"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Kompetittività (Riċerka), 28 ta' Settembru 2021
Riżultati ewlenin
Il-ministri tal-UE għar-riċerka ltaqgħu fi Brussell biex jiddiskutu l-approċċ globali tal-UE għar-riċerka u l-innovazzjoni u ż-Żona Ewropea tar-Riċerka l-ġdida.
Konklużjonijiet dwar l-approċċ globali għar-riċerka u l-innovazzjoni
Il-Kunsill approva konklużjonijiet dwar approċċ globali għar-riċerka u l-innovazzjoni. L-approċċ globali jidentifika azzjonijiet ewlenin biex tissaħħaħ l-istrateġija tal-UE għall-kooperazzjoni internazzjonali fir-riċerka u l-innovazzjoni (R&I), b'enfasi qawwija fuq il-ftuħ u valuri u prinċipji fundamentali kondiviżi.
Il-konklużjonijiet tal-lum jibagħtu messaġġ qawwi li l-UE għandha tippromwovi l-ftuħ u l-multilateraliżmu bbażat fuq ir-regoli fil-kooperazzjoni tagħha ma' pajjiżi terzi fir-R&I. Il-kooperazzjoni hija essenzjali għat-tisħiħ taż-Żona Ewropea tar-Riċerka, u aħna kuntenti li d-delegazzjonijiet laqgħu dan l-approċċ globali għar-riċerka u l-innovazzjoni.
Simona Kustec - Ministru għall-Edukazzjoni, ix-Xjenza u l-Isport tas-Slovenja
Il-ministri tal-UE qasmu l-fehmiet tagħhom dwar il-governanza u l-implimentazzjoni taż-Żona Ewropea tar-Riċerka (ŻER).
Ir-riċerka u l-innovazzjoni għandhom rwol importanti fil-ħolqien ta' Unjoni Ewropea reżiljenti u b'saħħitha. Ir-riċerka u l-innovazzjoni ser jippermettu tranżizzjoni sostenibbli lejn ekonomija ekoloġika u kompetittiva biex jiġi żgurat li s-soċjetà futura tagħna tkun aktar reżiljenti.
Simona Kustec - Ministru għall-Edukazzjoni, ix-Xjenza u l-Isport tas-Slovenja
Waqt is-sessjoni pubblika, il-ministri qablu dwar il-ħtieġa li jissaħħaħ ir-rikonoxximent politiku tar-rwol tar-R&I, bil-ħsieb li tittejjeb ir-reżiljenza tal-Ewropa u jitwettqu t-tranżizzjoni diġitali u dik ekoloġika.
Il-ministri esprimew l-appoġġ tagħhom għar-riforma li għaddejja taż-ŻER, li tgħaqqad il-punti b'saħħithom tal-istituzzjonijiet pubbliċi, il-gvernijiet u l-partijiet ikkonċernati filwaqt li tirrispetta r-rwoli, ir-responsabbiltajiet u l-proċessi differenti tagħhom. Din ir-riforma għandha sseħħ kemm fil-livell nazzjonali kif ukoll f'dak tal-UE.
Il-ministri qablu li jiżguraw l-involviment mill-qrib tas-sħab internazzjonali fiż-ŻER il-ġdida. Madankollu, ħafna argumentaw li għandu jkun hemm kooperazzjoni aktar mill-qrib ma' pajjiżi sħab bi grad aktar b'saħħtu ta' assoċjazzjoni u prinċipji u valuri simili għar-R&I.
Bosta rreferew ukoll għall-ħtieġa li tiġi stabbilita struttura ta' governanza moderna, effiċjenti u simplifikata biex jiġi massimizzat l-impatt tal-azzjonijiet taż-ŻER. Ser ikun daqstant importanti li tiġi prevista sistema robusta ta' monitoraġġ biex jiġi vvalutat il-progress fil-kisba tal-objettivi taż-ŻER.
Il-presidenza Slovena aġġornat lill-ministri dwar is-sitwazzjoni attwali rigward is-sħubijiet Ewropej Istituzzjonalizzati.Bħala parti mill-pakkett Orizzont Ewropa 2020, dawn is-sħubijiet huma essenzjali għat-tmexxija teknoloġika tal-UE.
Fajl wieħed tas-sħubijiet huwa s-Sħubija Ewropea dwar il-Metroloġija mwettqa b'mod konġunt minn diversi stati membri. Dwar dan il-fajl ewlieni, il-presidenza infurmat lill-ministri dwar in-negozjati politiċi mal-Parlament Ewropew li kienu ser isiru fit-28 ta' Settembru waranofsinhar. Il-presidenza qalet li kienet ottimista dwar l-ilħuq ta' ftehim finali matul dawk in-negozjati.
Konferenza GenderAction u d-dikjarazzjoni ta' Ljubljana
Il-presidenza infurmat lill-ministri dwar il-konferenza virtwali GenderAction li saret fit-8 u d-9 ta' Lulju fis-Slovenja. Matul il-konferenza, il-presidenza Slovena ppreżentat id-dikjarazzjoni ta' Ljubljana dwar l-ugwaljanza bejn il-ġeneri fir-riċerka u l-innovazzjoni.
Il-presidenza Slovena stiednet lid-delegazzjonijiet biex japprovaw id-dikjarazzjoni, peress li l-ugwaljanza bejn il-ġeneri hija prijorità importanti. Id-Dikjarazzjoni ta' Ljubljana tenfasizza l-importanza li jinżamm il-valur tal-ugwaljanza bejn il-ġeneri, u li tkun proattiv fl-integrazzjoni tal-ugwaljanza bejn il-ġeneri fir-riċerka u l-innovazzjoni, biex tiġi żgurata tranżizzjoni doppja ġusta, li twassal għal stili ta' ħajja inklużivi ġodda għal kulħadd u opportunitajiet ġodda għall-impjiegi u r-riċerka.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Assoċjazzjoni ta' pajjiżi terzi ma' Orizzont Ewropa
Il-Kummissjoni Ewropea aġġornat lill-ministri dwar l-istat attwali tal-assoċjazzjoni ta' pajjiżi terzi mal-programmi tal-UE, b'mod partikolari Orizzont Ewropa. Il-Kummissjoni qasmet il-pjanijiet tagħha sal-aħħar tas-sena u infurmat lid-delegati dwar il-progress li sar s'issa.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Il-konklużjonijiet tal-lum jibagħtu messaġġ qawwi li l-UE għandha tippromwovi l-ftuħ u l-multilateraliżmu bbażat fuq ir-regoli fil-kooperazzjoni tagħha ma' pajjiżi terzi fir-R&I. Il-kooperazzjoni hija essenzjali għat-tisħiħ taż-Żona Ewropea tar-Riċerka, u aħna kuntenti li d-delegazzjonijiet laqgħu dan l-approċċ globali għar-riċerka u l-innovazzjoni.
