uisce agus Rialachán REACH

Agus bliain ann ó glacadh an straitéis maidir le hathléimneacht i réimse an uisce, pléifidh an Chomhairle cur chun feidhme na straitéise agus cé mar is féidir dul chun cinn a dhéanamh sna blianta beaga amach romhainn. Déanfaidh siad a marana freisin ar na chéad chéimeanna atá i ndán don Rialachán maidir le Clárú, Meastóireacht, Údarú agus Srianadh Ceimiceán (REACH).

• Comhshaol na hEorpa: é molta go láidir ag an gComhairle go gcuirfí dlús leis an aistriú ar mhaithe le hEoraip a bheidh athléimneach ó thaobh na haeráide de agus ciorclach faoi 2030 (preaseisiúint, an 16 Nollaig 2025)
• Straitéis iomlánaíoch uisce á héileamh ag an gComhairle chun acmhainní uisce a chosaint agus chun borradh a chur faoin athléimneacht (preaseisiúint, an 21 Deireadh Fómhair 2025)
• Uisce (eolas cúlra)
• Ceimiceáin (eolas cúlra)

An chaibidlíocht idirnáisiúnta ar an aeráid

Cuirfidh Uachtaránacht na Cipire na hairí ar an eolas faoi ghníomhaíochtaí chun seasamh caibidlíochta an Aontais a neartú i gcruinnithe idirnáisiúnta ar an aeráid; déanfar é seo agus leathshúil ar an 31ú comhdháil de chuid na Náisiún Aontaithe maidir leis an athrú aeráide (COP31) a bheidh ar siúl i mí na Samhna 2026.

• Gníomhú domhanda ar son na haeráide (eolas cúlra)
• Comhaontuithe idirnáisiúnta agus ról na Comhairle (eolas cúlra)

Athléimneacht in aghaidh an athraithe aeráide

Le linn an lóin, beidh plé neamhfhoirmiúil ag na hairí maidir leis an athléimneacht in aghaidh an athraithe aeráide san Eoraip.

• An Athléimneacht Aeráide Eorpach agus Bainistiú Riosca – Creat Comhtháite (an Coimisiún Eorpach)