"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Il-ministri għall-agrikoltura ddiskutew il-progress li sar s'issa fl-implimentazzjoni tal-Istrateġija l-Ġdida tal-UE għall-Foresti għall-2030, kif ukoll il-miżuri li jistgħu jittieħdu kemm fil-livell nazzjonali kif ukoll f'dak tal-UE biex tittejjeb l-effiċjenza tagħha. Il-ministri kellhom ukoll skambju ta' fehmiet dwar kif tista' tissaħħaħ il-kooperazzjoni bejn il-Kummissjoni, l-istati membri u l-partijiet ikkonċernati, sabiex tiġi żgurata implimentazzjoni effettiva tal-istrateġija u jiġi ggarantit qafas ta' governanza tal-foresti inklużiv u koerenti fl-UE.
Il-foresti u art imsaġġra oħra jkopru aktar minn 43,5 % tal-UE u huma essenzjali għas-saħħa u l-benesseri tal-Ewropej. Il-foresti għandhom rwol ewlieni fl-ekonomija u s-soċjetà tagħna, peress li joħolqu impjiegi u jipprovdu ikel, mediċina, materjali, ilma nadif, u riżorsi oħra. Huma wkoll alleat naturali fl-adattament u l-ġlieda kontra t-tibdil fil-klima. Biż-żieda fl-isfidi kkawżati mit-tibdil fil-klima, il-Kummissjoni ressqet Strateġija Ġdida tal-UE għall-Foresti għall-2030 fis-16 ta' Lulju 2021, f'konformità mal-Patt Ekoloġiku Ewropew u mal-Istrateġija tal-UE għall-Bijodiversità għall-2030. Fil-15 ta' Novembru 2021, il-ministri għall-agrikoltura adottaw konklużjonijiet dwar l-Istrateġija l-Ġdida tal-UE għall-Foresti għall-2030 u stiednu lill-Kummissjoni biex tirrapporta kull sena lill-Kunsill dwar l-implimentazzjoni tagħha.
Il-ministri ddiskutew ukoll l-aspetti agrikoli, tal-forestrija u tal-baħar tar-regolament propost dwar ir-restawr tan-natura, kif ukoll l-eżitu tal-Konferenza tal-UE dwar il-Bijoekonomija 2022. Il-Kummissjoni ppreżentat ukoll il-komunikazzjoni tagħha dwar il-fertilizzanti, li tispjega l-ħtieġa li jiġu żgurati d-disponibbiltà u l-affordabbiltà tal-fertilizzanti bħala bażi għas-sigurtà tal-ikel.
Biż-żieda fil-prezzijiet tal-enerġija u tal-fertilizzanti, huwa d-dmir tagħna li nagħmlu kull sforz biex inżommu l-prezzijiet tal-ikel madwar l-UE f'livell raġonevoli. Biex jinkiseb dan, huwa meħtieġ li tiġi żgurata u stabbilizzata l-produzzjoni tal-fertilizzanti fl-UE u li jiġi żgurat li l-bdiewa jkollhom aċċess għal fertilizzanti affordabbli. L-aggressjoni Russa tipperikola l-produzzjoni agrikola tagħna. Irridu naġixxu u nsaħħu l-awtonomija strateġika tagħna fis-settur biex niżguraw ħsad suffiċjenti s-sena d-dieħla.
Zdeněk Nekula, ministru għall-agrikoltura taċ-Ċekja
Fl-aħħar nett, il-ministri kellhom skambju ta' fehmiet dwar il-ħtieġa li tiġi promossa t-tranżizzjoni tal-enerġija fis-setturi tas-sajd u tal-akkwakultura, u li jiġi żgurat settur tal-algi b'saħħtu u sostenibbli.
Il-Kunsill adotta wkoll, mingħajr diskussjoni, il-punti li jidhru fil-listi ta' punti A leġiżlattivi u mhux leġiżlattivi.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Biż-żieda fil-prezzijiet tal-enerġija u tal-fertilizzanti, huwa d-dmir tagħna li nagħmlu kull sforz biex inżommu l-prezzijiet tal-ikel madwar l-UE f'livell raġonevoli. Biex jinkiseb dan, huwa meħtieġ li tiġi żgurata u stabbilizzata l-produzzjoni tal-fertilizzanti fl-UE u li jiġi żgurat li l-bdiewa jkollhom aċċess għal fertilizzanti affordabbli. L-aggressjoni Russa tipperikola l-produzzjoni agrikola tagħna. Irridu naġixxu u nsaħħu l-awtonomija strateġika tagħna fis-settur biex niżguraw ħsad suffiċjenti s-sena d-dieħla.