Kunsill Kompetittività, 28-29/05/2018, 28 u 29 ta' Mejju 2018

Riżultati ewlenin

It-Tnejn, 28 ta' Mejju: Suq intern u industrija

Il-Kunsill qabel dwar approċċ ġenerali għal regolament li għandu l-għan li jtejjeb ir-rikonoxximent reċiproku tal-prodotti kummerċjalizzati fi stat membru ieħor.

Għad irridu negħlbu għadd ta' ostakli artifiċjali f'diversi oqsma tas-suq intern. Ħafna minnhom huma riżultat tal-applikazzjoni ta' regoli differenti f'setturi mhux armonizzati jew implimentazzjoni fqira tal-prinċipji ta' rikonoxximent reċiproku. Il-ftehim tal-lum ser jgħin fil-promozzjoni tal-moviment liberu tal-prodotti fis-suq intern, u għalhekk jiffaċilita l-aċċess għas-suq għall-kumpaniji tagħna, li fl-aħħar mill-aħħar ser ikun ta' benefiċċju għall-konsumaturi Ewropej kollha. Emil Karanikolov, Ministru għall-Ekonomija tal-Bulgarija

• Rikonoxximent reċiproku ta' prodotti: il-Kunsill jaqbel dwar pożizzjoni biex jissaħħaħ is-suq uniku

Il-ministri ddiskutew proposta reċenti biex jiġu promossi prattiki ġusti għal negozji li joperaw permezz ta' pjattaformi online.

Skont l-"eżami tal-kompetittività" tradizzjonali, il-ministri vvalutaw l-impatt konkret tas-suq intern fuq il-bażi industrijali tal-UE f'termini ta' kompetittività u produttività.

It-Tlieta, 29 ta' Mejju: Riċerka, innovazzjoni u spazju

Il-ministri kellhom dibattitu ta' orjentazzjoni dwar ir-riċerka u l-innovazzjoni fil-kuntest tal-qafas finanzjarju tal-UE li jmiss mis-sena 2021 sal-2027.

Huwa importanti li jiżdied l-investiment pubbliku fir-riċerka u l-innovazzjoni, iżda dan mhux biżżejjed. Irridu nużaw ir-riżultati tar-riċerka xjentifika u nkunu kapaċi nsarrfuhom f'applikazzjonijiet prattiċi li jistgħu jindirizzaw l-isfidi soċjetali jew jiġġeneraw prodotti li jtejbu l-ħajja tan-nies. Emil Karanikolov, Ministru għall-Ekonomija tal-Bulgarija

L-attivitajiet ta' riċerka mwettqa skont il-programm ta' riċerka EURATOM ser jiġu estiżi sal-aħħar tal-2020, wara qbil fil-Kunsill.

Il-Kunsill adotta konklużjonijiet dwar li titħaffef iċ-ċirkolazzjoni tal-għarfien fl-UE u dwar il-Cloud Ewropew tax-Xjenza Miftuħa. Ħa nota wkoll ta' rapport ta' progress dwar il-proposta li tiġi stabbilita impriża konġunta dwar il-computing ta' prestazzjoni għolja.

• Konklużjonijiet tal-Kunsill dwar li "Titħaffef iċ-ċirkolazzjoni tal-għarfien fl-UE"
• Konklużjonijiet tal-Kunsill dwar il-Cloud Ewropew tax-Xjenza Miftuħa (EOSC)

Il-ministri ddiskutew il-futur tal-politika Ewropea dwar l-ispazju, b'mod partikolari fil-kuntest tas-suq uniku diġitali.

Fil-kuntest tal-ekonomija diġitali, l-ispazju għandu rwol dejjem aktar importanti x'jaqdi. Huwa infrastruttura inviżibbli użata biex jinkisbu u jitqassmu data u informazzjoni. Dan iwassal biex ifeġġu forom ġodda ta' mudelli tan-negozju. Emil Karanikolov, Ministru għall-Ekonomija tal-Bulgarija