"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-Kunsill qabel dwar approċċ ġenerali dwar id-direttiva proposta. Dan il-qbil ser jippermetti lill-Kunsill jibda negozjati mal-Parlament Ewropew bil-ħsieb tal-adozzjoni rapida tad-direttiva fit-tieni qari.
Is-Suq Uniku jista' jilħaq il-potenzjal sħiħ tiegħu biss jekk il-konsumaturi tal-UE jkollhom aċċess għal għodod effiċjenti u bi prezz raġonevoli biex jinfurzaw id-drittijiet tagħhom fl-Istati Membri kollha. It-test maqbul illum jipprovdi lill-konsumaturi għodod bħal dawn filwaqt li jipproteġi wkoll lill-kummerċjanti minn litigazzjoni abbużiva.
Timo Harakka, ministru għall-impjiegi tal-Finlandja
Direttiva li temenda d-direttiva 2013/34/UE fir-rigward tad-divulgazzjoni tal-informazzjoni dwar it-taxxa fuq l-introjtu
Il-Kunsill eżamina l-proposta ta' kompromess l-aktar reċenti tal-presidenza dwar id-direttiva. Fin-nuqqas ta' appoġġ suffiċjenti għall-proposta tal-presidenza, il-presidenza ħabbret li ser tkompli taħdem fuq dan il-fajl u li ser tirrifletti dwar l-aħjar mod biex din il-proposta titmexxa 'l quddiem.
Abbażi ta' nota mill-presidenza, il-Kunsill kellu skambju ta' fehmiet dwar kif għandu jiġi żgurat li n-negozji tal-UE jikkompetu b'mod effiċjenti u fuq termini ugwali mal-kompetituri tagħhom fis-suq globali. Id-diskussjonijiet iffukaw prinċipalment fuq it-transizzjoni lejn ekonomija newtrali għall-klima, id-diġitalizzazzjoni u teknoloġiji ġodda u prattiki minn pajjiżi terzi li jfixklu l-kompetizzjoni.
Taħt "affarijiet oħra", il-presidenza, il-Kummissjoni u d-delegazzjoni Awstrijaka u dik Daniża infurmaw lill-Kunsill dwar is-sitwazzjoni attwali f'għadd ta' proġetti li jaqgħu taħt il-kompetenza tal-Kunsill Kompetittività. Il-Kunsill ħa nota wkoll ta' preżentazzjoni mid-delegazzjoni Kroata tal-programm ta' ħidma tal-presidenza Kroata li jmiss fil-qasam tas-suq intern u l-industrija.
Riċerka u spazju, 29 ta' Novembru
Konklużjonijiet dwar "Soluzzjonijiet spazjali għal Artiku sostenibbli"
Il-Kunsill adotta konklużjonijiet dwar kif jiġi żgurat Artiku sostenibbli. Fil-konklużjonijiet tiegħu, il-Kunsill jenfasizza li l-ispazju jista' jaġixxi bħala faċilitatur veru fir-reġjun tal-Artiku, speċjalment fil-ġlieda kontra t-tibdil fil-klima u l-iżgurar ta' tkabbir ekonomikament, soċjalment u ambjentalment sostenibbli fiż-żona.
Abbażi ta' nota mill-presidenza li għandha l-għan li tmexxi d-dibattitu, il-ministri kellhom skambju ta' fehmiet dwar l-azzjonijiet li huma meħtieġa għat-tisħiħ tal-effett pożittiv tal-politika spazjali tal-UE fuq setturi mhux spazjali, bħat-trasformazzjoni diġitali u l-azzjoni klimatika, kif ukoll għat-trawwim ta' politika spazjali sostenibbli fl-UE u madwar id-dinja.
Kien hemm qbil ġenerali dwar l-importanza ta' servizzi relatati mal-ispazju għat-trasformazzjoni diġitali tal-ekonomija tal-UE u għall-ġlieda kontra t-tibdil fil-klima. Il-ministri qablu wkoll dwar il-ħtieġa li l-UE tippromwovi qbil f'fora internazzjonali għall-ġestjoni sostenibbli ta' attivitajiet spazjali.
