Kunsill Affarijiet Ekonomiċi u Finanzjarji, 12 ta' Mejju 2015

Riżultati ewlenin

Żbilanċi makroekonomiċi u riformi strutturali

Id-dibattitu tal-lum bejn il-ministri qajjem kuxjenza dwar il-ħtieġa li jiġu indirizzati mingħajr dewmien l-isfidi ta' politika individwali li qed jiffaċċja kull stat membru.
Jānis Reirs, ministru għall-finanzi tal-Latvja

Il-Kunsill adotta konklużjonijiet dwar analiżi fil-fond ta’ żbilanċi ekonomiċi fl-istati membri, waqt li enfasizza l-ħtieġa għal impenn qawwi għar-riformi strutturali.
Huwa ddiskuta l-implimentazzjoni ta’ rakkomandazzjonijiet speċifiċi għall-pajjiż taħt is-“semestru Ewropew”, il-proċess annwali ta’ monitoraġġ tal-politika tal-UE.

“Jidher ċar li hemm lok għal titjib fl-implimentazzjoni tar-rakkomandazzjonijiet”, qal Jānis Reirs, ministru għall-finanzi tal-Latvja u president tal-Kunsill. Huwa qal, "Id-dibattitu tal-lum bejn il-ministri qajjem kuxjenza dwar il-ħtieġa li jiġu indirizzati mingħajr dewmien l-isfidi ta' politika individwali li qed jiffaċċja kull stat membru".

• Konklużjonijiet tal-Kunsill dwar ir-reviżjonijiet approfonditi
• Is-Semestru Ewropew fl-2015

Sostenibbiltà tal-finanzi pubbliċi — rapport dwar it-tixjiħ 2015

Il-Kunsill iddiskuta previżjonijiet dwar in-nefqa marbuta mal-età għall-istati membri matul il-perjodu 2013-60, abbażi ta’ rapport u data demografika.
Adotta konklużjonijiet, li jenfasizzaw il-ħtieġa li jiġi minimizzat l-impatt negattiv fuq it-tkabbir ekonomiku tal-iżviluppi fl-infiq marbuta ma’ popolazzjonijiet li qed jixjieħu. Il-konklużjonijiet jirrakkomandaw azzjoni ta’ politika kontinwa, b’mod partikolari riformi fis-sistemi tal-pensjonijiet u tas-saħħa u l-kura fit-tul.

• Konklużjonijiet tal-Kunsill dwar is-sostenibbiltà tal-finanzi pubbliċi fid-dawl tat-tixjiħ tal-popolazzjonijiet:

Pjan ta' investiment għall-Ewropa  

Il-Kunsill iddiskuta l-progress fin-negozjati mal-Parlament Ewropew dwar fond Ewropew għal investimenti strateġiċi (EFSI) propost.
Il-presidenza ser tkompli tinnegozja f’isem il-Kunsill, bil-għan li jiġu ffinalizzati n-negozjati sal-aħħar ta’ Mejju. L-adozzjoni tar-regolament dwar l-EFSI f’Ġunju tagħmilha possibbli li investimenti ġodda jibdew sa minn nofs l-2015, kif ippjanat.
L-EFSI ser jappoġġa l-proġetti f’firxa wiesgħa ta’ oqsma, isaħħaħ il-kapaċità ta' rfigħ tar-riskji sabiex jistimula l-involviment ta' investituri privati. Dan huwa wieħed mill-elementi ċentrali tal-'pjan ta’ investiment għall-Ewropa' ta' EUR 315-il biljun tal-Kummissjoni.

• Fond Ewropew għall-investimenti strateġiċi (informazzjoni ġenerali)
• Eżitu tal-laqgħa tal-Kunsill