Skip to content

Ġbir u aċċess

Il-ġabriet tagħna jagħmluha possibbli li nirrintraċċaw l-istorja u r-rwol tal-Kunsill fl-integrazzjoni tal-UE, inkluż ir-rekords tal-laqgħat tal-Kunsill, tal-Coreper u tal-Kunsill Ewropew, l-attività leġiżlattiva tal-Kunsill, in-negozjati dwar it-trattati u ħafna aktar.

Il-kollezzjoni fl-arkivji tal-Kunsill

L-Arkivji tal-Kunsill jiddeskrivu, jiddiġitalizzaw u jippubblikaw online fajls b'valur storiku u amministrattiv. Id-dokumenti oriġinali stampati jintbagħtu lill-Arkivji Storiċi tal-Unjoni Ewropea (EUHA), li jinsabu fl-Istitut Universitarju Ewropew f'Firenze.

Il-kollezzjoni fl-arkivji tal-Kunsill hi maqsuma f'kollezzjonijiet differenti skont l-istadji differenti tal-bażi legali tal-UE:

Ġurnalisti miġbura madwar mejda bil-ktieb tat-Trattat ta' Amsterdam wara l-iffirmar tiegħu
L-iffirmar tat-Trattat ta' Amsterdam, 2 ta' Ottubru 1997.

Komunità Ewropea tal-Faħam u l-Azzar

Il-kollezzjoni fl-arkivji tal-Kunsill hi maqsuma f'kollezzjonijiet differenti skont l-istadji differenti tal-bażi legali tal-UE:

Il-Komunità Ewropea tal-Faħam u l-Azzar (KEFA), kif definita fit-Trattat ta' Pariġi (1952) - kollezzjoni CM1

Komunità Ekonomika Ewropea u Komunità Ewropea tal-Enerġija Atomika

Il-Komunità Ekonomika Ewropea (KEE) u l-Komunità Ewropea tal-Enerġija Atomika (KEEA), kif definita fit-Trattati ta' Ruma (1957) - kollezzjoni CM2

Negozjati intergovernattivi

Din il-kollezzjoni tkopri fajls dwar negozjati intergovernattivi, bħal:

  • negozjati dwar it-trattati
  • it-Trattati ta' Ruma
  • it-Trattat li jistabbilixxi Kunsill wieħed u Kummissjoni waħda tal-Komunitajiet Ewropej
  • oħrajn

Negozjati dwar it-trattati

Din hija kollezzjoni tal-Unjoni Ewropea, mit-Trattat ta' Maastricht sat-Trattat ta' Liżbona (1993–2008). Il-kollezzjoni għadha mhix disponibbli għall-pubbliku.

Negozjati tal-adeżjoni

Din il-kollezzjoni fiha dokumenti relatati man-negozjati tal-adeżjoni bejn il-Komunitajiet u l-pajjiżi tal-adeżjoni. Il-fajls fihom informazzjoni dwar it-tħejjijiet għal-laqgħat tal-konferenza ta' negozjar u l-istabbiliment tal-pożizzjoni Komunitarja dwar id-diversi kapitoli nnegozjati.

L-inventarju ġie arrikkit b'ġabra pjuttost kompluta ta' rekords verbatim u fih ukoll ġabra estensiva ta' leġiżlazzjoni Komunitarja sekondarja tradotta fil-lingwi tal-pajjiżi li saru stati membri.

Negozjati ta' Yaoundé, Lomé u Cotonou

Kollezzjoni li fiha fajls relatati man-negozjati bejn il-KEE u mbagħad l-UE ma' stati / pajjiżi Afrikani, tal-Karibew u xi wħud tal-Paċifiku fil-qafas tal-Konvenzjoni ta' Yaoundé, imbagħad il-Konvenzjoni ta' Lomé u fl-aħħar nett il-Ftehim ta' Cotonou. L-inventarju jippreżenta n-negozjati dwar dawk l-oqfsa legali u l-laqgħat tal-korpi kollha maħluqa mit-trattati u l-atti leġiżlattivi relatati.

Żona Ekonomika Ewropea u Kunsilli ta' Assoċjazzjoni

Din il-kollezzjoni tkopri fajls relatati maż-Żona Ekonomika Ewropea u l-Kunsilli ta' Assoċjazzjoni u n-negozjati bejn l-UE u pajjiżi mhux tal-UE. Għadu mhux disponibbli online iżda fajls li għandhom aktar minn 30 sena jistgħu jiġu kkonsultati fuq talba.

Unjoni Ewropea

Din hija kollezzjoni tal-Unjoni Ewropea, kif definita mit-Trattat ta' Liżbona. Sfortunatament. Il-kollezzjoni għadha mhix disponibbli għall-pubbliku.

Ara wkoll

L-aħħar reviżjoni: 13 ta' Jannar 2026