L-akkwist fis-Segretarjat Ġenerali

L-istituzzjonijiet tal-UE spiss jużaw it-terminu "sejħiet" biex jirreferu għal proċeduri ta' sejħiet għall-offerti. Dan it-terminu jkopri:

• Sejħiet għall-offerti (avviżi ta' kuntratt ippubblikati fil-Ġurnal Uffiċjali)
• Sejħiet għall-espressjoni ta' interess għall-għoti ta' kuntratti ta' provvista, servizzi u xogħlijiet

L-għażla tal-proċedura tas-sejħa għall-offerti u tar-rekwiżiti tar-reklamar tiddependi mill-valur previst ta' kuntratt.

Kuntratti b'valur 'il fuq minn €143 000

L-avviżi ta' kuntratt għal sejħiet għall-offerti b'valur 'il fuq minn €143 000 jiġu ppubblikati fis-Sensiela S tal-Ġurnal Uffiċjali tal-Unjoni Ewropea u jistgħu jiġu kkonsultati online fil-bażi tad-data TED tal-UE.

• Il-bażi tad-data TED (Tenders Electronic Daily) tal-UE

Jekk tixtieq tirċievi notifiki dwar sejħiet għall-offerti futuri f'qasam ta' interess partikolari, għandek tirreġistra f'dan is-sit elettroniku u toħloq notifika ta' tfittxija.

Id-dokumenti dwar l-akkwist u informazzjoni oħra dwar is-sejħiet għall-offerti attwali huma disponibbli fit-taqsima tal-akkwist tal-Portal għall-Finanzjament u għall-Offerti tal-UE.

• Portal għall-Finanzjament u għall-Offerti tal-UE

Kuntratti minn €15 000 sa €143 000

Is-sejħiet għall-offerti għal kuntratti b'valur ta' bejn €15 000 u €143 000 jiġu ppublikati fuq din il-paġna elettronika taħt "sejħiet attwali għall-offerti".

Għal aktar informazzjoni, jekk jogħġbok ikkuntattja l-persuna mniżżla bħala l-punt ta' kuntatt fl-avviż tas-sejħa.

• Sejħiet attwali għall-offerti

Kuntratti b'valur ta' inqas minn €15 000

Il-kuntratti b'valur li ma jaqbiżx €15 000 jistgħu jingħataw permezz ta' proċedura nnegozjata mingħajr pubblikazzjoni minn qabel ta' avviż ta' kuntratt. Dawn l-opportunitajiet ma jiġux irreklamati, iżda jekk inti ssir viżibbli fis-suq tista' tirċievi stedina biex tippreżenta offerta għal dan it-tip ta' kuntratt.

Formoli obbligatorji għall-parteċipazzjoni fil-proċeduri ta' akkwist tas-Segretarjat Ġenerali

Biex tipparteċipa fil-proċeduri ta' akkwist tas-Segretarjat Ġenerali, trid timla formola tal-entità legali u formola ta' identifikazzjoni finanzjarja sabiex tagħtina d-dettalji dwar il-kumpanija u l-kont bankarju tiegħek:

• Formola tal-entità legali: kumpanija privata
• Formola tal-entità legali: individwu
• Formola tal-entità legali: entità pubblika
• Formola ta' identifikazzjoni finanzjarja

Stqarrijiet ta' privatezza għall-parteċipazzjoni fil-proċeduri ta' akkwist tas-Segretarjat Ġenerali

• Reġistru tal-akkwist pubbliku
• Il-bażi tad-data tal-kontabbiltà finanzjarja tal-Kunsill dwar l-entitajiet legali u l-validazzjoni tal-kontijiet bankarji

Min jista' japplika?

Il-parteċipazzjoni hi miftuħa għal:

• operaturi ekonomiċi rreġistrati fl-UE
• iċ-ċittadini kollha tal-UE
• operaturi ekonomiċi minn pajjiż mhux tal-UE li jkun daħal fi ftehim mal-UE dwar il-ftuħ tas-swieq tal-akkwist pubbliku

Biex jikkwalifikaw biex jagħmlu offerta, l-operaturi ekonomiċi:

• m'għandhomx ikunu falluti
• ma jridux ikunu nstabu ħatja ta' ksur gravi tal-kondotta professjonali
• iridu jkunu ssodisfaw l-obbligi tagħhom għal ħlasijiet ta' taxxa u kontribuzzjonijiet tas-sigurtà soċjali
• ma jridux ikunu nstabu ħatja ta' frodi, korruzzjoni, ħasil tal-flus, tħaddim tat-tfal, involviment f'organizzazzjoni kriminali jew kwalunkwe attività illegali oħra li tmur kontra l-interessi finanzjarji tal-UE
• ma jridux ikunu ppreżentaw informazzjoni falza b'mod frawdolenti jew negliġenti
• ma jridux ikunu ġew esklużi minn sejħiet għall-offerti