Sejħiet attwali għall-offerti

Kuntratti b'valur ta' bejn €15 000 u €143 000

• CONSILIUM/2026/LVP/0022-EXA - Audit environnemental interne du système de management environnemental EMAS
• CONSILIUM2026OP0025 - Prestation de services de psychologie clinique pour le Secrétariat général de l’Union européenne

Kuntratti għal servizzi legali

Is-Servizz Legali tal-Kunsill huwa l-konsulent legali tal-Kunsill Ewropew u tal-Kunsill. Huwa jassisti lill-Kunsill Ewropew u lill-Kunsill, kif ukoll lill-korpi preparatorji tiegħu, lill-presidenza u lis-Segretarjat Ġenerali bil-għan li jiżgura l-legalità tal-atti u l-kwalità tal-abbozzar ta' dawn l-atti. Is-Servizz Legali tal-Kunsill jirrappreżenta wkoll lill-Kunsill Ewropew u lill-Kunsill quddiem il-qrati tal-UE u jikkoordina d-difiża ta' dawk l-istituzzjonijiet f'kawżi quddiem il-qrati nazzjonali.

Kultant, is-Servizz Legali tal-Kunsill jirrikorri għal parir legali estern. Pereżempju, ikun irrappreżentat minn avukati esterni f'kawżi quddiem il-qrati nazzjonali u jingħata assistenza minn avukati esterni quddiem il-Qorti tal-Ġustizzja tal-Unjoni Ewropea f'kawżi dwar l-antidumping u, f'ċirkostanzi speċifiċi, anki f'kawżi b'rabta ma' suġġetti oħra, bħal dak tal-miżuri restrittivi. Il-kuntratti għal servizzi legali jkopru wkoll kwistjonijiet ad hoc marbuta ma' liġijiet tal-Belġju jew ma' liġijiet nazzjonali oħra, b'mod partikolari fil-qasam tal-liġi amministrattiva, il-liġi tal-proprjetà immobbli u l-liġi tax-xogħol.

Fl-2025, is-Servizz Legali tal-Kunsill ikkonkluda 14 kuntratt għal servizzi legali b'total ta' €103 720.

Kuntratti b'valur 'il fuq minn €143 000

L-avviżi b'rabta ma' sejħiet għal kuntratti b'valur ta' aktar minn €143 000 jiġu ppubblikati fis-serje S ta' Il-Ġurnal Uffiċjali tal-Unjoni Ewropea u jistgħu jiġu kkonsultati online fil-bażi tad-data TED tal-UE.