Programm Euratom għall-implimentazzjoni ta' Orizzont Ewropa
Il-Kunsill eżamina l-proposta ta' kompromess l-aktar reċenti tal-presidenza dwar ir-regolament. Ġie nnotat li għadd żgħir ta' delegazzjonijiet ma setgħux jappoġġaw dik il-proposta. Il-presidenza ħabbret li ser tippreżenta rapport ta' progress dwar il-ħidma li saret s'issa f'laqgħa li jmiss tal-Kunsill.
Sadanittant, il-presidenza indikat l-intenzjoni tagħha li toħroġ rapport ta' progress dwar dan il-fajl.
Pakkett Orizzont Ewropa: Regolament dwar il-programm qafas għar-riċerka u l-innovazzjoni 2021-2027 a) Premessi b) Anness IV (sinerġiji)
Il-Kunsill qabel dwar approċċ ġenerali parzjali rigward l-Anness IV tar-Regolament Orizzont Ewropa, li jittratta s-sinerġiji bejn Orizzont Ewropa u programmi oħra tal-UE, kif ukoll dwar dawk il-premessi li kien għadu ma ntlaħaqx qbil dwarhom. Dan il-qbil ser jippermetti lill-Kunsill jibda negozjati mal-Parlament Ewropew bil-ħsieb tal-adozzjoni rapida tar-regolament ladarba jintlaħaq qbil dwar il-qafas finanzjarju pluriennali li jmiss.
Konklużjonijiet dwar l-istrateġija aġġornata tal-UE dwar il-bijoekonomija
Il-Kunsill adotta konklużjonijiet dwar l-istrateġija bijoekonomika aġġornata għall-Ewropa. Fil-konklużjonijiet tiegħu, il-Kunsill jesprimi l-appoġġ tiegħu għall-istrateġija bijoekonomika aġġornata li tinsab fil-komunikazzjoni tal-Kummissjoni. Huwa jappella lill-istati membri biex jimplimentaw din l-istrateġija mingħajr dewmien u lill-Kummissjoni biex tiffaċilita u tmexxi 'l quddiem l-implimentazzjoni tagħha.
Regolament dwar l-Istitut Ewropew tal-Innovazzjoni u t-Teknoloġija (EIT)
Il-Kunsill qabel dwar approċċ ġenerali parzjali rigward ir-regolament propost dwar l-Istitut Ewropew tal-Innovazzjoni u t-Teknoloġija (EIT). Dan il-qbil ser jippermetti lill-Kunsill jibda negozjati mal-Parlament Ewropew bil-ħsieb tal-adozzjoni rapida tar-regolament fl-ewwel qari ladarba jintlaħaq qbil dwar il-qafas finanzjarju pluriennali.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Deċiżjoni dwar l-Aġenda Strateġika ta' Innovazzjoni tal-Istitut Ewropew tal-Innovazzjoni u t-Teknoloġija
Abbażi ta' nota mill-presidenza, il-Kunsill evalwa l-progress miksub s'issa fid-diskussjonijiet fil-korpi preparatorji tal-Kunsill dwar l-abbozz ta' deċiżjoni.
Affarijiet oħra: Programm ta' ħidma tal-presidenza li jmiss
Il-Kunsill ġie infurmat mid-delegazzjoni Kroata dwar il-programm ta' ħidma tal-presidenza Kroata li jmiss fil-qasam spazjali, tar-riċerka u l-innovazzjoni.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Is-Suq Uniku jista' jilħaq il-potenzjal sħiħ tiegħu biss jekk il-konsumaturi tal-UE jkollhom aċċess għal għodod effiċjenti u bi prezz raġonevoli biex jinfurzaw id-drittijiet tagħhom fl-Istati Membri kollha. It-test maqbul illum jipprovdi lill-konsumaturi għodod bħal dawn filwaqt li jipproteġi wkoll lill-kummerċjanti minn litigazzjoni abbużiva.