"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.

Żur il-paġna tal-politika tal-cookies tagħna għal aktar informazzjoni u biex tibdel is-settings tiegħek.

български español čeština dansk Deutsch eesti Ελληνικά English français Gaeilge hrvatski italiano latviešu lietuvių magyar Malti Nederlands polski português română slovenčina slovenščina suomi svenska
Skip to content

Kunsill Kompetittività

Kunsill Kompetittività, 30/11-01/12/2017, 30 ta' Novembru - 1 ta' Diċembru 2017

Riżultati ewlenin

Gateway diġitali unika

Il-Kunsill adotta l-pożizzjoni tiegħu (approċċ ġenerali) dwar l-istabbiliment ta' gateway diġitali unika li ser tipprovdi online informazzjoni, proċeduri, u servizzi ta' assistenza u ta' soluzzjoni tal-problemi għaċ-ċittadini u l-kumpaniji.

"Jenħtieġ li nagħmluha aktar faċli li ċ-ċittadini u l-kumpaniji tagħna jsibu l-informazzjoni li jeħtieġu, kulfejn jgħixu, jaħdmu jew jagħmlu negozju fl-UE. Il-ħolqien ta' punt uniku ta' servizz online huwa mod konvenjenti kif dan jista' jsir, u dan kien prijorità għall-Presidenza Estonjana. Jirrappreżenta pass ġdid lejn id-diġitalizzazzjoni tas-servizzi pubbliċi f'sitwazzjonijiet transfruntieri u pass ieħor fil-proċess biex l-Ewropa diġitali ssir realtà." Kadri Simson, Ministru għall-Affarijiet Ekonomiċi u l-Infrastruttura tal-Estonja

Strateġija industrijali tal-UE

Il-ministri kellhom diskussjoni dettaljata dwar il-futur tal-politika industrijali tal-UE bbażata fuq rapport tal-Presidenza u l-"Eżami tal-kompetittività" regolari tal-objettivi fit-tul għall-politika industrijali.

Għad-dibattitu ngħaqad magħhom kelliem mistieden mill-koalizzjoni "#Industry4Europe", li tirrappreżenta l-interessi ta’ għadd kbir ta’ assoċjazzjonijiet tal-industrija tal-UE.

Il-ministri adottaw ukoll konklużjonijiet tal-Kunsill li jtennu s-sejħa għal strateġija ta’ politika industrijali tal-UE li tħares ’il quddiem, b’enfasi fuq l-2030 u lil hinn.

Il-programmi spazjali tal-UE

Il-Kunsill iddiskuta t-triq 'il quddiem għall-programmi spazjali tal-UE u adotta konklużjonijiet dwar ir-rieżami ta’ nofs it-terminu tal-programm Copernicus.

"Illum, għandna żewġ programmi spazjali ewlenin tal-UE, Galileo u Copernicus, li qed jipprovdu valur sinifikanti għaċ-ċittadini Ewropej u għall-ekonomija. Id-data spazjali wriet li għandha potenzjal kbir biex jinħolqu benefiċċji ekonomiċi u jitjiebu l-opportunitajiet tax-xogħol. Jeħtieġ li ngħinu lin-negozji tagħna, b’mod partikolari kumpanniji żgħar u negozji ġodda, biex jieħdu vantaġġ minn din id-data biex jipprovdu applikazzjonijiet u servizzi ġodda. Il-Presidenza Estonjana imbuttat għal rabta iktar b’saħħitha bejn l-ispazju u l-ekonomija diġitali. Id-dinja saret diġitali u l-politika spazjali tal-UE hija strument essenzjali lejn ekonomija diġitalizzata u mmexxija mid-data fl-Ewropa." Urve Palo, Ministru għall-Intraprenditorija u t-Teknoloġija tal-Informazzjoni tal-Estonja

Riċerka u innovazzjoni

Il-Kunsill ser jikkunsidra modi biex jissolvew l-isfidi globali fil-qafas pluriennali tal-UE għar-riċerka, l-iżvilupp u l-innovazzjoni li jmiss, is-suċċessur tal-programm Orizzont 2020 attwali.

Huwa adotta l-konklużjonijiet: "Mill-evalwazzjoni interim tal-Orizzont 2020 lejn id-disa' programm qafas".

"Id-dibattiti u l-konklużjonijiet tal-lum huma maħsuba biex jiffurmaw ix-xenarju tal-ġejjieni għar-riċerka u l-innovazzjoni. Jeħtieġ li nżidu l-investimenti u nimmassimizzaw l-impatt tar-riżultati biex joffru soluzzjonijiet avvanzati għall-isfidi li s-soċjetà tagħna qed tiffaċċa llum u fil-futur. Hija responsabbiltà kondiviża li r-riċerka tkun prijorità reali madwar l-Unjoni Ewropea jekk irridu li tiżdied il-kapaċità tagħna fl-innovazzjoni. Jeħtieġ li nimmobilizzaw l-appoġġ għar-riċerka u l-innovazzjoni fl-Ewropa." Mailis Reps, Ministru għall-Edukazzjoni u r-Riċerka tal-Estonja

Dokumenti tal-laqgħat

Stqarrijiet għall-istampa

Tagħrif għall-istampa

Kuntatti għall-istampa

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Akkreditazzjoni u avvenimenti għall-istampa

Għal informazzjoni ġenerali dwar l-akkreditazzjoni, jekk jogħġbok żur din il-paġna.

L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.

Kompli segwina

Laqgħat oħra: Kunsill Kompetittività

Ara laqgħat oħrajn

L-aħħar reviżjoni: 14 ta' Jannar 2025