- Kunsill Affarijiet Ekonomiċi u Finanzjarji
Kunsill Affarijiet Ekonomiċi u Finanzjarji, 10/03/2015, 10 ta' Marzu 2015
Fil-kuntest ekonomiku attwali, hemm fehim ċar tal-ħtieġa li niksbu b'mod rapidu investimenti ġodda fl-Ewropa.” Jānis Reirs, ministru għall-finanzi tal-Latvja
Riżultati ewlenin
Pjan ta' investiment għall-Ewropa
Il-Kunsill qabel dwar il-pożizzjoni ta' negozjar tiegħu dwar fond Ewropew għal investimenti strateġiċi, biex b'hekk in-negozjati mal-Parlament Ewropew ikunu jistgħu jibdew malajr.
Il-fond huwa parti minn pjan li għandu l-għan li jibda jħaddem aktar minn €315 biljun f’investiment privat u pubbliku, u b’hekk jiffaċilita l-irkupru ekonomiku, il-ħolqien tal-impjiegi u tat-tkabbir u l-kompetittività fit-tul.
L-għan huwa li sa Ġunju jintlaħaq ftehim ġenerali, sabiex ikunu jistgħu jinbdew investimenti ġodda saħansitra f'nofs l-2015.
“Hemm appoġġ politiku qawwi fost l-istati membri għal din l-inizjattiva”, qal Jānis Reirs, ministru għall-finanzi tal-Latvja u president tal-Kunsill. “Fil-kuntest ekonomiku attwali, hemm fehim ċar tal-ħtieġa li niksbu b'mod rapidu investimenti ġodda fl-Ewropa.”
Proċedura ta’ defiċit eċċessiv għal Franza
Il-Kunsill ta lil Franza sentejn addizzjonali biex iġġib id-defiċit tal-gvern taħt it-3% tal-PGD, waqt li appella biex id-defiċit jissewwa sal- 2017.
Il-Kunsill ikkonkluda li l-estensjoni tal-iskadenza kienet iġġustifikata mill-isforz fiskali magħmul minn Franza mill-2013 sa issa, u mis-sitwazzjoni ekonomika dgħajfa u fatturi oħrajn.
Huwa talab lil Franza biex timplimenta kompletament il-miżuri maqbula għall-2015, u talab sforz fiskali addizzjonali li għandu jsir sal-aħħar ta’ April.
Unjoni bankarja
Il-Kunsill eżamina mill-ġdid l-implimentazzjoni tal-unjoni bankarja tal-Ewropa, speċifikament fir-rigward ta’ strumenti li jittrattaw l-irkupru u r-riżoluzzjoni ta’ banek li jkunu qed ifallu.
Huwa appella lill-istati membri biex jaċċelleraw l-azzjonijiet tar-ratifika tal-ftehim intergovernattiv dwar il-fond uniku ta’ riżoluzzjoni u jimplimentaw id-direttiva tal-UE dwar l-irkupru u r-riżoluzzjoni tal-banek.
Dokumenti tal-laqgħat
Dokumenti ta' eżitu
- Aġenda proviżorja, laqgħa tal-Kunsill Affarijiet Ekonomiċi u Finanzjarji, 10 ta' Marzu 2015
- Lista ta’ punti A, attivitajiet mhux leġislattivi, Kunsill Affarijiet Ekonomiċi u Finanzjarji, 10 ta’ Marzu 2015
- Indicative programme, Economic and Financial Affairs, 10 March 2015
- Informazzjoni ta' sfond
- List of participants
Stqarrijiet għall-istampa
Tagħrif għall-istampa
Kuntatti għall-istampa
-
Patrick McCullough Press officer
- +32 471 33 38 46
- +32 2 281 91 19
Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.
Akkreditazzjoni u avvenimenti għall-istampa
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Kompli segwina
- Irreġistra għall-allerti bl-email tagħna biex tirċievi aġġornamenti dwar din il-laqgħa u laqgħat simili.
- Segwi @EUCouncilPressgħall-aħħar aġġornamenti għall-istampa.
- Hashtag fuq X: #ECOFIN
Laqgħat oħra: Kunsill Affarijiet Ekonomiċi u Finanzjarji
Laqgħat li seħħew
L-aħħar reviżjoni: 8 ta' Jannar 2025