"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Kompetittività (Suq intern u industrija), 29 ta' Settembru 2021
Riżultati ewlenin
Il-ministri għas-suq intern u l-industrija tal-UE ltaqgħu fi Brussell biex jiddiskutu l-istrateġija industrijali aġġornata u l-aġenda għal regolamentazzjoni aħjar.
Il-pakkett "Lesti għall-mira ta' 55%" minn perspettiva industrijali
Il-Kunsill iddiskuta l-impatt tal-pakkett il-ġdid dwar il-klima u l-enerġija fuq l-ekonomija u l-industrija.
Il-ministri qablu b'mod ġenerali li d-disponibbiltà ta' enerġija dekarbonizzata affordabbli hija waħda mill-prekondizzjonijiet għas-suċċess ta' "Lesti għall-mira ta' 55%". Il-ministri enfasizzaw l-importanza tal-mekkaniżmu ta' aġġustament tal-karbonju fil-fruntieri (CBAM) propost, li għandu jipprevjeni r-riskju ta' rilokazzjoni tal-emissjonijiet tal-karbonju. Diversi delegazzjonijiet qajmu l-isfidi li jirriżultaw mill-pakkett għall-industrija tal-karozzi u qablu li t-tranżizzjoni ekoloġika m'għandhiex iżżid il-piż fuq l-SMEs.
"Ninsab kuntent li l-istati membri qablu li l-fehmiet tal-Kunsill Kompetittività għandhom jitqiesu fin-negozjati dwar il-pakkett 'Lesti għall-mira ta' 55%'". Huwa għandu jissorvelja mill-qrib u jindirizza regolarment it-tranżizzjoni ekoloġika u d-dibattitu fil-kuntest tal-pakkett u l-impatt tiegħu fuq l-ekonomija u l-industrija tal-UE. Dan huwa importanti biex jiġi żgurat li l-miżuri miftiehma jkunu proporzjonati u ma jagħmlux ħsara lill-kompetittività u t-tkabbir tal-UE.
Zdravko Počivalšek, Ministru għall-Iżvilupp Ekonomiku u t-Teknoloġija tas-Slovenja
Il-ministri ddiskutew l-akbar sfidi u opportunitajiet għan-negozji li jirriżultaw mill-pakkett dwar il-klima "Lesti għall-mira ta' 55%" u t-tranżizzjoni lejn in-newtralità klimatika. Il-ministri ħarsu wkoll lejn il-perkorsi possibbli biex tiġi żgurata tranżizzjoni ġusta, kompetittiva u ekoloġika tal-ekonomija tal-UE sal-2030 u lil hinn.
Il-ministri kellhom dibattitu ta' orjentazzjoni pubbliku dwar it-tfassil ta' politika li tibqa' valida fil-futur biex tittejjeb il-kompetittività tal-UE u jitrawwem aktar is-suq uniku, li huwa parti mill-aġenda għal regolamentazzjoni aħjar.
Ir-regolamentazzjoni aħjar ilha prijorità politika tal-UE għal diversi snin u hija prijorità għall-presidenza Slovena, għalhekk nilqa' l-fatt li s-suġġett kien fuq l-aġenda tal-lum. Neħtieġu qafas regolatorju li jkun ibbażat fuq l-evidenza, li jiffavorixxi l-innovazzjoni u li jibqa' validu fil-futur biex jitrawmu l-kompetittività u t-tkabbir. Fl-aħħar mill-aħħar dan ser jikkontribwixxi għall-irkupru tal-Ewropa.
Boštjan Koritnik, Ministru għall-Amministrazzjoni Pubblika tas-Slovenja
Matul id-dibattitu, il-ministri enfasizzaw l-importanza ta' qafas leġiżlattiv ċar, koerenti u li jibqa' validu fil-futur, li huma jqisu bħala essenzjali f'dawn iż-żminijiet ta' pandemija u rkupru ekonomiku. Il-ministri esprimew il-ħtieġa ta' leġiżlazzjoni ta' kwalità għolja, u ddiskutew l-approċċ "one in, one out", li ġie propost mill-Kummissjoni.
Il-Kummissjoni rrappurtat dwar l-attivitajiet tat-Task Force għall-Infurzar fis-Suq Uniku (SMET). SMET huwa wieħed mill-komponenti ewlenin tal-pjan ta' azzjoni għal implimentazzjoni u infurzar aħjar tar-regoli tas-suq uniku adottat f'Marzu 2020 bħala parti mill-istrateġija industrijali Ewropea.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Id-delegazzjoni Griega infurmat lill-ministri dwar id-dikjarazzjoni ministerjali konġunta dwar l-akkwist tal-innovazzjoni fl-UE. Id-dikjarazzjoni hija appoġġata mid-delegazzjoni Taljana, Ċiprijotta u dik Lussemburgiża.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-privattiva unitarja u l-qorti unifikata tal-privattivi
Il-presidenza Slovena infurmat lill-Kunsill dwar is-sitwazzjoni attwali fir-rigward tar-ratifiki nazzjonali tal-Ftehim dwar il-Qorti Unifikata tal-Privattivi (UPCA) u l-protokoll dwar l-applikazzjoni proviżorja tal-UPCA.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
"Ninsab kuntent li l-istati membri qablu li l-fehmiet tal-Kunsill Kompetittività għandhom jitqiesu fin-negozjati dwar il-pakkett 'Lesti għall-mira ta' 55%'". Huwa għandu jissorvelja mill-qrib u jindirizza regolarment it-tranżizzjoni ekoloġika u d-dibattitu fil-kuntest tal-pakkett u l-impatt tiegħu fuq l-ekonomija u l-industrija tal-UE. Dan huwa importanti biex jiġi żgurat li l-miżuri miftiehma jkunu proporzjonati u ma jagħmlux ħsara lill-kompetittività u t-tkabbir tal-UE.
Ir-regolamentazzjoni aħjar ilha prijorità politika tal-UE għal diversi snin u hija prijorità għall-presidenza Slovena, għalhekk nilqa' l-fatt li s-suġġett kien fuq l-aġenda tal-lum. Neħtieġu qafas regolatorju li jkun ibbażat fuq l-evidenza, li jiffavorixxi l-innovazzjoni u li jibqa' validu fil-futur biex jitrawmu l-kompetittività u t-tkabbir. Fl-aħħar mill-aħħar dan ser jikkontribwixxi għall-irkupru tal-Ewropa.