"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza informali tal-ministri għall-ekonomija u l-finanzi, 16 ta' Frar 2021
Riżultati ewlenin
Irkupru ekonomiku fl-UE
Il-ministri evalwaw is-sitwazzjoni ekonomika attwali u l-prospetti ekonomiċi. Huma semgħu preżentazzjoni mill-Kummissjoni dwar it-tbassir tax-xitwa 2021 u preżentazzjoni mill-Bank Ċentrali Ewropew dwar kwistjonijiet marbuta mal-istabbiltà finanzjarja.
Iffukaw ukoll fuq l-implimentazzjoni tal-miżuri maqbula s-sena l-oħra bħala parti mir-rispons tal-UE għall-pandemija tal-COVID-19.
Il-presidenza enfasizzat li r-regolament li jistabbilixxi l-Faċilità għall-Irkupru u r-Reżiljenza mistenni jidħol fis-seħħ fid-19 ta' Frar. Imbagħad l-istati membri ser ikunu jistgħu jibdew iressqu uffiċjalment il-pjanijiet tagħhom għall-irkupru u r-reżiljenza lill-Kummissjoni. Il-ministri ddiskutew it-tħejjija li għaddejja għall-pjanijiet u l-prijoritajiet tagħhom, u qablu dwar l-importanza li jiġu mobilizzati l-isforzi kollha sabiex jiġu ppreżentati pjanijiet komprensivi u ambizzjużi mill-aktar fis possibbli.
Huwa tal-akbar importanza li l-pjanijiet nazzjonali għall-irkupru u r-reżiljenza jiġu ffinalizzati b'mod effiċjenti u bir-reqqa, li jippermetti valutazzjoni pożittiva u żborż rapidu ta' fondi tant meħtieġa.
João Leão, Ministru għall-Finanzi tal-Portugall
Il-Kummissjoni ppreżentat ukoll ħarsa ġenerali lejn l-operazzjonijiet tagħha ta' self taħt SURE, l-istrument Ewropew għall-appoġġ temporanju għal appoġġ temporanju biex jittaffew ir-riskji ta' qgħad f'emerġenza. Il-bonds ġibdu livell għoli ta' interess fost l-investituri, li rriżulta f'kondizzjonijiet ta' prezzijiet favorevoli.
Il-presidenza infurmat lill-ministri dwar is-sitwazzjoni attwali rigward ir-ratifika tad-deċiżjoni dwar ir-riżorsi proprji, filwaqt li enfasizzat l-importanza ta' konklużjoni rapida tal-proċess.
Il-Kummissjoni ddeskriviet il-ħsieb tagħha dwar l-element kostitwenti għall-istrateġija ta' self għal Next Generation EU. Hija mistennija tippreżenta komunikazzjoni dwar l-operazzjonijiet tagħha ta' self u tislif f'April.
Il-ministri kellhom skambju ta' fehmiet inizjali dwar il-prijoritajiet ta' finanzjament u ta' politika għall-irkupru ta' pajjiżi b'introjtu baxx fil-kuntest ta' Inizjattiva ta' Rkupru Globali tal-UE.
Il-pandemija qajmet il-kwistjoni ta' kif pajjiżi li qed jiżviluppaw u dawk b'introjtu baxx jistgħu jiffinanzjaw l-irkupru tagħhom, peress li nofs il-pajjiżi b'introjtu baxx għandhom diġà jew jinsabu f'riskju għoli ta' dejn kbir. Il-ministri ddiskutew modi differenti li bihom l-UE u l-istati membri tagħha jistgħu jaħdmu flimkien biex jindirizzaw dawn il-lakuni fil-finanzjament għall-irkupru kemm fil-livell globali kif ukoll fil-livell tal-pajjiżi. Id-diskussjonijiet kompliet tibni fuq il-konklużjonijiet dwar is-serħan mid-dejn internazzjonali, b'mod partikolari għall-pajjiżi Afrikani, adottati mill-Kunsill f'Novembru 2020.
Il-ministri ħejjew ukoll għal-laqgħa tal-ministri għall-finanzi u l-gvernaturi tal-banek ċentrali tal-G20li għandha ssir fis-26 ta' Frar.
Il-presidenza aġġornat lill-ministri dwar il-proposti leġiżlattivi fil-qasam tas-servizzi finanzjarji.
Il-ministri ġew infurmati wkoll li l-Kunsill mistenni jadotta wara l-vidjokonferenza, permezz ta' proċedura bil-miktub, konklużjonijiet dwar il-linji gwida baġitarji għall-2022, u rakkomandazzjoni li l-Parlament Ewropew jagħti l-kwittanza lill-Kummissjoni għall-implimentazzjoni tal-baġit tal-UE għall-2019.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Huwa tal-akbar importanza li l-pjanijiet nazzjonali għall-irkupru u r-reżiljenza jiġu ffinalizzati b'mod effiċjenti u bir-reqqa, li jippermetti valutazzjoni pożittiva u żborż rapidu ta' fondi tant meħtieġa.
